Bike For Business Purpose : చిరు వ్యాపారులకు టూ-వీలర్స్తో చాలా పని ఉంటుంది. ముఖ్యంగా తమ వ్యాపారానికి అవసరమైన సరకులను, వస్తువులను సులువుగా రవాణా చేయడానికి ఇవి అవసరం అవుతాయి. అందుకే తక్కువ ధరలో, మంచి మైలేజ్ ఇచ్చే టూ-వీలర్ కొనాలని చాలా మంది ఆశపడుతుంటారు. ఇలాంటి వారిని టార్కెట్ చేసుకుని ప్రముఖ ఆటోమొబైల్ కంపెనీలు చాలా తక్కువ ధరలో, మంచి డ్రైవింగ్ కంఫర్ట్ ఉండే బైక్స్ను మార్కెట్లోకి విడుదల చేశాయి. వాటి గురించి ఇప్పుడు వివరంగా తెలుసుకుందాం.
1. Kinetic Green E-Luna : భారతదేశంలో అత్యంత ఆదరణ పొందిన ద్విచక్ర వాహనాల్లో కెనటిక్ లూనా ఒకటి. తక్కువ బరువుతో, మంచి మైలేజ్తో ఇది వస్తుంది. వస్తువులను రవాణా చేయడానికి కూడా ఇది ఎంతో బాగుంటుంది. అందుకే ఈ కంపెనీ ఇప్పుడు ఎలక్ట్రిక్ బైక్ను కూడా మార్కెట్లోకి తెచ్చింది. అదే కెనటిక్ గ్రీన్ ఈ-లూనా.
కెనటిక్ గ్రీన్ ఈ-లూనా కేవలం 3-4 గంటల్లోనే ఫుల్ ఛార్జ్ అవుతుంది. గంటకు 52 కి.మీ వేగంతో వెళుతుంది. దీని రేంజ్ 90 కి.మీ. కనుక చిరువ్యాపారులకు చాలా ఉపయోగకరంగా ఉంటుంది. ఈ కెనటిక్ గ్రీన్ ఈ-లూనా 2 వేరియంట్లలో, 5 రంగుల్లో లభిస్తుంది.
Kinetic Green E-Luna Price :
- కెనటిక్ గ్రీన్ ఈ-లూనా X1 ధర రూ.69,990 (ఎక్స్-షోరూం) ఉంటుంది.
- కెనటిక్ గ్రీన్ ఈ-లూనా X2 ధర రూ.79,990 (ఎక్స్-షోరూం) ఉంటుంది.
2. TVS XL 100 Comfort : భారత మార్కెట్లో ఉన్న మరో మంచి టూ-వీలర్ 'టీవీఎస్ ఎక్స్ఎల్ 100 కంఫర్ట్'. రూ.50,000 లోపు మంచి బైక్ కొనాలని అనుకునేవారికి ఇది బెస్ట్ ఛాయిస్ అని చెప్పుకోవచ్చు. ఈ టీవీఎస్ బండి బ్లూ, బ్రౌన్ కలర్లలో లభిస్తుంది. దీని బాడీ చాలా స్ట్రాంగ్గా ఉంటుంది. కనుక గతుకల రోడ్లపై కూడా ఎంత లోడ్తో అయినా హాయిగా వెళ్లిపోవచ్చు.
TVS XL 100 Comfort Features :
- ఇంజిన్ కెపాసిటీ : 99.7 సీసీ
- మైలేజ్ : 55 కి.మీ/ లీటర్
- ట్రాన్స్మిషన్ : ఆటోమేటిక్
- కెర్బ్ వెయిట్ : 86 కేజీలు
- ఫ్యూయెల్ ట్యాంక్ కెపాసిటీ : 4 లీటర్లు
TVS XL 100 Comfort Price : ఈ బండిలో రెండు వేరియంట్లు ఉన్నాయి. వాటి ధరలు ఎలా ఉంటాయంటే?
- టీవీఎస్ 100 కంఫర్ట్ కిక్ స్టార్ట్ ధర రూ.46,714 (ఎక్స్-షోరూం ధర) ఉంటుంది.
