12th Fail Movie Record : కొన్ని చిన్న సినిమాలుగా వచ్చి సూపర్ హిట్ను అందుకుంటాయి. అలా ఇటీవలే వచ్చిన చిత్రమే '12th ఫెయిల్'. ఈ సినిమాను బాలీవుడ్ డైరెక్టర్ విధు వినోద్ చోప్రా తెరకెక్కించారు. విక్రాంత్ మస్సే ప్రధాన పాత్రలో నటించారు. ఈ చిత్రం గతేడాది అక్టోబర్ 27న విడుదలై ఊహించని విధంగా బ్లాక్ బస్టర్ హిట్ అందుకుంది. అలానే డిసెంబర్ 29నుంచి ప్రముఖ ఓటీటీ సంస్థ డిస్నీ+ హాట్ స్టార్లో స్ట్రీమింగ్ అవుతోంది. అయితే విమర్శకుల ప్రశంసలు అందుకొని మరి రికార్డులు సాధించిన ఈ చిత్రం ఇప్పుడు మరో ఘనతను సొంతం చేసుకుంది.
ఇంటర్నెట్ మూవీ డేటాబేస్ (IMDB) తాజాగా ప్రపంచ వ్యాప్తంగా టాప్ 250 ఉత్తమ చిత్రాల జాబితాను విడుదల చేసింది. ఇందులో '12th ఫెయిల్' సినిమా 50వ స్థానంలో ఉంది. అయితే టాప్ 50లో ఉన్న ఏకైక ఇండియా సినిమా కూడా ఇదే కావడం విశేషం. ఈ విషయాన్ని డైరెక్టర్ విధు వినోద్ ఎక్స్ ద్వారా తెలిపారు.
'ఎంతో సంతోషంగా ఉంది. ఇప్పుడు చనిపోయినా ఫర్వాలేదనిపిస్తోంది' అంటూ విధు వినోద్ ఈ సినిమాపై స్పందించారు. అయితే గతంలోనే ఈ చిత్రం ఐఎమ్డీబీలో అత్యధిక రేటింగ్ పొందిన ఇండియన్ సినిమాగా రికార్డును సొంతం చేసుకుంది. హాలీవుడ్ చిత్రాలను వెనక్కినెట్టి మరి 9.2 రేటింగ్తో సంచలనం సృష్టించింది.
సినిమా విషయానికొస్తే : ఐపీఎస్ మనోజ్ కుమార్‌ అనే వ్యక్తి జీవితం ఆధారంగా రూపొందింది. 12వ తరగతి ఫెయిల్ అయిన యువకుడు ఐపీఎస్ ఎలా అయ్యాడనే ఆసక్తికర కథతో తీర్చిదిద్దారు. ఈ చిత్రం ఆస్కార్‌ బరిలో నిలిచేందుకు పోటీపడనుంది. జనరల్‌ కేటగిరిలో ఇండిపెండెంట్‌గా చిత్రబృందం నామినేషన్‌ వేసింది. ఈ చిత్రంపై తాజాగా బాలీవుడ్ నటుడు బొమన్‌ ఇరానీ ప్రశంసలు కురిపించారు. తనకెంతో నచ్చిందని పేర్కొన్నారు. విక్రాంత్ మస్సే అద్భుతంగా నటించారని, పాత్రకు జీవం పోశారన్నారు. ఈ చిత్రం ఎంతోమంది యువ నటుల్లో స్ఫూర్తి నింపిందంటూ చిత్రబృందానికి అభినందనలు తెలిపారు.
'యశస్వి క్రికెట్ వెర్షన్ ఆఫ్ మనోజ్ శర్మ'- జైశ్వాల్ జర్నీ '12th ఫెయిల్' సినిమాలాంటిదే!
టాలీవుడ్ టూ కోలీవుడ్- తమిళ్లోనూ మృణాల్ మార్క్- మురుగదాస్ సినిమాలో ఛాన్స్!
