PM Internship Scheme 2024 : యువతకు నైపుణ్యాలు నేర్పించి.. ఉపాధి అవకాశాలు కల్పించడమే లక్ష్యంగా కేంద్ర ప్రభుత్వం పీఎం ఇంటర్న్షిప్ పథకాన్ని (PM Internship Scheme) ప్రారంభించింది. ఈ స్కీమ్కు ఎంపికైన అభ్యర్థులకు వివిధ రంగాల్లో ఏడాదిపాటు ఇంటర్న్షిప్ కల్పిస్తారు. దీంతో పాటు వన్ టైమ్ గ్రాంట్ కింద రూ. 6,000 ఇంకా నెలకు రూ.5,000 స్టైఫండ్ కూడా చెల్లిస్తారు. ఈ నేపథ్యంలోనే దీనికి అప్లై చేసుకోవడానికి ఎవరు అర్హులు? ఎప్పటి నుంచి దరఖాస్తు చేసుకోవచ్చు? అనే వివరాలను ఏఐసీటీఈ చీఫ్ కోఆర్డినేటింగ్ ఆఫీసర్ 'డాక్టర్ బుద్ధా చంద్రశేఖర్' వివరిస్తున్నారు. ఆ వివరాలు మీ కోసం..
ప్రధానమంత్రి ఇంటర్న్షిప్ స్కీమ్ లక్ష్యం ఏమిటి?
జవాబు: దేశంలోని టాప్ 500 కంపెనీల్లో కోటి మంది నిరుద్యోగ యువతకి ఉపాది నైపుణ్యాలను కల్పించడం.
ప్రధానమంత్రి ఇంటర్న్షిప్ స్కీమ్ అప్లై చేయడానికి ఎవరు అర్హులు ?
జవాబు: 21-24 సంవత్సరాల మధ్య వయసులో ఉన్న ప్రతి భారతీయుడు ఈ స్కీమ్కు అప్లై చేసుకోవచ్చు. అలాగే అభ్యర్థులు SSC, HSC, ఐటీఐ, పాలిటెక్నిక్ లేదా B.Sc, B.Com, BCA, BBA లేదా బీఫార్మసీ వంటి గ్రాడ్యుయేషన్ డిగ్రీలు పూర్తి చేసి ఉండాలి.
ఇంటర్న్షిప్ స్కీమ్ అప్లై చేయడానికి ఎవరు అనర్హులు ?
జవాబు: MBA, MBBS, Phd, సీఏ, సీఎంఏ, సీఎస్ వంటి అర్హతలు కలిగినవారు అనర్హులు. ఇంకా ఐఐటీ, ఐఐఎం వంటి ప్రతిష్ఠాత్మక సంస్థల నుంచి గ్రాడ్యుయేషన్ పూర్తి చేసిన వారు కూడా అనర్హులు. ఎటువంటి పర్మనెంట్ ఉద్యోగం చేస్తుండకూడదు. ఈ స్కీమ్కు అప్లై చేసుకునే వారి వార్షిక ఆదాయం రూ.8 లక్షలకు మించకూడదు. అలాగే ఫ్యామిలీలో ఎవరికీ కూడా శాశ్వత ప్రభుత్వ ఉద్యోగం ఉండకూడదు. అలాగే ఇంకా ఏదైనా కోర్సు చదువుతున్నవారు కూడా అప్లై చేయడానికి అనర్హులు.
ఈ స్కీమ్లో చేరడానికి ఏవైనా రిజర్వేషన్ నిబంధనలు ఉన్నాయా ?
జవాబు: ఎలాంటి రిజర్వేషన్లు లేవు. కానీ, ఎస్సీ, ఎస్టీ, ఓబీసీ, దివ్యాంగులు ఇలా అన్ని వర్గాల వారికి సమాన అవకాశాలు కల్పించేలా అభ్యర్థుల ఎంపిక ఉంటుంది.
ఈ పథకానికి ఎవరైనా విదేశీయులు దరఖాస్తు చేసుకోవచ్చా ?
