Theft In Anupam Kher Office : బాలీవుడ్ స్టార్ నటుడు అనుపమ్ ఖేర్ ఆఫీస్లో తాజాగా దొంగలు తమ చేతివాటం చూపించారు. ఈ ఘటనలో డబ్బులను దాచే సేఫ్ లాకర్తో పాటు ఓ మూవీ నెగెటివ్ను ఎత్తుకెళ్లారు. ఈ విషయాన్ని అనుపమ్ ఖేర్ స్వయంగా సోషల్ మీడియాలో వెల్లడించారు.
ఇంతకీ చోరీ ఎలా జరిగిందంటే?
అనుపమ్ ఖేర్ చెప్పిన వివరాల ప్రకారం ముంబయిలోని వీర దేశాయ్ రోడ్‌లోని అనుపమ్ ఖేర్ ఆఫీస్లో ఎవ్వరూ లేని సమయంలో ఇద్దరు గుర్తు తెలియని వ్యక్తులు అక్కడికి వచ్చి ఆఫీస్ డోర్ పగులగొట్టారు. ఆ తర్వాత అక్కడే ఉన్న లాకర్తో పాటు ఓ ఫిల్మ్ నెగిటివ్ను ఎత్తుకెళ్లారు. ఆ తర్వాత అక్కడ నుంచి ఓ ఆటోలో పరారయ్యారు ఇవన్నీ కూడా ఆఫీస్ బయట ఉన్న సీసీటీవీ కెమెరాలో రికార్డ్ అవ్వడం వల్ల అసలు విషయం బయటపడింది.
దీంతో అనుపమ్ ఖేర్ ఇదే విషయమై పోలీసులకు ఫిర్యాదు చేస్తే వారు వెంటనే స్పందించి దర్యాప్తు ప్రారంభించారట. ఈ విషయాలన్నింటినీ అనుపమ్ ఖేర్ ఓ వీడియో ద్వారా సోషల్ మీడియాలో తెలిపారు. అందులో ఆ దొంగలు ఆ డోర్ను పగులగొట్టిన దృశ్యాలను చూపించారు. త్వరలోనే ఆ దొంగల్ని పట్టుకుంటామంటూ తెలిపిన ఆయన, తన వద్గ ఆటో నంబర్ కూడా ఉందని అన్నారు. ఆ దొంగలకు ఆ దేవుడే మంచి బుద్ధిని ప్రసాదించాలని అనుపమ్ ఖేర్ ఆ పోస్ట్లో పేర్కొన్నారు.
ఇక అనుపమ్ ఖేర్ కెరీర్ విషయానికి వస్తే, బాలీవుడ్లో తన నటనతో ఎన్నో హిట్ సినిమాలను తన ఖాతాలో వేసుకున్న ఈ స్టార్, టాలీవుడ్లోనూ మంచి గుర్తింపు పొందారు. 'కార్తికేయ 2', 'టైగర్ నాగేశ్వరరావు' లాంటి చిత్రాలతో ఇక్కడి వారికి దగ్గరయ్యారు. ముఖ్యంగా 'కార్తికేయ 2'లో ఆయన నటనకు మంచి మార్కులు పడ్డాయి. ప్రస్తుతం ఆయన 'ది సిగ్నేచర్' అనే హిందీ సినిమాతో 'విజయ్ 69' అనే సినిమాలో నటించారు. ఇటీవలె షూటింగ్ పూర్తి చేసుకున్న ఈ రెండు సినిమాలు రిలీజ్కు సిద్ధమవుతున్నాయి.
'నా పిల్లల కన్నా మోదీనే ఇష్టం'.. స్టార్ నటుడి తల్లి పోస్ట్.. కంగన రియాక్షన్ ఇదే!
