జియో Vs ఎయిర్​టెల్​ Vs వీఐ - వీటిలో చీప్​ & బెస్ట్ 5జీ ప్లాన్​ ఏదంటే? - JIO VS AIRTEL VS VI PLANS 2024

Jio Vs Airtel Vs Vi Plans : ఇటీవల మొబైల్ రీఛార్జ్ ప్లాన్స్​ను సవరించిన జియో, ఎయిర్​టెల్​లు అపరమిత 5జీ డేటా కోసం కొత్త ధరలను అందుబాటులోకి తీసుకొచ్చాయి. మరోవైపు వొడాఫోన్ ఐడియా కూడా రీఛార్జ్ ప్లాన్స్​ ధరలను పెంచింది. అవేంటో ఈ స్టోరీలో చూద్దాం.

Jio Vs Airtel Vs Vi Plans : ప్రముఖ టెలికాం కంపెనీలైన జియో, ఎయిర్‌టెల్, వొడాఫోన్‌-ఐడియా (VI) ఇటీవలే మొబైల్‌ ప్లాన్స్ ధరలను సవరించాయి. వీఐ 4జీ డేటా ప్లాన్​ను, జియో, ఎయిర్​టెల్​లు కొత్తగా 5జీ డేటా బూస్టర్‌ ప్లాన్లను తీసుకొచ్చాయి. ఈ కొత్త ప్లాన్స్​ రాక ముందు 5జీ నెట్​వర్క్ పరిధిలో ఉన్న 5జీ మొబైల్​ యూజర్లందరికీ అన్ని ప్లాన్లపై అపరిమిత 5జీ డేటాను అందించాయి జియో, ఎయిర్​టెల్​లు. కానీ ఇప్పుడు 5జీ డేటాపై పరిమితులు విధించాయి. ఈ నేపథ్యంలోనే అపరమిత 5జీ డేటాను పొందేందుకు జియో, ఎయిర్​టెల్ 28 రోజులు, 365 రోజుల ప్లాన్లను తీసుకొచ్చాయి. మరోవైపు వీఐ కూడా మొబైల్​ టారిఫ్ ధరలను పెంచింది.

జియో 5జీ ప్లాన్స్
జియో రూ.349 ప్లాన్​ను రీఛార్జ్ చేసుకుంటే 28రోజుల పాటు అపరిమిత కాల్స్, 2జీబీ డేటా లభిస్తుంది. అదే 365 రోజల కోసం అయితే రూ.3,599లతో రీఛార్జ్​ చేసుకోవాలి. ఈ ప్లాన్​ తీసుకుంటే, అపరిమిత కాల్స్​తో పాటు, రోజుకు 2.5జీబీ డేటా చొప్పున పొందవచ్చు. ఈ రెండు ప్లాన్స్​ అపరమిత 5జీ డేటాను అందిస్తాయి.

ప్లాన్ వ్యాలిడిటీ	28 రోజులు	365 రోజులు
ధర	రూ.349	రూ.3599
డేటా	2జీబీ/రోజు (మొత్తం 56 జీబీ డేటా)	2.5జీబీ/రోజు (మొత్తం 912.5 జీబీ)
వాయిస్​ కాల్స్	అపరిమిత కాల్స్	అపరిమిత కాల్స్
ఎస్​ఎమ్​ఎస్​	100 ఎస్​ఎమ్​ఎస్​/రోజు	100 ఎస్​ఎమ్​ఎస్​/రోజు
ఇతర ప్రయోజనాలు	జియో టీవీ, జియో సినిమా, జియో క్లౌడ్	జియో టీవీ, జియో సినిమా, జియో క్లౌడ్

ఎయిర్​టెల్​ 5జీ ప్లాన్స్
ఎయిర్​టెల్​ అపరమిత 5జీ డేటాను పొందేందుకు రూ.409లతో రీఛార్జ్ చేస్తే 28 రోజుల వ్యాలిడిటీ వస్తుంది. అదే రూ.3,599లతో రీఛార్జ్ చేస్తే రోజుకు 2.5 జీబీ డేటా చొప్పున సంవత్సరం పాటు అపరిమిత 5జీ డేటా లభిస్తుంది.

ప్లాన్ వ్యాలిడిటీ	28 రోజులు	365 రోజులు
ధర	రూ.409	రూ.3,599
డేటా	2 జీబీ/రోజు	2.5 జీబీ/రోజు
వాయిస్​ కాల్స్	అపరిమిత కాల్స్	అపరిమిత కాల్స్
ఎస్​ఎమ్​ఎస్​	100ఎస్​ఎమ్​ఎస్​/రోజు	100ఎస్​ఎమ్​ఎస్​/రోజు
ఇతర ప్రయోజనాలు	ఎయిర్​టెల్ స్ట్రీమ్ ప్లై(ఫ్రీ 20+ ఓటీటీలు), 1 ఫ్రీ హలోట్యూన్, వింక్​ మ్యూజిక్	అపోలో 24/7 సర్కిల్, 1 ఫ్రీ హలోట్యూన్, వింక్​ మ్యూజిక్

వొడాఫోన్-ఐడియా రీఛార్జ్ ప్లాన్స్
వీఐ విషయానికొస్తే 28 రోజుల ప్లాన్​ ధరను రూ.179 నుంచి రూ.199కు, 84రోజుల ప్లాన్​ రూ.459 నుంచి రూ.509కు పెంచింది. పెరిగిన కొత్త ప్లాన్ ధరలు ఎలా ఉన్నాయంటే?

ప్లాన్స్	రోజులు	ప్రయోజనాలు
రూ.179	28 రోజులు	2జీబీ డేటా, 300ఎస్​ఎమ్​ఎస్​, అపరిమిత కాల్స్
రూ.509	84 రోజులు	6జీబీ డేటా, 300ఎస్​ఎమ్​ఎస్​, అపరిమిత కాల్స్
రూ. 1,999	365 రోజలు	24జీబీ డేటా, 300ఎస్​ఎమ్​ఎస్​, అపరిమిత కాల్స
రూ.299 ప్లాన్	28 రోజులు	1 జీబీ/ రోజు, అపరిమిత కాల్స్
రూ.349 ప్లాన్	28 రోజులు	1.5 జీబీ/ రోజు, అపరిమిత కాల్స్
రూ.379 ప్లాన్	30 రోజులు	2 జీబీ/ రోజు, అపరిమిత కాల్స్
రూ.579 ప్లాన్	56 రోజులు	1.5 జీబీ/ రోజు, అపరిమిత కాల్స్
రూ.979 ప్లాన్	84 రోజులు	2 జీబీ/ రోజు, అపరిమిత కాల్స్
రూ.3499 ప్లాన్	365 రోజులు	1.5 జీబీ, అపరిమిత కాల్స్