2024 Tollywood Hit Cinemas : ఈ ఏడాది థియేటర్లలో ఎన్నో సినిమాలు సందడి చేశాయి. ఎంతో మంది తారలు తమ అదృష్టాన్ని పరీక్షించుకునేందుకు ముందుకొచ్చారు. అందులో కొన్ని బ్లాక్బస్టర్స్ అవ్వగా, మరికొన్ని మాత్రం ఆడియెన్స్ను తీవ్ర నిరాశపరిచాయి. అయితే చాలా వరకూ ఈ సారి తెలుగులో ఎన్నో హిట్ సినిమాలు వచ్చి సందడి చేశాయి. మరి ఈ 2024కు విజయంతో వీడ్కోలు పలకనున్న ఆ తారలెవరు? వారి సినిమాల విశేషాలు ఏంటో తెలుసుకుందాం పదండి
'రాజాసాబ్' రానున్నారుగా!
రెబల్ స్టార్ ప్రభాస్‌ లీడ్ ఈ ఏడాది 'కల్కి 2898 AD' సినిమాతో బాక్సాఫీస్ను ఓ ఊపు ఊపేశారు. గతేడాది 'సలార్‌: పార్ట్‌ 1 - సీజ్‌ ఫైర్‌' సాలిడ్ సక్సెస్ అందుకున్న ఈ తార, 'కల్కి'తో మళ్లీ హిట్ ట్రాక్ ఎక్కారు. దీంతో 2025లో ఆయన నుంచి రానున్న 'రాజాసాబ్'పై అభిమానుల్లో భారీ అంచనాలే నెలకొన్నాయి. హారర్‌ కామెడీ నేపథ్యంలో సాగనున్న ఈ చిత్రం ప్రస్తుతం శరవేగంగా షూటింగ్ జరుపుకుంటోంది. ఇక ప్రభాస్‌ ప్రస్తుతం ఈ సినిమాతో పాటు హను రాఘవపూడి తెరకెక్కిస్తోన్న ఓ చిత్రంలో చేస్తున్నారు. ఇదీ 2025లోనే తెరపైకి వచ్చే అవకాశమున్నట్లు సినీ వర్గాల మాట.
'అరవింద సమేత', 'ఆర్‌ఆర్‌ఆర్‌' సక్సెస్తో డబుల్‌ హ్యాట్రిక్ అందుకున్న జూనియర్ ఎన్టీఆర్, అదే జోరుతో 'దేవర'ను హిట్ బాటలోకి నడిపించారు. ఇక 2025లో ఎన్టీఆర్ - హృతిక్‌ రోషన్‌ కాంబోలో 'వార్‌ 2' ప్రేక్షకుల ముందుకు రానుంది. ఇప్పటికే ఈ సినిమాపై అటు నార్త్తో పాటు ఇటు సౌత్లోనూ భారీ అంచనాలే ఉన్నాయి.
'సరైనోడు' తర్వాత సరైన్ హిట్ లేక సతమతమైన ఐకాన్ స్టార్ అల్లు అర్జున్‌ ఇప్పుడు మళ్లీ వరుస విజయాలతో టాలీవుడ్లో దూసుకెళ్తున్నారు. 'అల వైకుంఠపురములో', 'పుష్ప: ది రైజ్‌'తో కొనసాగిన ఈ సక్సెస్ జర్నీ ఈ డిసెంబరులో వచ్చిన 'పుష్ప 2: ది రూల్‌'తో పూర్తైంది.
వీళ్లు కూదా అదే బాటలో
కథానాయకుడు నానికి గతేడాది బాగా కలిసొచ్చింది. 'దసరా', 'హాయ్‌ నాన్న' సినిమాలతో వరుస విజయాలందుకుని బాక్సాఫీస్ ముందు జోరు చూపించారు. ఈ క్రమంలోనే ఈ ఏడాది 'సరిపోదా శనివారం'తో మరో విజయాన్ని ఖాతాలో వేసుకుని హ్యాట్రిక్ అందుకున్నారు. దీంతో కొత్త ఏడాదిలో నాని నుంచి రానున్న 'హిట్ 3', 'ది ప్యారడైజ్‌' సినిమాలపై అంచనాలు రెట్టింపయ్యాయి.
2022లో వచ్చిన 'డీజే టిల్లు'తో యూత్ను అలాగే కామెడీ ప్రియులను ఆకట్టుకున్నారు నటుడు సిద్ధు జొన్నలగడ్డ. ఆయన ఈ ఏడాది మరోసారి అదే పాత్రతో 'టిల్లు స్క్వేర్‌' ద్వారా ప్రేక్షకుల్ని మరోసారి కడుపుబ్బా నవ్వించారు. ఈ క్రమంలో ఆయన అప్కమింగ్ మూవీ 'జాక్‌', 'తెలుసు కదా'పై భారీ అంచనాలే ఉన్నాయి.
'మహానటి' సినిమాతో తెలుగు వారికి చేరువయ్యారు మలయాళ స్టార్ దుల్కర్‌ సల్మాన్‌. 2022లో 'సీతారామం'తో టాలీవుడ్లో మరో భారీ విజయాన్ని అందుకున్న ఆయన, ఈ ఏడాది 'లక్కీ భాస్కర్‌'తో హ్యాట్రిక్ కొట్టారు. అంతేకాకుండా 'కల్కి 2898 AD'లో నూ ఆయన గెస్ట్ రోల్లో మెరిసి అభిమానులను అలరించారు. ఇక దుల్కర్‌ ప్రస్తుతం తెలుగులో 'కాంత', 'ఆకాశంలో ఒక తార' లాంటి సినిమాలు చేస్తున్నారు.
గతేడాది 'సామజవరగమన'తో ప్రేక్షకుల్ని కడుపుబ్బా నవ్వించారు యంగ్ హీరో శ్రీవిష్ణు. ఇక ఆయన ఈ ఏడాది 'ఓం భీమ్‌ బుష్‌'తో మరోసారి అభిమానులను ఆకట్టుకున్నారు. కానీ ఆ తర్వాత 'శ్వాగ్‌' మాత్రం ప్రేక్షకుల, విమర్శకుల ప్రశంసలు అందుకున్నప్పటికీ, బాక్సాఫీస్ వద్ద ఆశించిన స్థాయిలో కలెక్షన్లు సాధించలేకపోయింది.
రీల్ రివైండ్ 2024 - ఈ సీక్వెల్స్ పరిస్థితేంటంటే?
రూ.100 కోట్లు ఇచ్చినా ఆ పాత్ర చేయను : దర్శకుడిపై ప్రముఖ హీరోయిన్ అసహనం
