Ayalaan OTT Release Date : కోలీవుడ్ హీరో శివ కార్తికేయన్ నటించిన లేటెస్ట్ మూవీ 'అయలాన్'. ఈ చిత్ర తమిళ వెర్షన్ సంక్రాంతి కానుకగా జనవరి 12న విడుదలై మంచి టాక్ను దక్కించుకుంది. అయితే తెలుగులో సంక్రాంతి టైమ్లో గుంటూరు కారం, హనుమాన్, సైంధవ్‌, నా సామిరంగ వంటి చిత్రాలు రిలీజ్ అవ్వడంతో అయలాన్కు తెలుగులో స్క్రీన్లు దక్కలేదు. దీంతో రెండు వారాలు ఆలస్యంగా జనవరి 26న రిలీజ్ చేయాలని అనుకున్నారు.
తెలుగులో ప్రీ రిలీజ్ ఈవెంట్‌తో పాటు ప్రమోషన్స్ కూడా చేశారు. ఈ ప్రమోషన్స్కు శివకార్తికేయన్ కూడా హాజరై సందడి చేశారు. కానీ లీగల్ సమస్యలు తలెత్తడం వల్ల ఇప్పుడీ చిత్రం రిలీజ్కు నోచుకోలేదు. బుకింగ్స్ బాగానే జరిగినా స్క్రీనింగ్‌కు అవకాశం లేకపోవడం వల్ల డబ్బులు వెనక్కి తిరిగి ఇచ్చినట్లు తెలిసింది.
ఫిబ్రవరి 2లోగా ఈ లీగల్ సమస్యలు క్లియర్ చేసే పనిలో మూవీటీమ్ ఉన్నట్లు సమాచారం అందింది. అప్పటికీ కూడా సమస్యలు కొలిక్కి రాకపోతే ఇక తెలుగు వెర్షన్ను థియేటర్లలో విడుదల చేయడం కష్టమేనని తెలిసింది. దీంతో నేరుగా ఓటీటీలోనే విడుదల చేస్తారని టాక్ వినిపిస్తోంది.
- " class="align-text-top noRightClick twitterSection" data="">
ఈ సినిమా సన్ నెక్స్ట్ లో స్ట్రీమింగ్ అవ్వనుంది. శనివారం సన్ సెక్స్ట్ అఫీషియల్‌గా ఈ విషయాన్ని అనౌన్స్ చేసింది. త్వరలోనే ఈ మూవీ ఓటీటీలో రిలీజ్ కాబోతున్నట్లు ప్రకటించింది. అయితే స్ట్రీమింగ్ తేది గురించి క్లారిటీ ఇవ్వలేదు. కానీ ఈ సైన్స్ ఫిక్షన్ అండ్ కామెడీ మూవీ ఫిబ్రవరి 9 నుంచి ఓటీటీలోకి రానున్నట్లు తెలుస్తోంది. తమిళంతో పాటు తెలుగు, మలయాలం, కన్నడం, హిందీలోనూ స్ట్రీమింగ్ అవ్వనున్నట్లు సమాచారం.
ఏదేమైనా థియేటర్లలో రిలీజై నెల రోజులు కూడా అవ్వకముందే ఓటీటీలోకి రానుండటం సర్ప్రైజింగ్ అండ్ షాకింగ్గా ఉంది. ఈ చిత్రం రూ.60 కోట్ల వరకు గ్రాస్ కలెక్షన్స్ సాధించినట్లు ట్రేడ్ వర్గాలు చెబుతున్నాయి. సంక్రాంతికి విడుదలైన తమిళ సినిమాల్లో కెప్టెన్ మిల్లర్ తర్వాత హయ్యెస్ట్ కలెక్షన్స్ అందుకున్న మూవీ ఇదే.
'అది చూసి వాంతు వచ్చినట్టైంది' - ఆ స్టార్ హీరో మూవీపై రాధిక కామెంట్స్!