- టీవీఎస్ 100 కంఫర్ట్ ఐ-టచ్ స్టార్ట్ ధర రూ.60,728 (ఎక్స్-షోరూం ధర) ఉంటుంది
3. TVS XL 100 Heavy Duty : హైవీ లోడ్స్ తీసుకెళ్లే చిరు వ్యాపారులకు ఈ టీవీఎస్ బండి చాలా అనుకూలంగా ఉంటుంది. పైగా దీని ధర చాలా తక్కువ. ఇది హెవీ డ్యూటీ బండి కనుక గతుకుల రోడ్లపై కూడా, ఎంత లోడ్నైనా చాలా ఈజీగా తీసుకెళ్లవచ్చు. కేటరింగ్, లాజిస్టిక్స్ బిజినెస్ చేసేవారికి, చిన్న చిన్న కిరాణా షాపులు నడిపేవారికి ఇది చాలా ఉపయోగకరంగా ఉంటుంది. దీనిని మెయింటైన్ చేయడం కూడా చాలా సులువు.
TVS XL 100 Heavy Duty Features :
- ఇంజిన్ కెపాసిటీ : 99.7 సీసీ
- మైలేజ్ : 52 కి.మీ/ లీటర్
- ట్రాన్స్మిషన్ : ఆటోమేటిక్
- కెర్బ్ వెయిట్ : 88 కేజీలు
- ఫ్యూయెల్ ట్యాంక్ కెపాసిటీ : 4 లీటర్లు
TVS XL 100 Heavy Duty Price : ఇది 4 వేరియంట్లలో లభిస్తుంది. వాటి ధరలు ఎలా ఉన్నాయంటే?
- టీవీఎస్ 100 హెవీ డ్యూటీ కిక్ స్టార్ట్ ధర రూ.44,133 (ఎక్స్-షోరూం ధర) ఉంటుంది.
- టీవీఎస్ 100 హెవీ డ్యూటీ ఐ-టచ్ స్టార్ట్-ఎస్ఈ ధర రూ.50,043 (ఎక్స్-షోరూం ధర) ఉంటుంది.
- టీవీఎస్ 100 హెవీ డ్యూటీ ఐ-టచ్ స్టార్ట్ ధర రూ.57,801 (ఎక్స్-షోరూం ధర) ఉంటుంది.
- టీవీఎస్ 100 హెవీ డ్యూటీ విన్నర్ ఎడిషన్ ధర రూ.60,991 (ఎక్స్-షోరూం ధర) ఉంటుంది.
4. Okinawa Dual-100 : కెనటిక్ లూనాకు పోటీగా వచ్చిన ఎలక్ట్రిక్ బైక్ ఇది. ఈ కమర్షియల్ వెహికల్ సింగిల్ వేరియంట్లో మాత్రమే లభిస్తుంది.
- రేంజ్ - 129 కి.మీ/ ఛార్జ్
- బ్యాటరీ కెపాసిటీ - 3.12 కిలోవాట్
- టాప్ స్పీడ్ - 60 కి.మీ/ గంట
- మోటార్ పవర్ - 3 కిలోవాట్స్
- బ్యాటరీ వారెంటీ - 3 సంవత్సరాలు
- మోటార్ - బీఎల్డీసీ
Okinawa Dual-100 Price : మార్కెట్లో ఈ ఒకినావా డ్యూయల్-100 ధర సుమారుగా రూ.1,19,085 (ఎక్స్-షోరూం) ఉంటుంది.
5. Odysse Trot : భారతదేశంలో అందుబాటులో ఉన్న మరో కమర్షియల్ వెహికల్ ఒడిస్సే ట్రోట్. దీనిని మంచి యుటిలిటేరియన్ డిజైన్తో రూపొందించారు.
- రేంజ్ - 75 కి.మీ/ ఛార్జ్
- స్పీడ్ - 25 కి.మీ/ గంట
- కెర్బ్ వెయిట్ - 110 కేజీలు
- బ్యాటరీ ఛార్జింగ్ టైమ్ - 4 గంటలు
Odysse Trot Price : మార్కెట్లో ఈ ఒడిస్సే ట్రోట్ ధర సుమారుగా రూ.99,999 (ఎక్స్-షోరూం) ఉంటుంది.
వర్షాకాలంలో ఉపయోగపడే టాప్-10 కార్ & బైక్ డ్రైవింగ్ టిప్స్ ఇవే! - Monsoon Driving Tips
