Sharukh Suhana Khan Movie : రీసెంట్గా రిలీజైన కల్కి 2898 ఏడిలో అశ్వత్థామగా అదరగొట్టిన బాలీవుడ్ బిగ్ బీ అమితాబ్ బచ్చన్ ప్రస్తుతం ఆనందంలో మునిగి తేలుతున్నారు. కెరీర్లో ఎన్నో సూపర్ హిట్లు అందుకున్న ఆయన తన కొడుకు అభిషేక్ బచ్చన్ను మాత్రం బ్లాక్ బస్టర్ సక్సెస్ ట్రాక్లోకి తీసుకురాలేకపోయారు!
Abhishek Bachan Career : అభిషేక్ కెరీర్లో ధూమ్ లాంటివి బ్లాక్ బస్టర్ హిట్ ఉన్నప్పటికీ అవి జాన్ అబ్రహం, హృతిక్ రోషన్కే ఎక్కువ క్రేజ్ తెచ్చిపెట్టాయి. ఏదేమైనా తండ్రి లెగసిని ఆ స్థాయిలో కొనసాగించలేకపోయాడనే అసంతృప్తి బిగ్ ఫ్యాన్స్లో ఇప్పటికీ ఉంది. కానీ ఆయనకు సరైన పాత్ర దొరికితే అదరగొడతారని మణిరత్నం రావణ్తో బయటపడింది. ఈ మధ్యే దస్వీ అనే వెబ్మూవీతో మంచి హిట్నే అందుకున్నారు. దీంతో ఆయన రూటు మార్చబోతున్నారు. ఈ క్రమంలోనే ఆయన విలన్గా నటించబోతున్నారని ప్రచారం సాగింది.
ఎందులో అంటే ? - గతేడాది వరుస విజయాలు అందుకున్న బాలీవుడ్ బాద్ షా షారుక్ ఖాన్ ప్రస్తుతం కింగ్‌ అనే చిత్రంలో నటిస్తున్నట్లు తెలిసింది. కూతురు సుహానా ఖాన్తో కలిసి ఈ సినిమాలో నటిస్తున్నారట. ప్రీ ప్రొడక్షన్‌ పనులు జరుపుకుంటోందీ చిత్రం. ఇందులో షారుక్, సుహాన గురుశిష్యులుగా నటించనుండగా, సుజయ్‌ ఘోష్‌ దర్శకత్వం వహిస్తున్నారు.
అయితే ఈ చిత్రంలోనే అమితాబ్ బచ్చన్ తనయుడు అభిషేక్ బచ్చన్ విలన్గా నటించనున్నారంటూ కథనాలు వచ్చాయి. తాజాగా ఈ విషయంపై బిగ్ బీ స్పందించారు. ఓ అభిమాని విలన్గా అభిషేక్ అంటూ ఎక్స్‌లో పోస్ట్‌ పెట్టగా అమితాబ్ బచ్చన్ పరోక్షంగా అవునని సమాధానం ఇచ్చారు. ఆల్‌ ది బెస్ట్‌ అభిషేక్. ఇదే సరైన సమయమిది అంటూ ఆ రూమర్స్‌కు చెక్‌ పెట్టేశారు. దీంతో విలన్గా అభిషేక్ నటించడం కన్ఫామ్ అని అంతా ఫిక్స్ అయిపోయారు.
కాగా, షారుక్ - అభిషేక్ అంతకుముందు కలిసి హ్యాపీ న్యూ ఇయర్‌, కభీ అల్విదా నా కెహనా వంటి సినిమాల్లో కలిసి నటించారు. ఇకపోతే రావణ్ సహా తదితర సినిమాల్లో అభిషేక్ నెగెటివ్‌ షేడ్స్ ఉన్న పాత్రలు పోషించిన సంగతి తెలిసిందే.
వాటిని ఎదుర్కొన్నా - అది నాపై ఎంతో ప్రభావం చూపింది : సమంత - Samantha Personal Life
SIIMA 2024 అవార్డ్స్‌ నామినేషన్‌ - నాని, రజనీకాంత్ సినిమాల హవా
