Big Boss Sivaji Villan in Boyapati Movie : క్యారెక్టర్ ఆర్టిస్ట్గా, హీరోగా, లైట్గా నెగటివ్ షేడ్స్ ఉన్న పాత్రల్లో నటించి మెప్పించిన నటుడు శివాజీ. దాదాపు రెండు దశాబ్దాల పాటు సినిమాలు చేసిన ఆయన, కొంత కాలం నుంచి సిల్వర్ స్క్రీన్కు దూరమయ్యారు. అయితే ఈ మధ్యే బిగ్బాస్తో మళ్లీ వెలుగులోకి వచ్చిన ఆయన రీసెంట్గా నైంటీస్ మిడిల్ క్లాస్తో(#90s Middle class Biopic) మంచి హిట్ను అందుకున్నారు.
దీంతో శివాజీ క్రేజ్ మళ్లీ పెరిగింది. వరుస ఆఫర్లు ఆయనకు క్యూ కడుతున్నాయి. ఈ విషయాన్ని శివాజీ కూడా స్వయంగా చెప్పారు. సిల్వర్ స్క్రీన్పై త్వరలోనే రీఎంట్రీ ఇవ్వబోతున్నట్లు తెలిపారు. అయితే ఆయన ఒప్పుకున్న పాత్రల్లో విలన్ రోల్ కూడా ఉందని చెప్పారు. కాకపోతే ఏ సినిమాలో అన్నది మాత్రం క్లారిటీ ఇవ్వలేదు.
అయితే ఇప్పుడు తాజాగా అందుతున్న సమాచారం ప్రకారం ఆయన దర్శకుడు బోయపాటి చిత్రంలో విలన్ పాత్ర చేయబోతున్నారని తెలిసింది. బోయపాటి తన తర్వాతి చిత్రాన్ని నందమూరి బాలకృష్ణతో చేయబోతున్నారని సినీ వర్గాల్లో టాక్ వినిపిస్తోంది. దీంతో బాలయ్య - బోయపాటి(Balakrishna Boyapati Movie) సినిమాలో శివాజీ ప్రతినాయకుడి పాత్రలో కనిపిస్తారని టాక్ గట్టిగా వినిపిస్తోంది.
పైగా బోయపాటికి పాత హీరోలను విల్లన్లుగా మార్చడం అలవాటే. ఇప్పటికే జగపతిబాబు, శ్రీకాంత్ను అలా చూపించారు. అయితే జ‌గ‌ప‌తిబాబుకు విలన్గా మంచి పేరు వచ్చింది. ఆయన కెరీర్కు మంచి టర్నింగ్ పాయింట్గా మారింది. కానీ శ్రీకాంత్ విషయంలో అలా జరగలేదు. ఇప్పుడు శివాజీ గురించి జరుగుతున్న ప్రచారం నిజమైతే శివాజీని కూడా విలన్గా చూడొచ్చు. మరి శివాజీ కెరీర్కు రీ ఎంట్రీలో ఇది ఎంత వరకు ఉపయోగపడుతుందో. ఇకపోతే బాలయ్య - బోయపాటి కాంబోలో ఇప్పటికే వచ్చిన సింహా, లెజెండ్‌, అఖండ మూడు సినిమాలు బాక్సాఫీస్ ముందు బ్లాక్ బస్టర్ హిట్గా నిలిచాయి. ఇప్పుడు నాలుగోసారి వీరి కాంబినేష‌న్ రిపీట్ అవుతుండడంతో ఈ సినిమాపై అంచ‌నాలు భారీగా ఉన్నాయి.
నా మైండ్ సెట్ ఇలాగే ఉంటది : శ్రీలీల
'సలార్' ప్రభాస్ డైలాగ్స్ వీడియో - షాక్ అవుతున్న ఆడియెన్స్!
