'విశ్వంభర' సెట్స్​లో కొత్త బ్యూటీ - షూటింగ్​లో బిజీ బిజీ! - Chiranjeevi Vishwambara Movie

Chiranjeevi Vishwambara Movie : మెగాస్టార్ చిరంజీవి అప్​కమింగ్ మూవీ 'విశ్వంభర' షూటింగ్​లోకి ఓ కొత్త బ్యూటీ ఎంటరై సందడి చేస్తోంది. ఆ విశేషాలు మీ కోసం.

Chiranjeevi Vishwambara Movie : మెగాస్టార్ చిరంజీవి లీడ్​ రోల్​లో తెరకెక్కుతున్న లేటెస్ట్ మూవీ 'విశ్వంభర'. 'బింబిసార' ఫేమ్ వశిష్ఠ డైరెక్షన్​లో రూపొందుతున్న ఈ చిత్రం ప్రస్తుతం శరవేగంగా షూటింగ్ జరుపుకుంటోంది. ఇప్పటికే ఈ సినిమాకు సంబంధించిన పలు కీలక సీన్స్​ను కూడా షూట్ చేసినట్లు సమాచారం.

ఇక మెగాస్టార్ చిరంజీవి కూడా ఇటీవలే తన పోర్షన్​ను కూడా దాదాపుగా పూర్తి చేసినట్లు తెలుస్తోంగది. దీంతో డైరెక్టర్ మిగతా నటీనటులపై కీలక సన్నివేశాలను తెరకెక్కిస్తున్నారట. ఇందులో భాగంగా నటి అషికా రంగనాథ్​ ఇప్పుడు 'విశ్వంభర' సెట్స్​లో సందడి చేస్తోంది. తాజాగా నైట్ షూట్స్​ అంటూ ఓ ఫోటో షేర్ చేసింది. ప్రస్తుతం అది నెట్టింట తెగ ట్రెండ్ అవుతోంది.

@AshikaRanganath On sets of #Vishwambhara 💥🎬 #MegastarChiranjeevi #Chiranjeevi #AshikaRanganath #AshikaRangnath #Trisha #TrishaKrishnan @AshikaRangana pic.twitter.com/QXom4SDdCg

— AMAR.CHIRU (@Amarnath_555) September 3, 2024

Vishwambara Movie Cast : ఇక విశ్వంభర సినిమా విషయానికి వస్తే సోషియో ఫాంటసీ బ్యాక్​డ్రాప్​తో ఈ సినిమా భారీ బడ్జెట్​తో తెరకెక్కుతోంది. 'బింబిసార' ఫేమ్ డైరెక్టర్ వశిష్ఠ ఈ సినిమాను ప్రతిష్టాత్మకంగా రూపొందిస్తున్నారు. త్రిష, అశికా రంగనాథ్, ఇషా, సురభి లాంటి స్టార్స్ ఇందులో కీలక పాత్రలు పోషిస్తున్నారు. వచ్చే ఏడాది సంక్రాంతి కానుకగా జనవరి 10న ప్రేక్షకుల ముందుకు రానుంది. ఇప్పటికే విడుదలైన పోస్టర్లు, కాన్సెప్ట్ వీడియో కూడా ప్రేక్షకులను సినిమాపై మరిన్నీ అంచనాలు పెంచేసేంది. యు.వి.క్రియేషన్స్‌ పతాకంపై ఈ మూవీ తెరకెక్కుతోంది.

Chiranjeevi Socio Fantasy Movies : ఇక చిరు ఈ తరహా జానర్​ సినిమాల్లో నటించడం ఇదేం తొలిసారి కాదు. ఆయన ఇది వరకే 'జగదేక వీరుడు అతిలోక సుందరి','అంజి' లాంటి సినిమాల్లో నటించి ప్రేక్షకులను మెప్పించారు. ఇప్పుడు ఈ సినిమాతో తనను మరింత కొత్తగా చూపించేందుకు మూవీ మేకర్స్ ప్రయత్నిస్తున్నారు.

గతంలో డైరెక్టర్ వశిష్ఠ కూడా ఈ సినిమా గురించి పలు ఆసక్తికరమైన విషయాలు పంచుకున్నారు. మూవీపై ఎన్ని ఎక్స్​పెక్టేషన్స్​ అయినా పెట్టుకోండి, అంతకుమించి వంద రెట్టు ఎక్కువ ఉండేలా, అభిమానులు సంతృప్తి చెందేలా ఈ చిత్రాన్ని తాను తెరకెక్కిస్తున్నట్లు చెప్పారు. బాస్ నీ అభిమానులందరూ ఎలా చూడాలి అనుకుంటున్నారో అలా చూపిస్తా అని అన్నారు. ఒకప్పటి వింటేజ్ చిరును చూపించడంతో పాటు ఇప్పటి వరకు ఎవరూ మెగాస్టార్​తో చేయని సబ్జెక్టును చేస్తున్నట్లు చెప్పుకొచ్చారు. ఈ సినిమా కచ్చితంగా అంచనాలు అందుకుంటుందని ధీమా వ్యక్తం చేశారు.