జవాబు: లేదు. ఈ స్కీమ్కు విదేశీయులు అప్లై చేసుకోడానికి అనర్హులు. కేవలం ఈ పథకం భారతీయుల కోసమే.
ఇంటర్న్షిప్ కోసం అభ్యర్థులను ఎలా ఎంపిక చేస్తారు ?
జవాబు: అభ్యర్థులు ముందుగా పీఎం ఇంటర్న్షిప్ పోర్టల్లో రిజిస్టర్ చేసుకోవాలి. తర్వాత వారి వివరాలను నమోదు చేయాలి. వారి అర్హతలకు అనుగుణంగా వివిధ కంపెనీల్లో ఇంటర్న్షిప్ కోర్సులు చేయడానికి నమోదు చేసుకోవాలి. తర్వాత కంపెనీలు అభ్యర్థులను షార్ట్లిస్ట్ చేసి సెలెక్ట్ చేస్తాయి.
ఇంటర్న్షిప్ ఎన్ని రోజులు ఉంటుంది?
జవాబు: స్కీమ్కు ఎంపికైన అభ్యర్థులకు సంవత్సరం పాటు ఇంటర్న్షిప్ ఉంటుంది.
అప్లై చేసుకోవడానికి ఏ డాక్యుమెంట్లు అవసరం ?
జవాబు: ఆధార్ కార్డు, స్టడీ సర్టిఫికెట్లు, పాస్పోర్ట్ సైజ్ ఫొటో అవసరం. రిజిస్ట్రేషన్ సమయంలో ఇతర డాక్యుమెంట్లు ఏమి అవసరం లేదు.
అభ్యర్థి ఎన్ని ఇంటర్న్షిప్ కోర్సులకు దరఖాస్తు చేసుకోవచ్చు ?
జవాబు: అభ్యర్థుల విద్యా అర్హతల ఆధారంగా 5 ఇంటర్న్షిప్ కోర్సులకు అప్లై చేసుకోవచ్చు. అయితే, మీరు అప్లికేషన్ సబ్మిట్ చేసే ముందు ఐదు ప్రాధాన్యతలను ఎన్ని సార్లైనా మార్చుకోవచ్చు. ఒక్కసారి సబ్మిట్ చేసిన తర్వాత ఎలాంటి మార్పుల చేసుకోవడానికి వీలుండదు.
ప్రశ్న: అభ్యర్థులకు నచ్చిన ఐదు ఇంటర్న్షిప్ కోర్సుల్లో దేనికీ సెలక్ట్ కాకపోతే.. మళ్లీ అప్లై చేసుకోవచ్చా ?
జవాబు: అవును. అభ్యర్థులు మళ్లీ దరఖాస్తు చేసుకోవచ్చు.
ప్రశ్న: గరిష్ఠంగా ఒక అభ్యర్థికి ఎన్ని ఇంటర్న్షిప్ ఆఫర్లు వస్తాయి ?
జవాబు: అభ్యర్థికి రెండు ఇంటర్న్షిప్ ఆఫర్లు వస్తాయి. షార్ట్లిస్ట్ అయిన వారి ఆఫర్ లెటర్ పీఎం ఇంటర్న్షిప్ పోర్టల్లో అప్లోడ్ చేస్తారు. అలాగే ఈమెయిల్ ద్వారా మెసేజ్ వస్తుంది. ఎంపికైనవారికి ప్రతినెలకు రూ.5000 ఆర్థిక సహాయం అందిస్తారు. దీనికి అదనంగా అభ్యర్థులు చేరిన తర్వాత రూ.6000 వన్ టైమ్ గ్రాంట్ ఇస్తారు. అభ్యర్థి ఆధార్ కార్డ్కు లింక్ చేసిన బ్యాంక్ అకౌంట్లో ఈ డబ్బులు జమ అవుతాయి. ఈ ఇంటర్న్షిప్ కాలంలో అభ్యర్థులకు ప్రధాన మంత్రి జీవన్ జ్యోతి బీమా యోజన, ప్రధాన మంత్రి సురక్ష బీమా యోజన కింద బీమా కవరేజీ ఉంటుంది.
