Pushpa 2 Pre Sales : ఐకాన్ స్టార్ అల్లు అర్జున్ 'పుష్ప2' రిలీజ్కు ముందే సంచలనాలు సృష్టిస్తోంది. ఇప్పటికే పలు ఘనతలు సాధించిన ఈ సినిమా, తాజాగా మరో రికార్డ్ కొట్టింది. డిసెంబర్ 5న వరల్డ్వైడ్ గ్రాండ్గా ఈ సినిమా రిలీజ్ కానుంది. ఈ నేపథ్యంలో ఓవర్సీస్లో ఇప్పటికే బుకింగ్స్ ప్రారంభమయ్యాయి. అయితే ప్రీ సేల్ బుకింగ్స్లో పుష్ప హవా సృష్టిస్తోంది.
ముఖ్యంగా అమెరికా ప్రీ బుకింగ్స్లో భారీ స్థాయిలో కలెక్షన్లు సాధిస్తోంది. మంగళవారం (19/11) నాటికి 'పుష్ప 2' పీ బుకింగ్స్ వన్‌ మిలియన్ డాలర్ల మార్క్‌ అందుకుంది. ఈ క్రమంలో తెలుగు సినీ ఇండస్ట్రీలో అత్యంత వేగంగా 1 మిలియన్ డాలర్లు వసూల్ చేసిన తొలి సినిమాగా రికార్డు కొట్టింది. ఇక 15 వేలకు పైనే టికెట్లు అమ్ముడయ్యాయి. కాగా, ఓపెనింగ్ డే భారీ సంఖ్యలో ప్రీమియర్స్ పడనున్నాయి. అమెరికాలో 3230 షోలు వేయనున్నారు.
రికార్డ్ బ్రేక్
కాగా, ఇదే అమెరికాలో 'పుష్ప పార్ట్ 1' లాంగ్ రన్లో మొత్తం 4లక్షల డాలర్లు వసూల్ చేసింది. 'పుష్ప ది రూల్' ఈ సంఖ్యను ఎప్పుడో దాటేసింది. రిలీజ్కు మరో 15 రోజుల సమయం ఉండగానే ఈ రికార్డు సాధించడం విశేషం.
PUSHPA RAJ’s dominance is redefining the BOX OFFICE with a NEW DIMENSION 💥🪓
— Prathyangira Cinemas (@PrathyangiraUS) November 18, 2024
Another Day, Another Record and Another Feat etched in the history books 🥁🤙🏻💥#Pushpa2TheRule #Pushpa2 #Pushpa2USA @alluarjun #Sukumar @MythriOfficial pic.twitter.com/oGrJnyQ1nt
ట్రైలర్తో అరాచకం
ఆదివారం రిలీజైన ట్రైలర్ రికార్డు స్థాయిలో దూసుకుపోతోంది. అన్ని భాషల్లో కలిపి ఈ ట్రైలర్ ఇప్పటికే 120 మిలియన్ వ్యూస్ దాటేసింది. ఒక్క తెలుగులోనే 47 మిలియన్ వ్యూస్ సాధించింది. ఇక 2.3+ మిలియన్ లైక్స్తో ఈ ట్రైలర్ ట్రెండింగ్ నెం 1లో కొనసాగుతోంది.
కాగా, డైరెక్టర్ సుకుమార్ అత్యంత ప్రతిష్ఠాత్మకంగా దీన్ని తెరకెక్కిస్తున్నారు. రష్మిక మందన్నా హీరోయిన్గా నటిస్తుండగా, ఫాహద్ ఫాజిల్, జగపతి బాబు, అనసూయ భరద్వాజ్ కీలక పాత్రలు పోషిస్తున్నారు. రాక్స్టార్ దేవీశ్రీ ప్రసాద్ సంగీతం అందిస్తున్నారు. ఇప్పటికే రిలీజైన రెండు పాటలు చాట్ బస్టర్ అయ్యాయి. మైత్రి మూవీ మేకర్స్ బ్యానర్పై రవి శంకర్, నవీన్ రూపొందించారు.
మొన్న 'పుష్ప 2'- ఇప్పుడు 'గేమ్ఛేంజర్' - రికార్డ్ ధరకు హిందీ రైట్స్!
