Allu Arjun Pushpa 2 1000 Crores Collections : ఇండియన్ సినిమా బాక్సాఫీస్‌ దగ్గర 'పుష్ప 2' మరో కొత్త రికార్డును అందుకుంది. కేవలం ఆరు రోజుల్లోనే రూ.1000 కోట్ల గ్రాస్ మార్క్ను టచ్ చేసి ఆల్ టైమ్ రికార్డ్ సెట్ చేసింది. తద్వారా వేగంగా రూ.1000 కోట్లు సాధించిన ఇండియన్ ఫిల్మ్గా నిలిచింది. మొత్తంగా ఇప్పటి వరకు రూ.1002 కోట్ల గ్రాస్ వసూలు చేసింది. దీంతో అల్లు అర్జున్, రష్మిక మందన్న నటనకు, సుకుమార్ దర్శకత్వ ప్రతిభకు ఈ ఘనత దక్కిందని ఫ్యాన్స్ అంటున్నారు. సినిమాపై ప్రశంశలు కురిపిస్తున్నారు.
కాగా, ఇప్పటివరకు రూ. 1000 కోట్ల క్లబ్‌లో చేరడానికి బాహుబలి 2కు 10 రోజులు పట్టింది. ఆ తర్వాత ఆర్ఆర్ఆర్, కేజీయఫ్ 2 సినిమాలు 16 రోజుల్లో ఈ మార్క్ను టచ్ చేశాయి. కల్కి 2898 ఏడీ సినిమాకు 15 రోజులు పట్టింది. బాలీవుడ్లో షారుక్ ఖాన్ నటించిన జవాన్కు 18 రోజులు పట్టగా, పఠాన్కు 27 రోజుల సమయం పట్టింది. కానీ ఇప్పుడు పుష్ప 2 కేవలం ఆరు రోజుల్లోనే ఈ రూ.1000 క్లబ్‌లో చేరి ఆల్ టైమ్ రికార్డ్ను సెట్ చేసింది.
మరో విషయమేమిటంటే బాహుబలి 2, ఆర్ఆర్ఆర్, కల్కి 2898 ఏడీ తర్వాత ఇంతటి భారీ వసూళ్లు అందుకున్న తెలుగు చిత్రం ఇదే కావడం విశేషం. అలానే తొలి రోజు అత్యధిక వసూళ్లు (రూ. 294 కోట్లు) సాధించిన ఇండియన్ ఫిల్మ్‌గానూ పుష్ప 2 రికార్డు నెలకొల్పిన సంగతి తెలిసిందే.
THE BIGGEST INDIAN FILM rewrites history at the box office 💥💥💥#Pushpa2TheRule becomes the FASTEST INDIAN FILM to cross 1000 CRORES GROSS WORLDWIDE in 6 days ❤🔥#PUSHPA2HitsFastest1000Cr
— Pushpa (@PushpaMovie) December 11, 2024
Sukumar redefines commercial cinema 🔥
Book your tickets now!
🎟️… pic.twitter.com/c3Z6P5IiYY
Pushpa 2 Cast and Crew : 2021లో విడుదలైన 'పుష్ప : ది రైజ్‌'కు సీక్వెల్‌గా పుష్ప 2 రూపుదిద్దుకుంది. రష్మిక హీరోయిన్గా నటించింది. మైత్రి మూవీ మేకర్స్‌ బ్యానర్పై సినిమాను నిర్మించారు. దేవి శ్రీ ప్రసాద్‌ మ్యూజిక్ అందించారు. భారీ అంచనాల మధ్య డిసెంబర్‌ 5న ఈ చిత్రం రిలీజ్ అయింది. సినిమాలో అల్లు అర్జున్ యాక్టింగ్‌ అద్భుతంగా ఉందని సినీ ప్రియులు, ప్రముఖులు ప్రశంసలు కురిపిస్తున్నారు. ముఖ్యంగా గంగమ్మ తల్లి జాతర సీక్వెన్స్‌లో బన్నీ ప్రదర్శనకు అందరూ షాక్ అవుతున్నారు.
'అఖండ 2' రిలీజ్ డేట్ ఫిక్స్ - బాలయ్య డైలాగ్తో కొత్త ప్రోమో అదిరింది
అగ్రస్థానంలో 'కల్కి', 'స్త్రీ 2' - 2024లో అత్యంత ప్రేక్షకాదరణ పొందిన సినిమాలివే!
