Bigg Boss 8 Telugu Today Elimination: బిగ్బాస్ సీజన్ 8లో ఫైనల్కు ముందు జరగబోయే చివరి ఎలిమినేషన్కు సమయం వచ్చేసింది. గత సీజన్ మాదిరే ఫైనల్స్‌కు టాప్ 6 కంటెస్టెంట్స్ వెళ్లి మిడ్ వీక్ ఎలిమినేషన్ ఉంటుందనుకుంటే.. అనూహ్యంగా 14వ వారం డబుల్ ఎలిమినేషన్ ఉంటుందని.. ఫైనల్స్‌కు కేవలం ఐదుగురు మాత్రమే వెళ్తారని హోస్ట్ నాగార్జున ప్రకటించారు. అలా డబుల్ ఎలిమినేషన్లో భాగంగా వైల్డ్ కార్డ్ ఎంట్రీగా హౌజ్లోకి ఎంటర్ అయిన రోహిణి.. శనివారం రోజు(డిసెంబర్ 7న) ఎలిమినేట్ అయ్యి బయటికి వచ్చేసింది. ఇక ఆదివారం ప్రసారం కానున్న ఎపిసోడ్లో మరొక ఎలిమినేషన్ జరగనుంది. మరి ఎలిమినేట్ అయ్యింది ఎవరు? టాప్ 5కు చేరుకున్న కంటెస్టెంట్లు ఎవరో ఈ స్టోరీలో చూద్దాం..
ఈ వారం సండే ఎపిసోడ్ను మరింత ఫన్ డేగా మార్చారు హోస్ట్ నాగార్జున. ఇప్పటికే ఈ ఎపిసోడ్కు సంబంధించిన షూటింగ్ పూర్తయింది. ఇక ఈ సండే ఎపిసోడ్లో కంటెస్టెంట్లతో వివిధ రకాల గేమ్స్ ఆడించారు. ముఖ్యంగా అవినాష్పై పంచులు వేస్తూ తెగ ఎంజాయ్ చేశారు హోస్ట్ నాగార్జున. తాజాగా దీనికి సంబంధించిన ప్రోమోలు కూడా రిలీజ్ చేశారు. ఇక ఎపిసోడ్ మధ్యమధ్యలో నామినేషన్స్లో ఉన్న ఒక్కొక్కరిని సేవ్ చేస్తూ టాప్ 5 కంటెస్టెంట్స్గా అనౌన్స్ చేశారట.
ఎలిమినేట్ అయ్యింది ఎవరంటే: ఇక చివరి టాప్ 5 కంటెస్టెంట్ కోసం.. విష్ణుప్రియ, నబీల్ మధ్య ఎలిమినేషన్ రౌండ్ జరగనుంది. ఇది ప్రోమోలో కూడా క్లారిఫై అయ్యింది. ఇద్దరినీ కాసేపు టెన్షన్ పెట్టి విష్ణుప్రియను ఎలిమినేట్ చేయబోతున్నారని టాక్. ఇప్పటికే ఈ విషయం సోషల్ మీడియాలో వైరల్ అవుతోంది. విష్ణుప్రియ ఎలిమినేట్ అవడంతో నబీల్ సేఫ్ అయ్యి టాప్ 5 కు చేరుకున్నట్లు తెలుస్తోంది.
విష్ణుప్రియ ఎలిమినేషన్కు కారణమదేనా: నిజానికి విన్నర్ మెటీరియల్గా హౌజ్లోకి అడుగుపెట్టింది విష్ణుప్రియ. ఎందుకంటే సీజన్8 మొదట్లో హౌజ్లోకి ఎంటర్ అయిన కంటెస్టెంట్లలో విష్ణుప్రియ ఒక్కరే తెలిసి ఉండటంతో అందరూ ఆమెనే విన్నర్ అవుతుందని భావించారు. కానీ ఆడియన్స్ అనుకున్నట్లుగా విష్ణుప్రియ గేమ్స్ ఆడట్లేదు సరికదా.. మరో కంటెస్టెంట్ పృథ్వీ వెంట పడి కేవలం వీకెండ్ ఎపిసోడ్స్ మినహా 13వ వారం వరకూ కూడా పర్ఫామెన్స్ చేయలేదు. దీంతో విష్ణుప్రియకు ఓట్లు రావడం కష్టమైంది. ప్రతిసారి నామినేషన్స్కు వచ్చినా కేవలం పాయింట్ల తేడాతో సేవ్ అవుతూ వచ్చింది. గత వారం చివర్లో సేవ్ అయిన విష్ణుప్రియ.. ఈ వారం ఇంటి బాట పట్టింది. అలా సీజన్ 8లో 14 వారం ఎలిమినేట్ అయ్యింది.
టాప్-5 ఎవరంటే: మొదటి నుంచి ఉన్న విష్ణుప్రియ 14వ వారంలో ఎలిమినేట్ కావడంతో టాప్ 5 లో అవినాష్, నిఖిల్, గౌతమ్, ప్రేరణ, నబీల్ ఉన్నారు. ఇక ఐదుగురిలో ఒకరు వచ్చే వారం జరిగే ఫైనల్స్లో పోటిపడనున్నారు. ఈ గ్రాండ్ ఫినాలే ఎపిసోడ్ డిసెంబర్ 15వ తేదీ ఆదివారం రాత్రి 7 గంటలకు మొదలు కానుంది.
"తమ్ముడంటే జెలస్ - త్వరలోనే స్ట్రెయిట్ తెలుగు సినిమా" - బిగ్బాస్లో హీరో సూర్య సందడి!
