Allu Arjun Rejected Movie : సినీ ఇండస్ట్రీలో ఏ చిత్రం ఎటువంటి ఫలితాన్ని అందిస్తుందో ఎవ్వరూ ఊహించలేం. యావరేజ్ టాక్తో నడుస్తుందని అనుకున్నది హిట్ అవ్వచ్చు, బ్లాక్ బస్టర్ అనుకున్న సినిమా నిరాశపరచచ్చు కూడా. ఈ డైలమాలో పలువురు స్టార్స్ తమ వద్దకు వచ్చిన స్క్రిప్ట్స్ను అనూహ్య కారణాల వల్ల రిజెక్ట్ చేస్తుంటారు. అయితే అదే సినిమాలు అప్పుడప్పుడు హిట్ అయ్యి మరో హీరోకు బ్రేక్ ఇస్తుంటాయి. అల్లు అర్జున్ రిజెక్ట్ చేసిన ఓ సినిమా కూడా బాక్సాఫీస్ వద్ద సెస్సేషన్ క్రియేట్ చేసింది. ఇంతకీ ఆ చిత్రం ఏదంటే?
అల్లు అర్జున్ డెబ్యూ మూవీ 'గంగోత్రి'లో ఆయన నటనకు టాలీవుడ్లో మంచి ఆఫర్లు వచ్చాయి. అందులో సుకుమార్ డైరెక్ట్ చేసిన 'ఆర్య' ఒకటి. లవ్ ఎంటర్టైనర్గా రూపొందిన ఈ చిత్రం విడుదలప్పుడే కాకుండా రీరిలీజ్లోనూ సెన్సేషన్ క్రియేట్ చేసిన సంగతి అందరికీ తెలిసిందే. అయితే ఆ ఆఫర్ వచ్చే సమయానికి అల్లు అర్జున్ చాలా కథలను విని రిజెక్ట్ చేశారట. సరైన స్టోరీ కోసం వెయిట్ చేశారట.
సరిగ్గా అదే టైమ్కు డైరెక్టర్ బోయపాటి శ్రీను 'భద్ర' సినిమా స్టోరీని బన్నీకి వినిపించారట. అది విన్నాక అల్లు అర్జున్కు చాలా బాగా నచ్చిందట. కానీ ఈ సినిమా చేద్దామా వద్దా అన్న డైలామాలో ఉండిపోయారట. అప్పుడే సుకుమార్ కూడా బన్నీ దగ్గరికి 'ఆర్య' స్క్రిప్ట్తో వచ్చారట. అయితే రెండు కథలు నచ్చినప్పటికీ యూత్ను ఆకట్టుకునే కథలా ఉందని 'ఆర్య'కు ఓకే చెప్పారట.
దీంతో 'భద్ర' స్క్రిప్ట్ మాస్ మహారాజ రవితేజ వద్దకు చేరింది. స్టోరీ విన్న రవితేజ వెంటనే ఈ సినిమాలో నటించేందుకు గ్రీన్ సిగ్నల్ ఇచ్చారట. యాక్షన్ అంట్ ఎమోషనల్ ఎలిమెంట్స్ ఉన్న 'భద్ర' బాక్సాఫీస్ వద్ద సూపర్ హిట్ టాక్ అందుకుని దూసుకెళ్లింది. కలెక్షన్లలోనూ సత్తా చాటింది. రవితేజ కెరీర్ను మలుపు తిప్పింది. ఇక 'ఆర్య' కూడా బన్నీ ఖాతాలో బ్లాక్ బస్టర్ హిట్ను అందించింది.
'ఆ హీరోయిన్ అంటే ఇష్టం' - మాస్ మహారాజా రవితేజ!
'పుష్ప' పాటలతో యూట్యూబ్ షేక్- రిలీజ్కు ముందే రికార్డులు బ్రేక్! - Pushpa 2 Records
