Adipurush Prasanth Varma : హనుమాన్ చిత్రంతో(HanuMan Movie) పాన్ ఇండియా లెవల్లో విజయం సాధించారు దర్శకుడు ప్రశాంత్ వర్మ. ఈ మూవీ సక్సెస్‌లో భాగంగా ఆయన హిందీ మీడియాకు ఆయన తాజాగా ఓ ఇంటర్వ్యూ ఇచ్చారు. దర్శకుడు ఔం రౌత్ - ప్రభాస్ కాంబోలో తెరకెక్కిన భారీ బడ్జెట్ సినిమా 'ఆదిపురుష్'పై ఇంట్రెస్టింగ్ కామెంట్స్ చేశారు. సినిమాలోని కొన్ని సన్నివేశాలు తనకెంతో నచ్చాయని అన్నారు. అలాగే మరికొన్ని తనను నిరుత్సాహ పరిచాయని పేర్కొన్నారు.
"ఆదిపురుష్ సినిమాలోని కొన్ని సీన్స్ నాకెంతో నచ్చాయి. వాటిని తెరకెక్కించిన తీరు నన్ను సర్ప్రైజ్ చేసింది. అయితే, కొన్ని సన్నివేశాలను తీర్చిదిద్దిన తీరు నాకేమాత్రం నచ్చలేదు. నేనే అయితే వాటిని ఇంకా బాగా తీర్చిదిద్దేవాడిని కదా అనిపించింది. నాకే కాదు, ఏ దర్శకుడికైనా ఆ భావన కలుగుతుంది. ఆ సినిమా రిజల్ట్ నాపై ఎలాంటి ప్రభావం చూపించలేదు. టీమ్‌ అందరి సహకారంతో నేను అనుకున్నవిధంగా 'హనుమాన్'ను తెరకెక్కించగలిగాను." అని ప్రశాంత్ వర్మ చెప్పారు.
ఇకపోతే ఈ సినిమాలో యంగ్ హీరో తేజ సజ్జా, బ్యూటీ అమృతా అయ్యర్‌, వరలక్ష్మీ శరత్‌కుమార్‌, వినయ్‌రాయ్‌ ప్రధాన పాత్రల్లో నటించారు. వీరిలో వరలక్ష్మీ శరత్‌కుమార్‌ అక్కగా నటించగా - వినయ్‌రాయ్‌ స్టైలిష్ విలన్గా ఆకట్టుకున్నారు. భారీ విజయాన్ని అందుకున్న ఈ చిత్రం ప్రపంచ వ్యాప్తంగా దాదాపు రూ.250 కోట్ల(Hanuman Movie Collections) వసూళ్లు సాధించినట్లు తెలిసింది. ఈ చిత్రం ద్వారా వచ్చే ఆదాయాన్ని ఆలయాల పునరుద్దరణ, సినిమాల నిర్మాణాలకు మాత్రమే ఖర్చుపెట్టనున్నట్లు మూవీటీమ్ కూడా సక్సెస్ మీట్లో వెల్లడించింది.
- " class="align-text-top noRightClick twitterSection" data="">
Jai hanuman Movie sequel : ఈ సినిమాకు సీక్వెల్ కూడా రాబోతుంది. 'జై హనుమాన్' పేరుతో రానున్న ఈ చిత్రంలో ఆంజనేయ స్వామిగా ఓ స్టార్‌ హీరో నటిస్తారని ఇప్పటికే దర్శకుడు ప్రశాంత్ ఇటీవల ప్రకటించిన విషయం తెలిసిందే. సీక్వెల్ ప్రీ ప్రొడక్షన్‌ పనులు కూడా మొదలయ్యాయి. వచ్చే ఏడాది సంక్రాంతికి ఈ మూవీని రిలీజ్ చేయనున్నారు. చూడాలి మరి ఈ సినిమా ప్రేక్షకులను ఎంత వరకు ఆకట్టుకుంటుందో.
