12th Fail Movie Record : తక్కువ అంచనాలతో చిన్న సినిమాగా విడుదలైన '12th ఫెయిల్' మూవీ ఇప్పుడు ఎన్నో రికార్డులు అందుకుని దూసుకెళ్తోంది. తాజాగా మరో మైల్స్టోన్ను దాటింది. 23 సంవత్సరాలు తర్వాత దాదాపు 25 వారాలుగా థియేటర్లలో రన్ అయిన సినిమాగా ఘనతను అందుకుంది. ఈ నేపథ్యంలో డైరెక్టర్ విధు వినోద్ చోప్రా ఆనందం వ్యక్తం చేశారు.
"ఈ హిట్‌ మూవీ థియేటర్లలో రిలీజై 25 వారాలు పూర్తయింది. ఇప్పటికీ కొన్ని థియేటర్లలో సక్సెస్ఫుల్గా రన్ అవుతోంది. 23 ఏళ్ల తర్వాత ఈ మైల్స్టోన్ను దాటిన సాధించిన తొలి చిత్రంగా '12th ఫెయిల్' నిలిచింది. మా కలను నిజం చేసినందుకు ఆడియెన్స్కు స్పెషల్ థ్యాంక్స్. ఇదంతా మీ వల్లే సాధ్యమైంది" అంటూ పేర్కొన్నారు.
ఇదిలా ఉండగా, ఇప్పటి వరకు ఇండియాలో సక్సెస్ఫుల్గా సందడి చేసిన ఈ మూవీ చైనాలోనూ విడుదలయ్యేందుకు సిద్ధమవుతుంది. ఈ విషయం గురించి కూడా డైరెక్టర్ ఆనందం వ్యక్తం చేశారు. "మంచి కథకు సరిహద్దులు దాటి ఆదరణ లభిస్తుందని నేను నమ్ముతాను. చైనాలోనూ ఈ మూవీ రిలీజ్ అవుతుందంటే కొత్త ప్రేక్షకులకు చేరుకోవడం మాత్రమే కాదు, ఈ కథ మరికొందరిలోనూ స్ఫూర్తి నింపనుందని అర్థం. విడుదలైన ప్రతీ ప్రాంతంలోనూ దీనికి మంచి ప్రేక్షకాదరణ లభించింది. చైనీస్‌ ప్రేక్షకులు దీనితో ఎలా కనెక్ట్‌ అవుతారోనంటూ నాకు ఆసక్తిగా ఉంది. ఆ మూమెంట్ కోసం ఎదురుచూస్తున్నాను" అంటూ డైరెక్టర్ రాసుకొచ్చారు.
స్టోరీ ఏంటంటే ?
ఐపీఎస్‌ అధికారి మనోజ్‌ కుమార్‌ శర్మ జీవితం ఆధారంగా అనురాగ్‌ పాఠక్‌ రాసిన పుస్తకాన్ని ఆధారంగా చేసుకుని ఈ చిత్రం రూపొందింది. మధ్యప్రదేశ్‌లోని చంబల్‌లోయ ప్రాంతమైన మౌర్యానాకు చెందిన మనోజ్‌ కుమార్‌ శర్మ ( విక్రాంత్ మాస్సే)ది నిరుపేద కుటుంబం. తినడానికి సరిగా తిండి లేని పరిస్థితి. మనోజ్‌ తండ్రి పనిలో నిజాయతీగా ఉన్నాడన్న కారణం వల్ల సస్పెండ్‌ అవుతాడు. చదువులో మనోజ్‌ టాపర్‌ ఏమీ కాదు. పైగా పరీక్షల్లో కాపీ కొట్టమని అతడి పాఠశాల ప్రిన్సిపలే ఎంకరేజ్ చేస్తారు. ఈ విషయం డీఎస్పీ దుష్యంత్ (ప్రియాన్షు ఛటర్జీ)కి తెలియడం వల్ల ఆ పాఠశాల ప్రిన్సిపల్‌ను పట్టుకుని, జైలుకు పంపుతాడు. అందరూ నిజాయతీగా ఉండాలని విద్యార్థులకు చెబుతారు. సగటు విద్యార్థి అయిన మనోజ్‌ 12వ తరగతి ఫెయిల్ అవుతాడు. డీఎస్పీ దుష్యంత్ మాటలను స్ఫూర్తిగా తీసుకుని మనోజ్‌ ఏం చేశాడు? 12th ఫెయిల్ అయినా సివిల్స్‌ వైపు అతడి పయనం ఎలా సాగింది? ఈ క్రమంలో మనోజ్‌కు ఎదురైన సవాళ్ల గురించే ఈ సినిమా.
'110 గంటల పాటు బ్రేక్ లేకుండా నటించాను' - 12th Fail హీరో సంచలన వ్యాఖ్యలు
OTTలోకి 12th Fail తెలుగు వెర్షన్ - జీవితంలో ఎదగాలంటే ఈ మూవీ డోంట్ మిస్!