ప్రశ్న: ఇంటర్న్షిప్ ద్వారా ఏ రంగాలలో నైపుణ్యాలను అందిస్తారు ?
జవాబు: ఐటీ అండ్ సాఫ్ట్వేర్ డెవలప్మెంట్, బ్యాంకింగ్ అండ్ ఫైనాన్షియల్ సర్వీసెస్, ఆయిల్, గ్యాస్ అండ్ ఎనర్జీ, మెటల్స్ అండ్ మైనింగ్, ఎఫ్ఎంసీజీ (ఫాస్ట్ మూవింగ్ కన్జ్యూమర్ గూడ్స్), టెలికాం, ఇన్ఫ్రాస్ట్రక్చర్ అండ్ కన్స్స్ట్రక్షన్, రిటైల్ అండ్ కన్జ్యూమర్ డ్యూరబుల్స్, సిమెంట్ అండ్ బిల్డింగ్ మెటీరియల్స్, ఆటో మోటివ్, ఫార్మాస్యూటికల్, ఏవియేషన్ అండ్ డిఫెన్స్, మాన్యుఫ్యాక్చరింగ్ అండ్ ఇండస్ట్రియస్ట్రిల్, కెమికల్, మీడియా, ఎంటర్టైన్మెంట్ అండ్ ఎడ్యుకేషన్ తదితర విభాగాల్లో ఇంటర్న్షిప్ లభిస్తాయి. అగ్రికల్చర్ అండ్ అలైడ్, కన్సల్టింగ్ సర్వీసెస్, టెక్స్టైల్ మాన్యుఫ్యాక్చరింగ్, జెమ్స్అండ్ జువెలరీ, ట్రావెల్ అండ్ హాస్పిటాలిటీ, హెల్త్ కేర్. ఇంటర్న్షిప్ సమయంలో 6 నెలలు శిక్షణ తరగతులు, 6 నెలలు ప్రాక్టికల్ ట్రైనింగ్ ఉంటుంది.
ప్రశ్న: ఇంటర్న్షిప్ పూర్తైన తర్వాత ఉద్యోగం వస్తుందా ?
జవాబు: ఇంటర్న్షిప్ పూర్తి చేస్తే ఉద్యోగం గ్యారంటీ అని ఉండదు. కానీ, ఇంటర్న్షిప్ ద్వారా అభ్యర్థుల చాలా నైపుణ్యాలను సంపాదించుకుంటారు. దీనివల్ల వివిధ అవకాశాలను మెరుగుపరచుకోవచ్చు.
ప్రశ్న: యువతకి నైపుణ్యాలను అందించడానికి ఈ స్కీమ్ ప్లాన్ ఏంటి ?
జవాబు: వచ్చే రెండేళ్లలో 30 లక్షల మందికి నైపుణ్యాలను అందించాలని లక్ష్యంగా పెట్టుకున్నాం. తర్వాత ఐదేళ్లలో మొత్తం కోటి మంది యువతకు నైపుణ్యాలను అందించాలని లక్ష్యంగా పెట్టుకున్నాం.
ప్రధాన మంత్రి ఇంటర్న్షిప్ స్కీమ్ పోర్టల్ ఎప్పుడు ప్రారంభమవుతుంది?
జవాబు: 2024 అక్టోబర్ 12వ తేదీన అఫీషియల్గా ఈ పోర్టల్ ఓపెన్ అవుతుంది. అభ్యర్థులు రిజిస్టర్ చేసుకుని స్కీమ్కు అప్లై చేసుకోవచ్చు.
ఇవి కూడా చదవండి :
ఇంటర్న్‌షిప్‌లోనే 'జాబ్ స్కిల్స్' నేర్చుకోండి - కాలక్షేపం చేశారో ఇక అంతే!
ఇంటర్, డిగ్రీ అర్హతతో - రైల్వేలో 11,558 పోస్టులు భర్తీ - దరఖాస్తు చేసుకోండిలా!
