Amazon Prime Recharge Plans Airtel : ప్రస్తుత రోజుల్లో ఓటీటీ ప్లాట్ఫామ్లకు ప్రత్యేకమైన ఆదరణ లభిస్తోంది. వీటిని క్యాష్ చేసుకునేందుకు టెలికాం సంస్థలు పోటీపడుతున్నాయి. ఇందుకోసం స్పెషల్ ప్రీపెయిడ్ ప్లాన్స్ను ఎప్పటికప్పుడు ఓటీటీ లవర్స్ కోసం మార్కెట్లోకి ప్రవేశపెడుతున్నాయి. ఈ నేపథ్యంలో ప్రముఖ మొబైల్ నెట్వర్క్ కంపెనీ భారతీ ఎయిర్టెల్ కూడా రెండు సరికొత్త ప్లాన్స్ను తమ యూజర్స్ కోసం అందుబాటులోకి తీసుకువచ్చింది. ప్రత్యేకంగా అమెజాన్ ప్రైమ్ వీడియో కంటెంట్ను కోరుకునే వారి కోసం వీటిని రూపొందించింది. వీటితో నచ్చినన్ని సినిమాలు, టీవీ షోలు చూడవచ్చు. అంతేకాకుండా అన్లిమిటెడ్ 5జీ డేటాను కూడా ఈ ప్లాన్స్ ద్వారా ఆస్వాదించవచ్చు. ఆ సూపర్ ప్లాన్స్ వివరాలు ఇప్పుడు తెలుసుకుందాం.
ఎయిర్టెల్ రూ.699 ప్లాన్
- రూ.699తో రీఛార్జ్ చేసుకుంటే, అన్లిమిటెడ్ వాయిస్ కాలింగ్, రోజుకు 3జీబీ డేటా, 100 smsలు లభిస్తాయి. దీని వ్యాలిడిటీ 56 రోజులు.
- ఈ ప్లాన్‌లో భాగంగా 56 రోజుల కాలపరిమితితో అమెజాన్ ప్రైమ్ సబ్‌స్క్రిప్షన్‌, అపరిమిత 5జీ డేటా, ఎయిర్టెల్ ఎక్స్‌ట్రీమ్‌ ప్లే, అపోలో 24/7 సర్కిల్‌, ఉచిత హలోట్యూన్స్‌, వింక్‌ మ్యూజిక్‌ మెంబర్షిప్ లాంటి అదనపు ఫీచర్లను ఎంజాయ్ చేయవచ్చు.
ఎయిర్టెల్ రూ.999 ప్లాన్
- రూ.999తో రీఛార్జ్ చేసుకుంటే- అన్లిమిటెడ్ వాయిస్ కాలింగ్, రోజుకు 2.5జీబీ డేటా, 100 smsలు లభిస్తాయి. దీని వ్యాలిడిటీ 84 రోజులు.
- 84 రోజుల కాలపరిమితితో అమెజాన్ ప్రైమ్ కంటెంట్ను ఎంజాయ్ చేయొచ్చు.
- ఎయిర్టెల్ ఎక్స్‌ట్రీమ్‌ ప్లే, రివార్డ్స్‌ మినీ సబ్‌స్క్రిప్షన్‌, అపోలో 24/7 సర్కిల్‌, ఉచిత హలోట్యూన్స్‌, వింక్‌ మ్యూజిక్‌ లాంటి బెనిఫిట్స్నూ పొందవచ్చు.
పోస్ట్‌పెయిడ్‌ ప్లాన్స్లోనూ అమెజాన్ ప్రైమ్ కంటెంట్
Amazon Prime Airtel Postpaid Plans : అమెజాన్ ప్రైమ్ కంటెంట్ను ఎంజాయ్ చేయాలనుకునే ఎయిర్టెల్ యూజర్లకు మరిన్ని ప్లాన్లు కూడా అందుబాటులో ఉన్నాయి. అయితే అవి పోస్ట్‌పెయిడ్‌ కేటగిరీకి చెందినవి. ఈ ప్లాన్స్ రూ.499 నుంచి రూ.1,199 వరకు అందుబాటులో ఉన్నాయి. ఈ పోస్ట్‌పెయిడ్‌ ప్లాన్స్ ద్వారా అన్లిమిటెడ్ 5జీ డేటా, అమెజాన్ ప్రైమ్ వీడియో సబ్‌స్క్రిప్షన్‌ను ఆస్వాదించవచ్చు.
పర్సనల్‌ లోన్‌ తీసుకోవాలా? - ఓవర్‌ డ్రాఫ్టా? - ఏది మంచిదో తెలుసా?
మైక్రోసాఫ్ట్ ఉద్యోగులకు ఫ్రీ ఫుడ్ & స్లీపింగ్ రూమ్స్ - వైరల్ వీడియో చూశారా?
