ఈ స్టార్ హీరో వెరీ కాస్ట్​లీ - అతిథి పాత్రకే నిమిషానికి రూ. 4.5 కోట్లు

Ajay Devgn Guest Role Remuneration : పెద్ద స్టార్ హీరో అయినా గెస్ట్ రోల్​ ఎంత తీసుకుంటారు. మహా అంటే రెండు, మూడు లేదంటే భారీగా అయితే 10 కోట్లు తీసుకుంటారేమో అని అనుకుంటాం. కానీ బాలీవుడ్ స్టార్ హీరో​ అజయ్​ దేవగణ్​ మాత్రం ఓ గెస్ట్ రోల్​ కోసం ఏకంగా రూ.35 కోట్లు తీసుకున్నారట. ఆ విశేషాలు మీ కోసం

Ajay Devgn Guest Role Remuneration : ప్రస్తుతం స్టార్​ హీరోల పారితోషికాలు డబుల్ సెంచరీల్లో ఉంటున్నాయి. ఒక్కో సినిమాకు వాళ్ల రేంజ్​లోనే రెమ్యూనరేషన్ పెరుగుతుంది. దీంతో సినిమాలకు అనుగుణంగా ఆయా స్టార్ హీరోలు ఒక్కో సినిమాకు దాదాపు రూ.100కోట్లకు పైగా తీసుకుంటున్నారు. అలా సినీ పరిశ్రమలో అత్యధిక పారితోషికం తీసుకుంటున్న హీరోలు చాలా మందే ఉన్నారు.

ఆ లిస్ట్​లో అమీర్ ఖాన్, షారుఖ్ ఖాన్, ప్రభాస్, రజనీకాంత్, సల్మాన్ ఖాన్, దళపతి విజయ్ వంటి వారు కూడా ఉన్నరు. ఈ హీరోలందరూ ఒక్కో చిత్రానికి రూ. 100 కోట్లకు పైగా రెమ్యూనరేషన్ తీసుకుంటున్నారని సినీ వర్గాల్లో టాక్ నడుస్తోంది. అయితే వారిలో కొందరు రెమ్యూనరేషన్​తో పాటు సినిమాలో లాభాలను తీసుకుంటున్నారట. అలా ఒక సినిమాకు రూ. 200 కోట్లకు పైగా వసూలు చేస్తున్నారని సమచారం. ఈ లెక్క ప్రకారం వారి సంపాదన నిమిషానికి రూ.2 నుంచి రూ.3 కోట్ల వరకు ఉంటుంది.

అయితే ఒక స్టార్​ హీరో మాత్రం సినిమాలో గెస్ట్​ రోల్​ కోసం రూ.35 కోట్లు తీసుకున్నారు. అంటే నిమిషానికి రూ. 4.5 కోట్లు వసూలు చేశారు. ఆయనెవరో కాదు బాలీవుడ్ స్టార్ హీరో అజయ్ దేవ్​గణ్​. ఈయన 2021లో ఎస్ఎస్ రాజమౌళి డైరెక్షన్​లో వచ్చిన 'ఆర్ఆర్ఆర్'లో నటించారు. ఈ సినిమాలో ఆయన రామ్​ చరణ్​కు తండ్రిగా కనిపించారు. ఫ్లాష్​బ్యాక్​లో ఆయన పార్ట్​ కీలకం.

విచిత్రమేంటంటే ఈ సినిమాలో అజయ్ దేవగన్ కేవలం 8 నిమిషాలు మాత్రమే కనిపించారు. కానీ ఆయన దాదాపు రూ. 35 కోట్ల రెమ్యూనరేషన్ తీసుకున్నారట. ఇది విన్న ఫ్యాన్స్ ఒక్కసారిగా షాకయ్యారు. అయితే 'ఆర్​ఆర్​ఆర్'​లో ఆయన పాత్ర నిడివి తక్కువగా ఉన్నప్పటికీ ఆ సినిమాలో అది చాలా ముఖ్యమైన పాత్ర. అందుకే అజయ్ దేవగాన్ ఈ భారీ మొత్తం వసూలు చేసినట్లు తెలుస్తోంది.

• " class="align-text-top noRightClick twitterSection" data="">

Ajay Devgn Upcoming Movies : ఇక అజయ్ మూవీస్ లిస్ట్​ చూస్తే ఆయన లీడ్​ రోల్​లో తెరకెక్కిన 'బాజీరావ్ సింగం-3' ఈ ఏడాది రిలీజ్ కానుంది. అక్షయ్ కుమార్, రణ్ వీర్ సింగ్, అర్జున్ కపూర్, దీపికా పదుకునే, టైగర్ ష్రాఫ్, జాకీ ష్రాఫ్‌లతో వంటి నటులు ఇందులో నటించారు. ఇది ఆగష్టు 15న రిలీజ్ అవుతుంది. కానీ అంతకు ముందు అజయ్ దేవగాన్ సైకలాజికల్ థ్రిల్లర్ 'షైతాన్‌' రిలీజ్ కానుంది. ఈ సినిమాలో జ్యోతిక, ఆర్ మాధవన్ కీలక పాత్రలో నటిస్తున్నారు. ఈ చిత్రం మార్చి 8న థియేటర్లలోకి రానుంది.