Bigg Boss 8 Telugu Grand Finale Date: ఊహించని ట్విస్ట్లు, టర్న్లతో రసవత్తరంగా సాగుతోన్న బిగ్బాస్ సీజన్ 8 తెలుగు క్లైమాక్స్కు చేరుకుంది. మరి సీజన్ 8 గ్రాండ్ ఫినాలే ఎప్పుడు ఉండబోతోంది? టాప్ 5 లెక్కలు ఎలా ఉన్నాయి? ప్రైజ్ మనీ ఎంత? అనే పూర్తి వివరాలు ఈ స్టోరీలో తెలుసుకుందాం..
సెప్టెంబర్ 1న గ్రాండ్గా మొదలైన బిగ్బాస్.. ఊహించని ట్విస్ట్లు, టర్న్లతో ఇప్పుడు రసవత్తరంగా మారింది. 14 మంది కంటెస్టెంట్స్ హౌజ్లోకి అడుగు పెడితే.. వారిని క్లాన్స్గా డివైడ్ చేసి వాళ్లలో వాళ్లకే చిచ్చు పెట్టారు బిగ్ బాస్. ఆ తర్వాత 8 మంది వైల్డ్కార్డు ఎంట్రీలను హౌస్లోకి పంపి.. ఆసక్తిని క్రియేట్ చేశారు. ముందుగా హౌజ్మేట్స్ వర్సెస్ వైల్డ్కార్డ్లు అన్నట్టుగా పలు గేమ్స్ని పెట్టి, నామినేషన్స్లో ఊహించని ట్విస్ట్లు ఇచ్చారు. ఆ తర్వాత అందరిని కలిపేసి ఒకే టీమ్ అంటూ కంటెండర్ పోటీలో ఫైట్ చేయమన్నారు. దీంతో హౌజ్మేట్స్ మధ్య లెక్కలు మారుతూ వచ్చాయి. ఈ నేపథ్యంలోనే 15 మంది కంటెస్టెంట్లు ఎలిమినేట్ అయ్యి ప్రస్తుతం హౌజ్లో ఏడుగురు మాత్రమే మిగిలారు.
ఈవారం నామినేషన్స్లో ఒక్కరు మినహా: ఈ సీజన్లో చివరి నామినేషన్స్ చప్పగా ముగిశాయి. "మీలో ఎవరు టాప్-5కి రావాలో ఆడియన్స్‌యే నిర్ణయిస్తారు" అంటూ అనౌన్స్ చేసిన బిగ్బాస్.. ఎలాంటి నామినేషన్స్ ప్రక్రియ లేకుండా గత వారం టికెట్ టూ ఫినాలే గెలిచి ఫస్ట్ ఫైనలిస్ట్ అయిన అవినాష్ మినహా అందరినీ నేరుగా నామినేట్ చేశాడు. దీంతో ఈ వారం నామినేషన్స్లో విష్ణుప్రియ, గౌతమ్, నిఖిల్, ప్రేరణ, రోహిణి, నబీల్ ఉన్నారు.
టాప్ - 5 లెక్కలు ఇలా: సీజన్ 8 ఎండింగ్కు వచ్చిన నేపథ్యంలో టాప్ - 5 ఎవరా అనే ఉత్కంఠ ఆడియన్స్లో నెలకొంది. ఇప్పటికే అవినాష్ నేరుగా ఫినాలేకి చేరుకోగా.. మిగిలిన నలుగురు ఎవరో ఈ వారం తేలనుంది. ఈ వారం కూడా డబుల్ ఎలిమినేషన్ ఉంటుంది. అయితే ఆరుగురులో ఇద్దరూ వీకెండ్ ఎపిసోడ్స్లోనే కాకుండా ఒకరు మిడ్ వీక్లో, మరొకరు వీకెండ్లో ఎలిమినేట్ కానున్నట్లు టాక్. అయితే సోషల్ మీడియాలో వైరల్ అవుతోన్న ప్రకారం టాప్ 5 లో నిఖిల్, గౌతమ్, నబీల్, విష్ణుప్రియ, అవినాష్ ఉండనున్నట్లు సమాచారం.
ఇప్పటివరకూ ఫ్రైజ్ మనీ ఇది: గత అన్ని సీజన్లలో ప్రైజ్మనీ లాస్ట్లో రివీల్ చేసేవారు. కానీ ఈ సీజన్లో ప్రైజ్ మనీ సంపాదించుకున్నోడికి సంపాదించుకున్నంత అనేలా చేశారు. అందుకే ఇప్పటివరకూ ఏ సీజన్‌కీ లేనంత ప్రైజ్మనీ ఈ సీజన్లో వచ్చింది. ప్రస్తుతానికి సీజన్-8 ప్రైజ్ మనీ 54 లక్షల 30 వేలకి చేరింది. ఇది ఇంకా పెరిగే లేదా తగ్గే అవకాశం ఉందంటూ హోస్ట్ నాగ్ చెప్పారు.
గ్రాండ్ ఫినాలే ఆ రోజే: తాజా సమాచారం ప్రకారం బిగ్బాస్ సీజన్ 8 గ్రాండ్ ఫినాలే ఎపిసోడ్ డిసెంబర్ 15 ఆదివారం రాత్రి 7 గంటలకు టెలికాస్ట్ కానుందని సమాచారం. అంటే ఈరోజు నుంచి మరో 13 రోజుల్లో సీజన్-8కి శుభం కార్డు పడబోతుంది. ఇక రోజులబట్టి చూస్తే ఈ సీజన్ మొత్తం 105 రోజులు జరగనుంది. ఇక ఈసారి గ్రాండ్ ఫినాలేకి భారీ ఏర్పాట్లే చేయబోతున్నట్లు టాక్. స్టార్ హీరోయిన్లతో ఆటపాటలే కాకుండా ట్రోఫీ అందజేయడానికి చీఫ్ గెస్టును కూడా పిలిచే ఆలోచనలో ఉన్నారట.
బిగ్బాస్ 8 : లవ్ మ్యాటర్ రివీల్ చేసిన నబీల్ - పార్ట్నర్ ఆమేనటగా!
