Maruti Suzuki Swift 2024 Launch : ప్రముఖ కార్ల తయారీ సంస్థ మారుతీ సుజుకీ స్విఫ్ట్ నూతన మోడల్ను దేశీయ మార్కెట్లోకి తీసుకురానుంది. మారుతీ సుజుకీ స్విఫ్ట్ మోడల్పై ఇప్పటికే చాలా బజ్ ఉంది. ఈ నేపథ్యంలో కంపెనీ ఫోర్త్ జనరేషన్ స్విఫ్ట్ 2024 మోడల్ కారు లాంఛ్కు ముందే ప్రీ బుకింగ్ను ప్రారంభించింది. రూ.11 వేల టోకెన్ అమౌంట్తో ఆన్లైన్లో లేదా మారుతీ సుజుకీ ఎరీనా డీలర్షిప్ షోరూమ్స్లో ముందస్తు బుకింగ్ చేసుకోవచ్చని కంపెనీ తెలిపింది. కాగా, ఈ మోడల్ కారు మే 9న మార్కెట్లోకి రానున్నట్లు తెలుస్తోంది. మరెందుకు ఆలస్యం మారుతీ సుజుకీ స్విఫ్ట్ కారు ఫీచర్లు, తదితర విషయాలు ఈ స్టోరీలో తెలుసుకుందాం.
మారుతీ సుజుకీ స్విఫ్ట్ కారును మారుతున్న కాలానికి అనుగుణంగా అభివృద్ధి చెందిన ఒక ఐకానిక్ బ్రాండ్గా అభివర్ణించారు ఆ కంపెనీ ఇండియా విభాగం మార్కెటింగ్ అండ్ సేల్స్ సీనియర్ ఎగ్జిక్యూటివ్ ఆఫీసర్ పార్థో బెనర్జీ. 'మారుతీ సుజుకీ స్విఫ్ట్కు 29 లక్షల మంది కస్టమర్లు ఉన్నారు. ఈ కారు అనేక అవార్డులు, ప్రశంసలు అందుకుంది. స్విఫ్ట్ 2024 మోడల్ కారు స్పోర్టీ లుక్లో ఉంటుంది. ఇది తక్కువ ఉద్గారాలను విడుదల చేసి పర్యావరణ అనుకూలంగా ఉంటుంది. స్విఫ్ట్ ప్రీమియం హ్యాచ్ బ్యాక్ సెగ్మెంట్లో కొత్త బెంచ్‌ మార్క్లను సెట్ చేస్తుంది' అని తెలిపారు.
మారుతీ సుజుకీ స్విఫ్ట్ 2024 కారు ఫీచర్లు
మారుతీ సుజుకీ స్విఫ్ట్ 2024 మోడల్ కారు అనేక రకాల వేరియంట్లతో పాటు పలు కలర్ ఆప్షన్లలో వస్తుందని మార్కెట్లో అంచనాలు ఉన్నాయి. ఈ సరికొత్త హ్యాచ్బ్యాక్ కొత్త గ్రిల్, బంపర్స్, అల్లాయ్ వీల్స్, షార్క్-ఫిన్ యాంటీనాతో పాటు మెరుగైన ఫ్రంట్ డిజైన్ను కలిగి ఉంటుంది. సీ-పిల్లర్ పై అమర్చిన వెనుక డోర్ హ్యాండిల్స్ ఇప్పుడు నెక్ట్స్ జనరేషన్ మోడల్లోనూ కనిపిస్తాయి. కారు క్యాబిన్ లోపల ఫ్లోటింగ్ టచ్‌ స్క్రీన్ ఇన్ఫోటైన్‌మెంట్ సిస్టమ్ ఉంటుంది. మారుతీ సుజుకీ స్విఫ్ట్ హ్యాచ్ బ్యాక్ 1.2 లీటర్ల పెట్రోల్ ఇంజిన్ను కలిగి ఉంటుందని తెలుస్తోంది. సీఎన్జీ వేరియంట్‌ సహా ఏఎమ్టీ గేర్‌బాక్స్, మాన్యువల్గా అందుబాటులో ఉంటుంది.
రూ.1.5 లక్షల బడ్జెట్లో మంచి బైక్ కొనాలా? టాప్-10 ఆప్షన్స్ ఇవే! - Best Bikes In 2024
