Alluarjun SweatShirt Price : ఐకాన్ స్టార్ హీరో అల్లు అర్జున్ - ఇప్పుడీ పేరు దేశవ్యాప్తంగా ఉన్న సినీ ప్రియులు ప్రతి ఒక్కరికీ తెలుసు. ఆయన పేరు వినగానే పుష్ప పుష్ప రాజ్ అంటూ మేనరిజాన్ని చూపిస్తూ అందరూ గొప్పగా చెప్పుకుంటారు. ప్రస్తుతం ఇండియా వైడ్గా ఉన్న మూవీ లవర్స్ ఎంతో ఆసక్తిగా ఎదురుచూస్తున్న పుష్ప 2 మూవీని వారి ముందుకు తీసుకొచ్చే పనిలో ఉన్నారు బన్నీ. దాదాపుగా షూటింగ్ చివరి దశకు చేరుకున్న ఈ చిత్రం ఈ ఏడాదిలోనే ఆగస్ట్ 15న గ్రాండ్గా ఆడియెన్స్ ముందుకు రానుంది.
అయితే ఇప్పుడు బెర్లిన్ ఫిల్మ్ ఫెస్టివల్లో పుష్ప ది రైజ్ మూవీని స్పెషల్ స్క్రీనింగ్ వేయనున్నారు. ఈ సందర్భంగా బన్నీ అక్కడికి వెళ్లారు కూడా. అంతకన్నాముందు ఆయన హైదరాబాద్ విమానాశ్రయంలో కనిపించారు. అప్పుడాయన బుర్బెర్రీ మోనోగ్రామ్ మోటిఫ్ అప్లిక్ కాటన్ స్వెట్ షర్ట్ ధరించి కనిపించారు. ఇందులో ఆయన ఎంతో స్టైలిష్గా కనిపించి ఆకట్టుకున్నారు. దీంతో ఇది సోషల్ మీడియాలో వైరల్గా మారింది. దీంతో ఆయన అభిమానులు, నెటిజన్లు దాని ధర కనుగొనేందుకు ఎంతో ఆసక్తి చూపించారు. ఈ క్రమంలోనే ఇప్పుడు దాని ధర నెట్టింట్లో చక్కర్లు కొట్టడం ప్రారంభమైంది. దాదాపు రూ.30 వేల వరకు ఉంటుందని చెబుతున్నారు. స్టైలిష్ స్టార్ అంటే ఆ మాత్రం ఉంటుంది మరి అని కామెంట్లు చేస్తున్నారు.
ఇకపోతే తొలి భాగం కన్నా భారీ యాక్షన్ సీన్స్తో రెండో భాగం పుష్ప 2ను తెరకెక్కిస్తున్నారు దర్శకుడు సుకుమార్. నేషనల్ క్రష్ రష్మిక మందన్నా. హీరోయిన్గా నటిస్తోంది. విలక్షణ నటుడు సునీల్, అనసూయ, మలయాళ స్టార్ ఫహాద్ ఫాజిల్ ఇతర కీలక పాత్రల్లో నటిస్తున్నారు. రాకింగ్ స్టార్ దేవి శ్రీ ప్రసాద్ సంగీతం అందిస్తున్నారు. ఇప్పటికే ఈ సినిమా నుంచి విడుదలైన పోస్టర్స్, గ్లింప్స్ మూవీపై భారీ అంచనాలను క్రియేట్ చేశాయి. ఈ చిత్రం తర్వాత బన్నీ మాటల మాంత్రికుడు త్రివిక్రమ్తో పాటు అర్జున్ రెడ్డి, యానిమల్ ఫేమ్ సందీప్ రెడ్డి వంగాతో సినిమా చేయనున్నారు.
మృణాల్ ఠాకూర్కు సూపర్ ఆఫర్ - ఆ ఇద్దరు స్టార్ హీరోల్లో ఒకరితో!
