క్రెడిట్ కార్డ్​తో యూపీఐ పేమెంట్స్ చేయాలా? ఈ సింపుల్ స్టెప్స్​ ఫాలో అవ్వండి! - Credit Cards For UPI Payments

How To Use Credit Cards For UPI Payments : మీరు తరచూ యూపీఐ పేమెంట్స్ చేస్తుంటారా? ఇందు కోసం మీ యూపీఐ యాప్​నకు డెబిట్ కార్డ్​ను లింక్ చేశారా? అయితే ఇది మీ కోసమే. వాస్తవానికి మీరు క్రెడిట్ కార్డు ఉపయోగించి కూడా యూపీఐ పేమెంట్స్ చేయవచ్చు. అది ఎలాగో ఇప్పుడు తెలుసుకుందాం.

How To Use Credit Cards For UPI Payments : యూపీఐ పేమెంట్స్​ అందుబాటులోకి వచ్చిన తరువాత ఆర్థిక లావాదేవీలు చాలా సులభమైపోయాయి. సమయానికి మన చేతిలో డబ్బులు లేకపోయినా, షాప్​ వద్ద ఉన్న క్యూఆర్​ కోడ్ స్కాన్​ చేసి, చాలా ఈజీగా బిల్లు చెల్లించేస్తున్నాం. అలాగే యూపీఐ యాప్స్​ ద్వారా ఆన్​లైన్ షాపింగ్ చేయగలుగుతున్నాం.

సాధారణంగా యూపీఐ యాప్స్​కు డెబిట్​ కార్డులను లింక్ చేస్తూ ఉంటాం. కానీ క్రెడిట్​ కార్డులను కూడా జత చేయవచ్చని మీకు తెలుసా? మీరు చదువుతున్నది నిజమే. క్రెడిట్​ కార్డ్​ను లింక్​ చేసుకుని యూపీఐ పేమెంట్స్ చేయవచ్చు. అది ఎలాగో ఇప్పుడు చూద్దాం.

రూపే క్రెడిట్ కార్డ్స్​తో యూపీఐ పేమెంట్స్​!
ఇంతకు ముందు యూపీఐ ప్లాట్​ఫామ్​తో వీసా, మాస్టర్​ కార్డులను మాత్రమే జతచేయడానికి వీలయ్యేది. కానీ రిజర్వ్​ బ్యాంక్ ఆఫ్ ఇండియా 2022 జూన్ 8 తరువాత రూపే క్రెడిట్ కార్డులను కూడా యూపీఐ ప్లాట్​ఫామ్​లకు లింక్ చేసుకునే వెసులుబాటు కల్పించింది. కనుక మీరు యూపీఐ యాప్స్​కు రూపే క్రెడిట్ కార్డును లింక్ చేసుకుని, పేమెంట్స్ చేయవచ్చు. అది ఎలాగో ఇప్పుడు తెలుసుకుందాం.

How To Make UPI Payments Using Credit Card :

• ముందుగా మీకు నచ్చిన యూపీఐ యాప్​ను డౌన్​లోడ్ చేసుకోండి.
• ఉదాహరణకు Gpay, ఫోన్​పే, పేటీఎం లాంటి యాప్స్​ డౌన్​లోడ్ చేసుకోవచ్చు.
• తరువాత సదరు యూపీఐ యాప్​లో మీ వివరాలు నమోదు చేసి రిజిస్టర్ చేసుకోవాలి.
• ఆ తరువాత మీ బ్యాంక్​ అకౌంట్​, ఫోన్ నంబర్​లను లింక్ చేయాలి.
• వెరిఫికేషన్ ప్రాసెస్ కూడా కంప్లీట్ చేయాలి.
• ఇవన్నీ పూర్తి చేసిన తరువాత యూపీఐ యాప్​లోని మీ ప్రొఫైల్ లేదా​ సెట్టింగ్స్​లోకి వెళ్లాలి.
• Set up payment methods లేదా add a payment methodపై క్లిక్ చేయాలి.
• మీ క్రెడిట్ కార్డ్ వివరాలు దానిలో నమోదు చేయాలి.
• వెంటనే మీ రిజిస్టర్డ్ మొబైల్ నంబర్​కు ఒక ఓటీపీ వస్తుంది. దానిని నమోదు చేయాలి.
• అంతే సింపుల్​! ఇకపై మీ క్రెడిట్ కార్డ్ ద్వారా యూపీఐ పేమెంట్స్ చేసేయవచ్చు. ఎలా అంటే?
• మీరు క్యూఆర్ కోడ్ స్కాన్ చేయగానే, పేమెంట్ ఆప్షన్ కనిపిస్తుంది.
• దానిపై క్లిక్ చేసి అమౌంట్ ఎంటర్ చేయగానే డెబిట్ కార్డ్, క్రెడిట్ కార్డ్ ఆప్షన్స్ కనిపిస్తాయి.
• మీరు క్రెడిట్ కార్డ్​పై క్లిక్ చేస్తే, యూపీఐ పేమెంట్ జరిగిపోతుంది.

ఏయే క్రెడిట్ కార్డ్స్ వాడవచ్చు!
ఈ కింద ఇచ్చిన లిస్ట్​లోని బ్యాంకులు అందించే రూపే క్రెడిట్ కార్డులను మీరు యూపీఐ పేమెంట్స్ కోసం వాడవచ్చు.

1. పంజాబ్​ నేషనల్​ బ్యాంక్​

2. యూనియన్ బ్యాంక్ ఆఫ్ ఇండియా

3. ఇండియన్ బ్యాంక్​

4. హెచ్​డీఎఫ్​సీ బ్యాంక్​

5. యాక్సిస్ బ్యాంక్​

6. కోటక్ మహీంద్రా

7. కెనరా బ్యాంక్

8. స్టేట్ బ్యాంక్ ఆఫ్ ఇండియా

9. యెస్​ బ్యాంక్​

10. BOB ఫైనాల్సియల్​ సొల్యూషన్స్​ లిమిటెడ్​

క్రెడిట్ కార్డులను సపోర్ట్ చేసే యూపీఐ యాప్స్​ ఇవే!

• భీమ్​ యాప్​ (BHIM)
• భీమ్ పీఎన్​బీ
• క్రెడ్​ (CRED)
• కెనరా ఏ1
• గోకివి (Gokiwi)
• గూగుల్ పే
• పేజ్​యాప్​ (PayZapp)
• ఫోన్​పే
• మొబిక్విక్​
• పేటీఎం
• స్లైస్​

గూగుల్ పే వెబ్​సైట్​ ప్రకారం - వీసా, మాస్టర్​ కార్డ్​ యూజర్లు కూడా యూపీఐ యాప్స్​తో వివిధ బ్యాంకులు జారీ చేసిన క్రెడిట్ కార్డులను లింక్ చేసుకోవచ్చు. ఆ బ్యాంకులు ఏవంటే?

యాక్సిస్ బ్యాంక్​, ఎస్​బీఐ, ఎస్​బీఐ కార్డ్​, కోటక్ బ్యాంక్​, హెచ్​డీఎఫ్​సీ బ్యాంక్, ఇండస్​ఇండ్ బ్యాంక్, ఫెడరల్ బ్యాంక్​, ఆర్​బీఎల్ బ్యాంక్, హెచ్​ఎస్​బీసీ బ్యాంక్, ఐసీఐసీఐ బ్యాంక్​, వన్​కార్డ్ (వీసా క్రెడిట్ కార్డ్​).