Aditi Rao Siddharth Engagement : బాలీవుడ్ స్టార్ హీరోయిన్ అదితిరావు హైదరీ -సిద్ధార్థ్ల ఎంగేజ్మెంట్ గత నెలలో సీక్రెట్గా జరిగిన సంగతి తెలిసిందే. అయితే ఇదే విషయంపై తాజాగా అదితి స్పందించింది. ఈ విషయాన్ని మీడియా వాళ్లకు చెప్పడానికి గల కారణాన్ని వివరించింది. తన తల్లి కోరికమేరకే తమ నిశ్చితార్థం ఫోటోను పోస్ట్‌ పెట్టానని అన్నారు.
"జీవితంలో జరిగే పలు ఇంపార్టెంట్ మూమెంట్స్ను ప్రత్యేకమైన ప్రదేశంలో చేసుకోవాలని అందరూ అనుకుంటారు. అందుకే నేను నా ఎంగేజ్మెంట్ను 400 ఏళ్ల నాటి గుడిలో చేసుకున్నాను. ఆ గుడితో మా కుటుంబానికి ఓ ప్రత్యేక అనుబంధం ఉంది. మా అమ్మ కారణంగానే నేను ఆ ఎంగేజ్మెంట్ ఫొటోలను సోషల్ మీడియాలో పోస్ట్‌ చేశాను. మా పెళ్లి గురించి తెలుసుకోవాలని ఎంతోమంది మా అమ్మకు ఫోన్లు చేశారట. వాటికి ఆమె సమాధానం చెప్పలేకపోయింది. దీంతో 'ప్లీజ్ నీ ఎంగేజ్మెంట్ విషయం మీడియాకు చెప్పు" అని కోరారు. దీంతో నేను, సిద్ధార్థ్ ఈ విషయంపై పోస్ట్‌లు పెట్టాం" అని అదితి రావు తెలిపింది.
ఇక మార్చి 27న వనపర్తి జిల్లాలోని శ్రీ రంగాపూర్ రంగనాథ స్వామి దేవాలయంలో ఈ ఇద్దరూ ఎంగేజ్మెంట్ చేసుకున్నారు. ఇరు కుటుంబాల పెద్దలతో పాటు అతి కొద్ది మంది బంధువుల సమక్షంలో ఈ వేడుక జరిగింది.
ఇదిలా ఉండగా, అదితి ప్రస్తుతం 'హీరామండీ: ది డైమండ్‌ బజార్‌' అనే వెబ్‌సిరీస్‌తో ప్రేక్షకులను పలకరించారు. బాలీవుడ్ స్టార్ హీరో సంజయ్‌ లీలా బన్సాలీ డైరెక్షన్లో వచ్చిన ఆ ఈ సిరీస్లో అదితి బిబ్బోజాన్‌ అనే పాత్రలో ఆకట్టుకున్నారు. వేశ్య వృత్తితో సమాంతర వ్యవస్థను నడుపుతున్న కొంతమంది మహిళల జీవిత కథే ఈ స్టోరీ. ఎంతో ప్రతిష్ఠాత్మకంగా రూపుదిద్దుకున్న ఈ సిరీస్లో అదితీతో పాటు మనీశా కొయిరాలా, సోనాక్షి సిన్హా, రిచా చద్దా, సంజీదా షేక్‌లు కీలక పాత్రలు పోషించారు. ప్రముఖ ఓటీటీ సంస్థ నెట్‌ఫ్లిక్స్ వేదికగా ఈ వెబ్సిరీస్ స్ట్రీమ్ అవుతోంది.
ఇట్స్ అఫీషియల్!- ఆమె ఎస్ చెప్పిందంటున్న సిద్ధార్థ్ - Siddharth Aditi Rao Engagement
సీక్రెట్గా గుడిలో పెళ్లి చేసుకున్న అదితి రావు హైదరి - సిద్ధార్థ్ - Aditi Rao Hydari
