Bigg Boss 8 Telugu Wild Card Entries: బిగ్బాస్ 8వ సీజన్లో ఎంటర్‌టైన్‌మెంట్‌ అన్‌లిమిటెడ్‌ అన్నారు. కానీ హౌజ్మేట్ల గిల్లికజ్జాలు, అలకలు చూస్తుంటే ప్రేక్షకులకు కూడా అసహనం అన్‌లిమిటెడ్‌గానే వస్తోంది. ఈ క్రమంలోనే ఆడియన్స్ను ఎంటర్టైన్ చేసేందుకు బిగ్బాస్ టీమ్‌ వైల్డ్కార్డ్ ఎంట్రీలను దింపుతోంది. మొత్తంగా ఎనిమిది మందిని ఇంట్లోకి పంపిస్తున్నారని.. ఇప్పటికే వారి షూట్ కంప్లీట్ అయినట్లు సమాచారం. ఇంతకీ వారు ఎవరో ఇప్పుడు చూద్దాం..
సెప్టెంబర్ 1న గ్రాండ్గా లాంఛ్ అయిన బిగ్బాస్ సీజన్ 8లో మొత్తం 14 మంది కంటెస్టెంట్లు పాల్గొన్నారు. అందులో బేబక్క, శేఖర్ బాషా, అభయ్ నవీన్, సోనియా ఆకుల, ఆదిత్య ఎలిమినేట్ అయ్యారు. ఈ ఆదివారం మరొకరు ఎలిమినేట్ కానున్నారు. ఇదిలా ఉంటే వైల్డ్ కార్డ్స్ ఎంట్రీస్పై అటు కంటెస్టెంట్లు, ఇటు ప్రేక్షకుల్లో క్యూరియాసిటీ నెలకొంది. అంతేకాకుండా నేటి ఎపిసోడ్లో నాగార్జున కూడా" తుఫాను రాబోతోంది. వైల్డ్ కార్డ్స్ ఒకరి తర్వాత ఒకరు రానున్నారు. మీరు వైల్డ్‌గా లేకపోతే వాళ్లను తట్టుకోలేరు" అంటూ కంటెస్టెంట్లను మరింత టెన్షన్కు గురిచేశారు.
వైల్డ్ కార్డ్ ఎంట్రీస్ లిస్ట్ చూస్తే:
హరితేజ: ఎన్టీఆర్ హోస్ట్గా వ్యవహరించిన బిగ్బాస్ తెలుగు 1లో అవకాశం దక్కించుకుంది. స్ట్రాంగ్ కంటెస్టెంట్గా మారి 3వ స్థానంలో నిలిచింది. అయితే ఈ లేడీ ఇప్పుడు సీజన్ 8లో పాల్గొననుందని సమాచారం.
రోహిణి: బిగ్బాస్ తెలుగు సీజన్ 3లో పాల్గొన్న రోహిణి.. తన మార్క్ గేమ్తో ప్రేక్షకులకు ఆకట్టుకునే ప్రయత్నం చేసింది. ఈ క్రమంలోనే నాలుగో వారం ఎలిమినేట్ అయ్యింది. దీంతో తిరిగి సీజన్ 8లో కంటెస్ట్ చేయనుందట ఈ లేడీ కమెడియన్.
అవినాష్: బిగ్బాస్ సీజన్ 4 కంటెస్టెంట్స్లో ముక్కు అవినాష్ ఒకరు. ఆ సీజన్లో కూడా వైల్డ్ కార్డు ఎంట్రీ ఇచ్చాడు. అతడి బాడీ లాంగ్వేజ్, జోక్స్ నవ్వులు పూయించేవి. అవినాష్ అంచనాలకు మించి రాణించాడు. పది వారాలకు పైగా హౌజ్లో ఉన్నాడు. అయితే ముక్కు అవినాష్ బిగ్బాస్ తెలుగు సీజన్ 8లో పార్టిసిపేట్ చేస్తున్నాడు అనేది తాజా న్యూస్.
గౌతమ్ కృష్ణ: సీజన్ 7లో పాల్గొన్న గౌతమ్.. తొందరగానే ఎలిమినేట్ అయ్యి సీక్రెట్ రూమ్కి వెళ్లాడు. ఆ తర్వాత వైల్డ్ కార్డ్ బ్యాచ్తో ఇంట్లోకి ఎంట్రీ ఇచ్చాడు. అయితే ఈ సీజన్లో కూడా వైల్డ్ కార్డ్ ద్వారా హౌజ్లోకి వచ్చేందుకు ఓకే చేసినట్లు టాక్.
నయని పావని: సీజన్ 7 లో వైల్డ్కార్డ్ ద్వారా ఇంట్లోకి ఎంట్రీ ఇచ్చిన నయని.. మొదటి వారంలోనే ఎలిమినేట్ అయ్యింది. దీంతో ఈ సీజన్లో మరోసారి వైల్డ్కార్డ్ ద్వారా ఇంట్లోకి వచ్చేందుకు సిద్ధమైందని టాక్..
టేస్టీ తేజ: సీజన్ 7 లో పార్టిసిపేట్ చేసిన మరొక కంటెస్టెంట్ టేస్టీ తేజ. ఎలాంటి అంచనాలూ లేకుండా అడుగుపెట్టిన టేస్టీ తేజా ఎంటర్టైనర్గా పేరు తెచ్చుకున్నాడు. ఇతని పేరు సైతం వైల్డ్ కార్డు ఎంట్రీ ఇస్తున్న కంటెస్టెంట్స్ లిస్ట్లో ఉందని సమాచారం.
గంగవ్వ: సీజన్ 4లో పార్టిసిపేట్ చేసిన గంగవ్వ.. సీజన్ 8లో వైల్డ్ కార్డ్ ద్వారా రానున్నట్లు తెలుస్తోంది. అయితే ఇక్కడ మరో విషయం ఏంటంటే.. గంగవ్వ ప్లేస్లో సీజన్ 3 పార్టిసిపేట్ వితికా వస్తున్నట్లు తెలుస్తోంది. మరి ఇద్దరిలో ఎవరు రానున్నారో చూడాల్సిందే.
మెహబూబ్: బిగ్ బాస్ సీజన్ 4 లో ఎలిమినేట్ అయిన మెహబూబ్ దిల్ సే కూడా సీజన్ 8 లో వైల్డ్ కార్డు ఎంట్రీ ఇవ్వనున్నారు. సీజన్ 4లో టాస్కులు ఆడి స్ట్రాంగ్ కంటెస్టెంట్గా పేరు తెచ్చుకున్నాడు బిగ్బాస్..
ఎప్పుడంటే: ఈ సీజన్లో "బిగ్బాస్ రీలోడ్ ఈవెంట్" పేరుతో వైల్డ్ కార్డ్ ఎంట్రీలను హౌజ్లోకి పంపించనున్నారు. వైల్డ్ కార్డ్ ఎంట్రీలు రేపు(అక్టోబర్ 6) హౌజ్లోకి అడుగు పెట్టనున్నారు.
ఫస్ట్ వైల్డ్ కార్డ్ ఎంట్రీ ఇతనిదే - ఫొటో రిలీజ్ చేసిన బిగ్బాస్ - ఎవరో గుర్తుపట్టగలరా?
సెకండ్ వైల్డ్ కార్డ్ ఎంట్రీ ఫొటో రిలీజ్ - ఎవరో గుర్తుపట్టగలరా?
బిగ్బాస్ 8 : లవ్ మ్యాటర్ రివీల్ చేసిన నబీల్ - పార్ట్నర్ ఆమేనటగా!
