BEL Recruitment 2024 : ప్రభుత్వ రంగ సంస్థ భారత్ ఎలక్ట్రానిక్స్ లిమిటెడ్(బెల్) హైదరాబాద్లో శాశ్వత ప్రాతిపదికన ఇంజినీరింగ్ అసిస్టెంట్ ట్రెయినీ, టెక్నీషియన్, జూనియర్ అసిస్టెంట్ పోస్టుల భర్తీ కోసం ప్రకటన విడుదల చేసింది. ఆసక్తి, అర్హత ఉన్నవాళ్ల గడువులోగా ఆన్లైన్లో దరఖాస్తు చేసుకోవాల్సి ఉంటుంది.
ఉద్యోగాల వివరాలు
- మొత్తం పోస్టులు : 32
- ఇంజినీరింగ్ అసిస్టెంట్ ట్రెయినీ-12
- టెక్నీషియన్ సీ-17
- జూనియర్ అసిస్టెంట్-3
విద్యార్హతలు
ఇంజినీరింగ్ అసెస్టెంట్ ట్రెయినీ పోస్టు కోసం దరఖాస్తు చేసే అభ్యర్థులు, ఎలక్ట్రానిక్స్ అండ్‌ కమ్యూనికేషన్‌ ట్రేడ్‌లో మూడేళ్ల ఇంజినీరింగ్ డిప్లొమా పూర్తి చేసి ఉండాలి. టెక్నీషియన్-సీ పోస్టు కోసం ఆసక్తి కలిగిన అభ్యర్థులు ఎస్‌ఎస్‌ఎల్‌సీ, ఐటీఐ (ఎలక్ట్రానిక్స్ మెకానిక్‌/ ఎలక్ట్రికల్‌)తోపాటు ఏడాది అప్రెంటిస్‌షిప్‌ పూర్తిచేయాలి. లేదా ఎస్‌ఎస్‌ఎల్‌సీ పాసై, మూడేళ్ల నేషనల్‌ అప్రెంటిస్‌షిప్‌ సర్టిఫికెట్‌ కోర్సు చేసి ఉండాలి. ఇక జూనియర్ అసిస్టెంట్ కోసం బీకాం/ బీబీఎం అర్హత సరిపోతుంది.
వయోపరిమితి
మూడు పోస్టులకూ 2024 జూన్ 1 నాటికి అభ్యర్థుల వయసు 28 సంవత్సరాలు మించకూడదు. గరిష్ఠ వయసులో ఓబీసీలకు మూడేళ్లు, ఎస్సీ/ ఎస్టీలకు ఐదేళ్లు, పీడబ్ల్యూబీడీలకు పదేళ్లు, ఎక్స్-సర్వీస్‌మెన్‌కు ప్రభుత్వ మార్గదర్శకాలకు అనుగుణంగా సడలింపు ఉంటుంది. అయితే అభ్యర్థులు తెలంగాణ ఎంప్లాయిమెంట్‌ ఎక్స్చేంజ్‌లో తప్పనిసరిగా పేరు నమోదు చేసుకోవాలి. గడువు తేదీ ముగిసిన/ పనిచేయని ఎంప్లాయిమెంట్‌ రిజిస్ట్రేషన్‌ కార్డులను పరిగణనలోకి తీసుకోరు.
దరఖాస్తు రుసుము
జనరల్, ఓబీసీ, ఈడబ్ల్యూఎస్‌ అభ్యర్థులు అప్లికేషన్ ఫీజుగా రూ.250(18శాతం జీఎస్టీ అదనం) చెల్లించాల్సి ఉంటుంది. దివ్యాంగులు, ఎక్స్-సర్వీస్మెన్, ఎస్టీ, ఎస్సీ రుసుము చెల్లించాల్సిన అవసరం లేదు.
పే స్కేల్
ఇంజినీరింగ్ అసిస్టెంట్ ట్రెయినీ పోస్టుకు రూ.24,500- రూ.90,000 వేతనం ఉంటుంది. టెక్నీషియన్, జూనియర్ అసిస్టెంట్ పోస్టులకు రూ.21,500- రూ.82,000 వరకు జీతం ఉంటుంది.
ఎంపిక విధానం
అభ్యర్థులను షార్ట్‌లిస్ట్, రాత పరీక్షల ఆధారంగా ఎంపిక చేస్తారు. మొదట విద్యార్హతల ఆధారంగా అభ్యర్థుల షార్ట్‌లిస్ట్‌ను తయారుచేసి రాత పరీక్షకు ఎంపిక చేస్తారు. ప్రశ్నపత్రంలో 150 మార్కులకు రెండు పార్టులు ఉంటాయి.
- పార్ట్‌-1 జనరల్ అవేర్‌నెస్‌కు 50 మార్కులు. జనరల్ మెంటల్‌ ఎబిలిటీ, ఆప్టిట్యూడ్, లాజికల్‌ రీజనింగ్, అనలిటికల్, కాంప్రహెన్షన్‌ ఎబిలిటీ, బేసిక్‌ న్యూమరసీ, డేటా ఇంటర్‌ప్రెటేషన్‌ స్కిల్స్, జనరల్ నాలెడ్జ్‌ నుంచి ప్రశ్నలు అడుగుతారు.
- పార్ట్‌-2 టెక్నికల్‌/ ట్రేడ్‌ ఆప్టిట్యూడ్‌కు 100 మార్కులు. సంబంధిత బ్రాంచ్‌ నుంచి టెక్నికల్‌/ ట్రేడ్‌ నాలెడ్జ్‌కు సంబంధించిన 100 ప్రశ్నలు ఇస్తారు.
- అయితే జనరల్/ ఓబీసీ/ ఈడబ్ల్యూఎస్‌లు పార్ట్‌-1, పార్ట్‌-2లో వేర్వేరుగా 35 శాతం మార్కులు సాధించాల్సి ఉంటుంది.
- ఎస్సీ/ ఎస్టీ/ పీడబ్ల్యూబీడీ అభ్యర్థులు పార్ట్‌-1, పార్ట్‌-2లో వేర్వేరుగా 30 శాతం మార్కులు తెచ్చుకోవాలి.
- ఇంజినీరింగ్ అసిస్టెంట్ ట్రెయినీ పోస్టుకు ఎంపికైన అభ్యర్థులకు బెంగళూరులో ఆరు నెలల శిక్షణ ఉంటుంది. ఆ సమయంలో నెలకు రూ.24 వేలు స్టైపెండ్‌గా చెల్లిస్తారు. శిక్షణానంతరం గ్రెడేషన్‌ టెస్ట్‌ పాసైన తర్వాత రెగ్యులర్‌ పే స్కేల్‌కు ఎంపిక చేస్తారు.
దరఖాస్తుకు చివరి తేదీ : 2024 జూన్ 27
వెబ్సైట్
https://bel-india.in/
నిరుద్యోగులకు తీపి కబురు - రైల్వేలో 18,799 అసిస్టెంట్ లోకో పైలట్ పోస్టుల భర్తీ!
