SBI Extends Deadline For Amrit Kalash FD scheme : మనదేశంలో అతి పెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (ఎస్బీఐ) తమ కస్టమర్లకు శుభవార్త చెప్పింది. 'అమృత్ కలశ్ పథకం' గడువును మరోసారి పెంచుతూ కీలక నిర్ణయం తీసుకుంది. గతంలో ఈ పథకం గడువును 2023 ఆగస్టు 15 నుంచి డిసెంబర్ 31 వరకు పొడిగించింది. తరువాత దానిని 2024 మార్చి 31 వరకు పొడిగించింది. తాజాగా ఈ గడువును 2024 సెప్టెంబర్ 30 వరకు (సుమారు 6 నెలలు) పెంచుతూ సర్క్యులర్ జారీ చేసింది.
స్పెషల్ ఫిక్స్డ్ డిపాజిట్ స్కీమ్
Amrith Kalash Scheme Interest Rates : ఎస్బీఐ 2023 ఫిబ్రవరి 15న అమృత్ కలశ్ పథకాన్ని ప్రవేశపెట్టింది. ఇది ఒక ప్రత్యేకమైన ఫిక్స్డ్ డిపాజిట్ స్కీమ్. దీని కాలపరిమితి 400 రోజులు మాత్రమే. ఎస్బీఐ ఈ స్కీమ్ ద్వారా ఆకర్షణీయమైన వడ్డీ రేట్లను అందిస్తోంది. సాధారణ పౌరులకు 7.10 శాతం, సీనియర్ సిటిజన్లకు ఏకంగా 7.60 శాతం వరకు వడ్డీ అందిస్తుంది. అంటే సీనియర్ సిటిజన్లు ఈ అమృత్ కలశ్ పథకం ద్వారా అధిక లబ్ధి పొందుతారు.
2023 ఫిబ్రవరిలో ప్రారంభమైన ఈ పథకానికి వినియోగదారుల నుంచి మంచి స్పందన వస్తుండడం వల్ల, ఎస్బీఐ దీని గడువును మలుమార్లు పొడిగించింది. ఈ పథకంలో గరిష్ఠంగా రూ.2 కోట్ల వరకు డిపాజిట్ చేయవచ్చు. ప్రవాస భారతీయులు కూడా ఈ స్కీమ్లో చేరడానికి అర్హులే.
ఈ పథకంలో చేరినవారు వడ్డీ చెల్లింపునకు తమకు నచ్చిన ప్లాన్ ఎంచుకునే సౌకర్యం ఉంది. నెల, ఆరు నెలల, లేదా సెమీ యాన్యువల్ ఆప్షన్లు ఉన్నాయి. వీటిలో మీరు ఎంచుకున్న విధానాన్ని అనుసరించి, నగదు మీ ఖాతాలో జమ అవుతుంది. అయితే, ఇందులో ఇన్కమ్ టాక్స్ చట్టం ప్రకారం, టీడీఎస్ కట్ అవుతుంది. ఇందులో రుణం సదుపాయంతోపాటు, ముందే డబ్బులు విత్డ్రా చేసుకునే అవకాశం కూడా ఉంది.
ఈ పథకంలో ఎలా చేరాలి?
ఎస్బీఐ అమృత్ కలశ్ ఫిక్స్డ్ డిపాజిట్ పథకం పొందడానికి, మీ దగ్గర్లోని ఎస్బీఐ బ్రాంచ్కు నేరుగా వెళ్లి సంప్రదించవచ్చు. లేదా ఆన్లైన్లోనే నేరుగా అప్లై చేసుకోవచ్చు. ఇవి రెండూ కాకుండా, ఎస్బీఐ యోనో అప్లికేషన్ ద్వారా కూడా స్కీమ్లో చేరవచ్చు.
ఇకపై అన్నింటీకీ ఒకే KYC - డాక్యుమెంట్ వెరిఫికేషన్ సో సింపుల్! - What Is Uniform KYC
బంగారు ఆభరణాలు కొంటున్నారా? గోల్డ్ ప్యూరిటీ గురించి తెలుసుకోండిలా! - How To Check Gold Purity
