Indian Army Technical Graduate Course : ఇండియన్ ఆర్మీలో చేరి దేశానికి సేవ చేయాలని ఆశించే వారందరికీ గుడ్ న్యూస్. ఇండియన్ ఆర్మీ బీఈ, బీటెక్ చేసిన (టెక్నికల్ గ్రాడ్యుయేట్) అభ్యర్థుల నుంచి దరఖాస్తులు ఆహ్వానిస్తోంది. ఆసక్తి ఉన్న వారు గడువులోగా ఆన్లైన్లో దరఖాస్తు చేసుకోవాల్సి ఉంటుంది. సర్వీస్ సెలక్షన్ బోర్డ్ (ఎస్ఎస్బీ) ఇంటర్వ్యూ నిర్వహించి అభ్యర్థులను ఎంపిక చేస్తుంది. ఇలా ఎంపికైన అభ్యర్థులకు గ్రాడ్యుయేట్ కోర్స్ (టీజీసీ)లో శిక్షణ ఇస్తుంది. శిక్షణ అనంతరం లెఫ్టినెంట్ హోదాతో విధుల్లోకి తీసుకుంటుంది.
పోస్టుల వివరాలు
- సివిల్ - 7
- కంప్యూటర్ సైన్స్ - 7
- ఎలక్ట్రికల్ - 3
- ఎలక్ట్రానిక్స్ - 4
- మెకానికల్ - 7
- ఇతర విభాగాల్లో - 2
విద్యార్హతలు :
నిర్దేశిత ఇంజినీరింగ్ కోర్సులు చేసిన వారు, ప్రస్తుతం చివరి ఏడాది చదువుతున్న అభ్యర్థులు కూడా ఈ కోర్స్కు దరఖాస్తు చేసుకోవచ్చు. కంప్యూటర్ సైన్స్ పోస్టులకు ఎమ్మెస్సీ సీఎస్‌/ఐటీ చేసినవాళ్లు కూడా అర్హులే.
ఏజ్ లిమిట్
అభ్యర్థుల వయస్సు 2025 జనవరి 1 నాటికి 20 ఏళ్ల నుంచి 27 ఏళ్ల లోపు ఉండాలి. ఇంకా కచ్చితంగా చెప్పాలంటే, 1998 జనవరి 2 నుంచి 2005 జనవరి 1 మధ్య జన్మించి ఉండాలి.
సెలక్షన్ ప్రాసెస్
ఇండియన్ ఆర్మీ ఏటా టెక్నికల్ గ్రాడ్యుయేట్ కోర్స్ (టీజీసీ) కోసం ప్రకటన చేస్తుంటుంది. ఈ కోర్సులకు అవివాహిత పురుషులు మాత్రమే అర్హులు. ఆసక్తి ఉన్నవాళ్లు ఇండియన్ ఆర్మీ వెబ్సైట్ https://joinindianarmy.nic.inలో అప్లై చేసుకోవాలి. ఇందుకోసం ఎలాంటి దరఖాస్తు రుసుము చెల్లించాల్సిన అవసరం లేదు.
ముందుగా బీటెక్లో వచ్చిన మార్కుల మెరిట్ ఆధారంగా అభ్యర్థులను వడపోస్తారు. తరువాత వీరికి సర్వీస్ సెలక్షన్ బోర్డ్ (ఎస్ఎస్బీ) 5 రోజుల పాటు రెండు దశల్లో సైకలాజికల్ టెస్ట్, గ్రూప్ టెస్టింగ్, ఇంటర్వ్యూలు నిర్వహిస్తుంది. ఇదంతా బెంగళూరు కార్యాలయంలో జరుగుతుంది.
మొదటి రోజు స్టేజ్-1 స్క్రీనింగ్ (ఇంటెలిజెన్స్) పరీక్షలు నిర్వహిస్తారు. ఇందులో ఉత్తీర్ణులైన అభ్యర్థులను స్టేజ్-2కు ఎంపిక చేస్తారు. వీరికి 4 రోజుల పాటు పలు విభాగాల్లో పరీక్షలు నిర్వహిస్తారు. ఇందులో కూడా క్వాలిఫై అయిన వారికి వైద్య పరీక్షలు నిర్వహించి, టెక్నికల్ గ్రాడ్యుయేట్ కోర్సులకు ఎంపిక చేస్తారు.
నోట్ : ఇంటర్వ్యూకు హాజరైన అభ్యర్థులకు ప్రయాణ ఖర్చులు కూడా అందిస్తారు.
ట్రైనింగ్
టెక్నికల్ గ్రాడ్యుయేట్ కోర్సుకు ఎంపికైన అభ్యర్థులకు, ఇండియన్ మిలటరీ అకాడమీ, దేహ్రాదూన్‌లో 2024 జనవరి నుంచి ఒక ఏడాదిపాటు శిక్షణ ఇస్తారు. ఈ ట్రైనింగ్ సమయంలో ప్రతి నెలా రూ.56,100 స్టైపెండ్‌ చెల్లిస్తారు. విజయవంతంగా శిక్షణ పూర్తి చేసుకున్న అభ్యర్థులను లెఫ్టినెంట్ హోదాతో (పర్మినెంట్ జాబ్) శాశ్వత ప్రాతిపదికన విధుల్లోకి తీసుకుంటారు.
జీతభత్యాలు
లెఫ్టినెంట్ ఉద్యోగంలో చేరిన తర్వాత లెవల్‌-10 స్కేల్ ప్రకారం, రూ.56,100 సాలరీ ఇస్తారు. అలాగే రూ.15,500 మిలటరీ సర్వీస్ పే చెల్లిస్తారు. వీటికి తోడు డీఏ, ఇతర ప్రోత్సాహకాలు అందిస్తారు. అందువల్ల మొదటి నెల నుంచే సుమారుగా రూ.1 లక్షకుపైగా జీతం లభిస్తుంది.
లెఫ్టినెంట్ జాబ్కు ఎంపికైన అభ్యర్థులు చాలా తక్కువ వ్యవధిలోనే ఉన్నత హోదాలు సొంతం చేసుకోవచ్చు. కేవలం 2 ఏళ్ల సర్వీసుతో కెప్టెన్; 6 ఏళ్ల సర్వీస్తో మేజర్, 13 ఏళ్ల సేవలతో లెఫ్టినెంట్ కల్నల్‌ హోదాలకు ఎదగవచ్చు. పదవీ విరమణ తరువాత జీవితాంతం పింఛను అందుకోవచ్చు.
ఆన్లైన్ దరఖాస్తుకు చివరి తేదీ : 2024 మే 9 మధ్యాహ్నం 3 గంటల వరకు దరఖాస్తులు స్వీకరిస్తారు.
కృత్రిమ మేధ (AI) ఎంత డెవలప్ అయినా - ఈ జాబ్స్ మాత్రం సేఫ్! - Jobs That Are Safe From AI
నావల్ డాక్యార్డ్లో 301 అప్రెంటీస్ పోస్టులు - అప్లై చేసుకోండిలా! - Naval Dockyard Apprentice Posts
