Adivi Sesh Upcoming Movies : థ్రిల్లింగ్ కంటెంట్తో ఆడియెన్స్ను అలరిస్తూ ఇండస్ట్రీలో హిట్లతో దూసుకెళ్తున్నారు టాలీవుడ్ యంగ్ హీరో అడివి శేష్. ఈయన ఇప్పటివరకూ నటించిన సినిమాలన్నీ బాక్సాఫీస్ వద్ద మంచి టాక్ అందుకున్నవే. ఇటీవల 'హిట్ 2'తో పలకరించిన శేష్, ఇప్పుడు మరిన్ని ప్రాజెక్టులతో ప్రేక్షకులను సర్ప్రైజ్ చేసేందుకు సిద్ధమయ్యారు. ఇందులో భాగంగానే ఆయన తాజాగా తన అభిమానులకు ఓ సూపర్ అప్డేట్ ఇచ్చి సర్ప్రైజ్ చేశారు.
2025 సంవత్సరంలో తనవి మూడు సినిమాలు విడుదల కానున్నట్లు తాజాగా శేష్ రివీల్ చేశారు. అయితే ఇప్పటికే ఈయన లైనప్లో 'గూఢచారి 2' తో పాటు డకాయిట్ సినిమాలు ఉండగా, ఈ మూడో ప్రాజెక్ట్ ఏమైయ్యుంటదా అని అభిమానులు తెగ ఆలోచిస్తున్నారు. ఇక మరికొందరేమో ఆయన 'హిట్ 3'లోనూ నటించనున్నారని బహుశా అదే తన మూడో సినిమా అయ్యుండచ్చని చర్చించుకుంటున్నారు.
2018లో విడుదలైన 'గూఢచారి' బాక్సాఫీస్ వద్ద మంచి టాక్ అందుకోవడమే కాకుండా శేష్కు ఇండస్ట్రీలో మంచి గుర్తింపు తెచ్చిపెట్టింది. దీంతో ఈ స్టార్ హీరో కూడా ఇటువంటి జానర్ సినిమాల్లో ఎక్కువగా కనిపించి అభిమానులను ఆకట్టుకుంటున్నారు. దీంతో 'గూఢచారి-2' మూవీ లవర్స్లో అంచనాలు పెంచేసింది. ఇప్పటికే వచ్చిన గ్లింప్స్ వీడియో, స్పెషల్ పోస్టర్స్లో శేష్ లుక్ అభిమానులను ఆకట్టుకుంది.
ఇక జీ2లో శేష్ సరసన బాలీవుడ్ స్టార్ బనిత సంధు నటిస్తోంది. సీనియర్ నటుడు ఇమ్రాన్ హష్మి కూడా ఈ చిత్రంలో ఒక కీలక పాత్ర పోషిస్తున్నారు. పీపుల్ మీడియా ఫాక్టరీ బ్యానర్పై విశ్వ ప్రసాద్, అభిషేక్ అగర్వాల్ ఈ చిత్రాన్ని ప్రతిష్టాత్మకంగా నిర్మిస్తున్నారు. శ్రీచరణ్ పాకాల ఈ సినిమాకు మ్యూజిక్ డైరెక్టర్గా బాధ్యతలు చేపట్టారు. మొదటి భాగాన్ని కొనసాగించే కథతోనే ఈ చిత్రం వస్తుందంటూ మేకర్స్ గతంలోనే ప్రకటించారు. అయితే మొదటి భాగంలో స్పైగా శిక్షణ తీసుకున్న శేష్ రెండో భాగంలో విదేశాల్లో దేశం కోసం పోరాడతాడని సమాచారం. ఇంకా రిలీజ్ డేట్ అధికారికంగా ప్రకటించకలేదు.
శత్రువులుగా మారిన ప్రేమికులు- అడివి శేష్ 'డెకాయిట్' టీజర్ రిలీజ్
Tollywood Spy movies : తెలుగులో 'స్పై' సినిమాలు.. వాటికి అతడే కరెక్ట్!
