Akshay Kumar Kannappa Movie : టాలీవుడ్ స్టార్ హీరో మంచు విష్ణు డ్రీమ్‌ ప్రాజెక్ట్‌గా రానున్న చిత్రం 'కన్నప్ప' మూవీ గురించి రోజుకో ఇంట్రెస్టింగ్ అప్డేట్ నెట్టింట సందడి చేస్తోంది. తాజాగా ఈ సినిమాలోకి మరో స్టార్ హీరో ఎంట్రీ ఇవ్వనున్నారు. ఆయనెవరో కాదు బాలీవుడ్ స్టార్ హీరో అక్షయ్ కుమార్. ఆయన రీసెంట్గా తమ టీమ్లోకి యాడ్ అయినట్లు మేకర్స్ తాజాగా ఓ వీడియో ద్వారా వెల్లడించారు. అయితే ఈ సినిమా ద్వారానే హీరో అక్షయ్ తెలుగు ఇండస్ట్రీలోకి ఎంట్రీ ఇస్తుండటం విశేషం.
"సూపర్‌ స్టార్ అక్షయ్ కుమార్‌కు టాలీవుడ్ ఇండస్ట్రీలోకి వెల్కమ్ చెప్తునందుకు నాకు ఆనందంగా ఉంది. ఆయన భాగం కావడం వల్ల కన్నప్ప సినిమా మరింత ఉత్కంఠభరితంగా మారింది. మాకు కూడా చాలా థ్రిల్‌గా ఉంది. మర్చిపోలేని సాహసానికి సిద్ధంగా ఉండండి" అంటూ క్యాఫ్షన్ను జోడించారు.
-
We're thrilled to have Bollywood superstar Akshay Kumar onboard for "#𝐊𝐚𝐧𝐧𝐚𝐩𝐩𝐚🏹," Vishnu Manchu's magnum opus. With Akshay Kumar joining us, our production promises to reach unprecedented heights of grandeur and excitement. Stay tuned for an unforgettable cinematic… pic.twitter.com/99EiCJ9mSt
— Kannappa The Movie (@kannappamovie) April 16, 2024
అయితే ఇటీవలే అక్షయ్ 'ఓ మై గాడ్‌2' సినిమాలో శివుడి పాత్రలో కనిపించారు. ఆయన నటనకు ప్రేక్షకులు బాగా ఎమోషనలయ్యారు. దీంతో 'కన్నప్ప'లోనూ అక్షయ్ అదే పాత్రలో కనిపించనున్నట్లు టాక్ నడుస్తోంది. అయితే ఈ విషయంపై మూవీ టీమ్ ఇంకా క్లారిటీ ఇవ్వలేదు. మరోవైపు శివుడి పాత్రలో ప్రభాస్ కనిపించనున్నట్లు టాక్ కూడా జోరుగా సాగిన సంగతి తెలిసిందే.
ఇక 'కన్నప్ప' సినిమా విషయానికి వస్తే - భారీ అంచనాలతో, టెక్నికల్ స్కిల్స్తో ఈ చిత్రాన్ని రూపొందిస్తున్నారు డైరెక్టర్ ముకేశ్ కుమార్ సింగ్. ఇందులో విష్ణుతో పాటు ప్రీతి లీడ్ రోల్స్లో కనిపించనుండగా, సీనియర్ నటులు మోహన్‌ బాబు, మోహన్‌ లాల్‌, శివరాజ్‌కుమార్‌, శరత్‌ కుమార్, మధుబాల కీలక పాత్ర పోషించనున్నారు. ఇప్పటికే వీరందరూ షూటింగ్లో భాగమై బిజీ బీజీగా ఉన్నారు. ఇక ప్రభాస్, నయనతారలు కూడా ఈ చిత్రంలో నటించనున్నట్లు తెలుస్తోంది. దాదాపు 800 మంది సిబ్బందితో 5 నెలల పాటు శ్రమించి ఈ చిత్రానికి సంబంధించిన ఆర్ట్‌ వర్క్‌ పూర్తి చేయించినట్లు ఇటీవలే హీరో విష్ణు చెప్పారు. ఈ సినిమా అత్యధిక భాగాన్ని న్యూజిలాండ్‌లో చిత్రీకరించారు.
మంచు ఫ్యామిలీ మూడో వారసుడు - 'కన్నప్ప' సినిమాతో గ్రాండ్ ఎంట్రీ
