Actor Nani Son Arjun : నేచురల్ స్టార్ నాని ప్రస్తుతం తన అప్కమింగ్ మూవీస్ షూటింగ్స్లో బిజీగా ఉన్నారు. ఇటీవలే 'హాయ్ నాన్న' సినిమాతో సక్సెస్ సాధించిన ఈ స్టార్ హీరో, ఇప్పుడు 'సరిపోదా శనివారం' అనే కొత్త మూవీలో నటిస్తున్నారు. అయితే సినిమా షూటింగుల్లో బిజీగా ఉన్నప్పటికీ తన ఫ్యాన్స్ కోసం అప్పుడప్పుడు సోషల్ మీడియాలో ఫొటోలు, వీడియోలు షేర్ చేస్తుంటారు. అలా వాలెంటైన్స్ డే సందర్భంగా ఓ స్వీట్ పోస్ట్తో అభిమానులను ఆకట్టుకున్నారు.
తన తనయుడు అర్జున్ పియానో ప్లే చేస్తున్న వీడియోను ఆయన ఇన్స్టాగ్రామ్లో షేర్ చేశారు. దానికి హ్యాపీ వాలెంటైన్స్ డే అంటూ క్యాప్షన్ను జోడించారు. ప్రస్తుతం ఈ వీడియో నెట్టింట తెగ వైరల్ అవుతోంది. ఇది చూసిన అభిమానులు చిన్నారిని పొగడ్తలతో ముంచెత్తుతున్నారు. తను ప్లే చేసే విధానం బాగుందని కామెంట్లు పెడుతున్నారు.
Hero Nani Career : 'అష్టాచెమ్మ' సినిమాతో వెండితెరకు హీరోగా పరిచమైన నాని ఆ తర్వాత వరుస సినిమాలతో ప్రేక్షకులను ఆకట్టుకున్నారు. 'రైడ్', 'స్నేహితుడా', 'భీమిలి కబడ్డీ జట్టు', 'అలా మొదలైంది', 'పిల్ల జమీందార్', 'ఈగ', 'ఎటో వెళ్ళిపోయింది మనసు', 'డి ఫర్ దోపిడీ', 'పైసా', 'జండాపై కపిరాజు', 'ఎవడే సుబ్రహ్మణ్యం', 'భలే భలే మొగాడివోయ్', 'కృష్ణగాడి వీర ప్రేమ గాధ', 'జెంటిల్ మ్యాన్', 'మజ్ను', 'నేను లోకల్', 'నిన్ను కోరి', 'మిడిల్ క్లాస్ అబ్బాయి', 'కృష్ణార్జున యుద్ధం', 'దేవదాస్', 'జెర్సీ', 'గ్యాంగ్ లీడర్', 'వి' సినిమాలలో పలు హిట్ సినిమాలను తన ఖాతాలో వేసుకున్నారు. 'జ్యో అచ్యుతానంద', 'నీవవేరో', 'హిట్ 2' సినిమాలలో అతిధి పాత్రల్లో తెరపై కనువిందు చేశారు.
నాని లైనప్ - కథలతో ముగ్గురు డైరెక్టర్స్
ఇప్పుడు 'సరదాగా శనివారం'తో ప్రేక్షకుల ముందుకు రానున్నారు. ఈ సినిమా తర్వాత నానితో కలిసి పని చేసేందుకు వేణు యెల్దండి, శ్రీకాంత్‌ ఓదెల కథలతో సిద్ధంగా ఉన్నారు. అయితే ఈ లిస్ట్లో మరో యంగ్ డైరెక్టర్ పేరు వినిపిస్తోంది. ఆయనే సుజీత్‌. త్వరలో నాని - సుజీత్‌ కలయికలో ఓ చిత్రం పట్టాలెక్కనుందని సమాచారం. ఇందుకోసం ఇప్పటికే కథ సిద్ధమైందని, ఇది ఓ మాఫియా నేపథ్యంలో సాగే యాక్షన్‌ డ్రామాగా ఉంటుందని తెలుస్తోంది.
