మీ కార్​ విండ్​షీల్డ్ లోపలి భాగాన్ని క్లీన్ చేయాలా?​​ ఈ టిప్స్​ ఫాలో అవ్వండి! - How To Clean Car Windshield Inside

How To Clean Car Windshield Inside : కారు క్లీనింగ్​కు సంబంధించి ఏం మరిచిపోయినా, విండ్​షీల్డ్​ను శుభ్రం చేయడం మాత్రం మరిచిపోవద్దు. విండ్​షీల్డ్​ దుమ్ము, దూళితో మసకబారితే, డ్రైవింగ్​ చేసేటప్పుడు ఇబ్బందులు తలెత్తుతాయి. అందువల్ల కారు లోపల విండ్​షీల్డ్​ను ఎలా క్లీన్​ చేయాలి? శుభ్రం చేసేటప్పుడు ఎలాంటి జాగ్రత్తలు పాటించాలో ఈ స్టోరీలో తెలుసుకుందాం.

How To Clean Car Windshield Inside : మనం వాడే కారు కండిషన్​కు, క్లీనింగ్​కు సంబంధించి కొన్ని విషయాలు మరిచిపోయినా ఫర్వాలేదు. కానీ మురికిగా ఉన్న విండ్​షీల్డ్​ క్లీనింగ్​ను మాత్రం మరిచిపోవద్దు. విండ్​షీల్డ్​ మురికిగా ఉంటే రోడ్డుపై చాలా ఇబ్బందులు ఎదురవుతాయి. విండ్​షీల్డ్​ మసకగా ఉంటే డ్రైవింగ్ చేయడం కూడా కష్టమవుతుంది. ఎదురుగా వస్తున్న వాహనాలను సరిగా చూడలేం. తద్వారా ప్రమాదాలు జరిగే అవకాశాలు లేకపోలేదు. అందువల్ల కారు లోపలి భాగంలో విండ్​షీల్డ్​ను ఎలా క్లీన్​ చేయాలి? ఎక్కడి నుంచి మొదలు పెట్టాలో ఇప్పుడు తెలుసుకుందాం.

విండ్​షీల్డ్​ ఎందుకు మురికిగా అవుతుంది?
కారు లోపలి భాగంలో విండ్​షీల్డ్​ను తరచూ తాకినా, తాకకున్నా అది డర్టీగా అవుతుంది. అందుకు కారణాలు కూడా ఉన్నాయి. మనం వాడే కారు ఫ్రెష్​నర్స్​ కెమికల్స్​ను విడుదల చేస్తాయి. ఆ రసాయనాల అవశేషాలు విండ్​షీల్డ్​పై పేరుకుపోతాయి. దీంతో విండ్​షీల్డ్​ జిడ్డుగా, మసకగా తయారవుతుంది. అంతేకాకుండా కారులో పొగ తాగడం, దుమ్ము, ధూళి వంటి వాటి వల్ల కూడా విండ్​షీల్డ్​ మసకబారుతుంది. తద్వారా అద్దం గుండా చూడడానికి ఇబ్బంది అవుతుంది. మీరు కారు రెగులర్​గా డ్రైవ్​ చేయకున్నా, కారు ఇంటీరియర్స్​ రిలీజ్​ చేసే(ఆఫ్​-గ్యాసింగ్) గ్యాస్​ల వల్ల, దమ్ము, ధూళి వల్ల కూడా విండ్​షీల్డ్​ మసకబారుతుంది.

విండ్​షీల్డ్​ ఎలా క్లీక్​ చేయాలి?
విండ్​షీల్డ్​ శుభ్రం​ చేసేముందు మీ వద్ద సరైనా క్లీనర్స్​, మెటీరియల్స్​ ఉన్నాయో లేదో చూసుకోండి. కారులో లోపల విండ్​షీల్డ్​ క్లీన్​ చేయడానికి లింట్​-ఫ్రీ లేదా మైక్రోఫైబర్​ క్లాత్​ను ఉపయోగించాలి. పేపర్​ టవల్స్​ లాంటి మెటీరియల్స్​​ను వాడకుండా ఉంటేనే మంచిది. ఎందుకంటే, వాటి వల్ల క్లీనింగ్​ చేసిన తర్వాత, విండ్​షీల్డ్​పై క్లీనర్స్​కు సంబంధించిన అవశేషాలు మిగిలిపోతాయి.

మెటీరియల్స్​ అన్ని ఒక చోట ఉంచిన తర్వాత, మొదటగా విండ్​షీల్డ్​ను మైక్రోఫైబర్​ క్లాత్​తో ఒకసారి తుడవాలి. అనంతరం క్లీనర్​ను స్ప్రే చేయాలి. ఆ తర్వాత క్లాత్​తో కిందకు, మీదకు క్లీన్​ చేయాలి. అలా విండ్​షీల్డ్​ మొత్తం శుభ్రం చేసిన తర్వాత, డ్రై క్లాత్​తో మరోసారి మరకలు లేకుండా శుభ్రం​ చేయాలి. క్లీనింగ్​ పూర్తి అయిన​ తర్వాత ఇంటీరియర్​ ఫినిషింగ్​ కోసం గ్లాస్​ క్లీనర్​ను ఉపయోగించండి. ఆల్కహాల్​, డిస్టిల్డ్​ వైట్​ వెనిగర్​తో కూడా ఈ ప్రక్రియ పూర్తి చేయొచ్చు.

పాటించాల్సిన జాగ్రత్తలు

• విండ్​షీల్డ్​ను​ లాస్ట్​లో క్లీన్​ చేయండి. ఎందుకంటే మీ కారులోని ఇతర ప్రాంతాలను శుభ్రం చేసేటప్పుడు వచ్చే దుమ్ము, ధూళి, వ్యర్థాలు విండ్​షీల్డ్​ను మురికి చేస్తాయి.
• విండ్​షీల్డ్​ శుభ్రం చేసేందుకు ఉపయోగించే క్లాత్​ క్లీన్​గా ఉండేటట్టు చూసుకోండి. తద్వారా స్క్రాచ్​లు పడకుండా ఉంటాయి.
• వాతావరణం చల్లగా ఉన్న సమయంలో కారును క్లీన్​ చేయండి. సూర్యరశ్మి ఎక్కువగా ఉన్నప్పుడు, వాతావరణం వేడిగా ఉన్నప్పుడు గ్లాస్​ ఉపరితలాలని క్లీన్​ చేస్తే, మనం ఉపయోగించే రసాయనాలు త్వరగా ఆవిరైపోతాయి. తద్వారా మనం అనుకున్న రిజల్ట్స్ వచ్చే అవకాశం ఉండదు.