How To Resolve Credit Card Disputes : ప్రస్తుతం క్రెడిట్ కార్డులు చాలా మందికి రోజువారీ ఆర్థిక అలవాట్లలో భాగంగా మారాయి. అయితే క్రెడిట్ కార్డు బకాయిలు తిరిగి చెల్లించే క్రమంలో కొన్నిసార్లు సమస్యలు ఏర్పడతాయి. అనధికార ఛార్జీలు, తప్పుడు బిల్లింగ్ లెక్కలు, చెప్పిన విధంగా సేవలు అందలేపోవడం వంటి సమస్యలు వస్తాయి. దీంతో వినియోగదారులు అసహనానికి గురవుతారు. ఈ విషయమై క్రెడిట్ సంస్థను చెల్లింపుదారుడు ప్రశ్నిస్తే అది క్రెడిట్ కార్డు డిస్ప్యూట్కు(Credit Card Disputes) దారితీస్తుంది.
క్రెడిట్ కార్డుల ద్వారా చేసే ఆన్లైన్ ఖర్చులు 2024 ఏప్రిల్ నాటికి రూ.లక్ష కోట్లుకు చేరుకున్నట్లు సంబంధిత వర్గాలు తెలిపాయి. దాంతోపాటు 2022 నుంచి క్రెడిట్ కార్డు డిస్ప్యూట్లలోనూ 20శాతం పెరుగుదల నమోదైందని వెల్లడించాయి. క్రెడిట్ కార్డుల వినియోగం పెరుగుతున్న తరుణంలో ఇలాంటి డిస్ప్యూట్లు తలెత్తడం అనివార్యం అని, కాకపోతే దాన్ని మేనేజ్ చేయొచ్చని నిపుణులు చెబుతున్నారు.
సాధారణంగా, క్రెడిట్ కార్డు డిస్ప్యూట్లు తలెత్తినప్పుడు వినియోగదారులు- కార్డు జారీ చేసే సంస్థను సంప్రదిస్తారు. వారి సమస్యను తెలియజేస్తారు. వారు చేసిన క్లెయిమ్ను సదరు క్రెడిట్ కార్డు సంస్థ పరిశీలించి, అవసరమైతే అదనపు సమాచారాన్ని అడుగుతారు. అయితే వినియోగదారుడి క్లెయిమ్ నిజమైనదే అని గుర్తిస్తే, ఆ మొత్తాన్ని వారి ఖాతాలో జమ చేస్తారు. ఈ నేపథ్యంలో క్రెడిట్ కార్డు డిస్ప్యూట్లను ఎప్పుడు, ఎలా లేవనెత్తవచ్చో ఇప్పుడు తెలుసుకుందాం.
క్రెడిట్ కార్డు డిస్ప్యూట్లు ఎప్పుడు లేవనెత్తాలి?
- అనధికార ఛార్జీలు : క్రెడిట్ కార్డు బకాయిలు చెల్లించేటప్పుడు అనధికార ఛార్జీలు గుర్తిస్తే వెంటనే సదరు క్రెడిట్ సంస్థకు తెలియజేయాలి
- బిల్లింగ్ తప్పులు : మీ స్టేట్మెంట్లలో డూప్లికేట్ ఛార్జీలు, తప్పుడు మొత్తాలు ఉన్నాయేమో ఎప్పటికప్పుడు సమీక్షించుకోవాలి. ఇలాంటివి ఏమైనా ఉంటే వెంటనే క్రెడిట్ సంస్థను ప్రశ్నించాలి
- వస్తుసేవల డిస్ప్యూట్లు : క్రెడిట్ కార్డు సంస్థ ప్రామిస్ చేసిన విధంగా సేవలు లేకపోతే, వాటిపై విధించే ఛార్జీలను ఛాలెంజ్ చేయొచ్చు.
- ఫ్రాడ్ : ఐడెంటిటీ థెఫ్ట్, ఫిషింగ్ స్కామ్లను గుర్తించే కార్డు జారీ చేసే సంస్థను వెంటనే సంప్రదించాలి.
క్రెడిట్ కార్డు డిస్ప్యూట్లు క్లెయిమ్ చేసుకునే విధానం
1. క్రెడిట్ కార్డు జారీ చేసే సంస్థను సంప్రదించడం : ఏదైనా స్టేట్మెంట్లో సమస్యను గుర్తించే క్రెడిట్ కార్డు జారీ చేసే సంస్థను సంప్రదించాలి. మీ లావాలదేవీలకు సంబంధించి- తేదీ, అమౌంట్, మర్చంట్ సహా మొత్తం వివరాలు వారికి అందించాలి.
2. డిస్ప్యూట్ ఫామ్ను ఫైల్ చేయడం : క్లెయిమ్ వివరాలను క్రెడిట్ సంస్థకు తెలియజేయడం కోసం ఒక డిస్ప్యూట్ ఫామ్ను నింపాల్సి ఉంటుంది. అయితే ఫామ్ సబ్మిట్ చేసేటప్పుడు అన్ని వివరాలు పొందుపరిచారో లేదో చెక్ చేసుకోవాలి.
3. ఇన్వెస్టిగేషన్ ప్రాసెస్ : వినియోగదారులు క్లెయిమ్ చేసిన తర్వాత సదరు క్రెడిట్ సంస్థ, దాన్ని ఇన్వెస్టిగేట్ చేస్తుంది. ఈ క్రమంలో స్టేట్మెంట్లో ఉన్న డిస్ప్యూటెడ్ అమౌంట్ను తాత్కాలికంగా తొలగిస్తారు.
4. పరిష్కారం : ఇన్వెస్టిగేషన్ పుర్తైన తర్వాత కార్డు జారీ చేసే సంస్థ- వారు కొనుగొన్న వివరాలను మీకు తెలియజేస్తారు. అవి మీ క్లెయిమ్కు అనుకూలంగా ఉంటే డిస్ప్యూటెడ్ అమౌంట్ను మీ బ్యాంకు అకౌంట్లో జమ చేస్తారు.
అయితే క్రెడిట్ కార్డు చెల్లింపులు, ఛార్జీలు తదితర వాటిలో సమస్యలు గుర్తించే, ట్రాన్సాక్షన్ జరిగిన తేదీ నుంచి 180 రోజుల్లో డిస్ప్యూట్ లేవనెత్తే హక్కు ఉంటుంది. ఈ డిస్ప్యూట్లు సాధారణంగా 45 నుంచి 60 రోజుల్లో పరిష్కారం అవుతాయని నిపుణులు చెబుతున్నారు.
