5 Star Rating Cars : మీ ఫ్యామిలీ కోసం మంచి కారు కొనాలని అనుకుంటున్నారా? సేఫ్టీ పరంగా ఎలాంటి ఢోకా ఉండకూడదా? అయితే ఇది మీ కోసమే. ప్రస్తుతం మార్కెట్లో 'భారత్ న్యూ కార్ అసెస్మెంట్ ప్రోగ్రామ్' (BNCAP) ద్వారా 5-స్టార్ రేటింగ్ పొందిన టాప్-10 కార్లపై ఓ లుక్కేద్దాం రండి.
1. Mahindra XUV 3X0 : ఈ మహీంద్రా కారును 2024 ఏప్రిల్లో అప్డేట్ చేశారు. ఫ్రెష్ డిజైన్తో పాటు, లేటెస్ట్ ఫీచర్లు ఎన్నింటినో దీనిలో పొందుపరిచారు. సేఫ్టీ పరంగా కూడా ఎన్నో కొత్త ఫీచర్లు తీసుకువచ్చారు. పెద్దవారితోపాటు, చిన్నపిల్లలు ప్రయాణించడానికి అనువుగా ఈ కారును తీర్చిదిద్దారు. ఇటీవల నిర్వహించిన క్రాష్ టెస్ట్లో ఈ మహీంద్రా కారు బీఎన్సీఏపీ 5-స్టార్ రేటింగ్ పొందింది. అందువల్ల కుటుంబంతో కలిసి భద్రంగా ప్రయాణించడానికి ఇది ఎంతో అనువుగా ఉంటుందని చెప్పవచ్చు.
- అడల్ట్ ఆక్యుపెంట్ ప్రొటక్షన్ - 5 స్టార్ (29.36/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (43/49)
ఈ మహీంద్రా కారులో స్టాండర్డ్గా 6 ఎయిర్బ్యాగ్లు ఉంటాయి. బ్లైండ్ వ్యూ మోనిటర్తో సహా 360 డిగ్రీ కెమెరా ఉంటుంది. హిల్ హోల్డ్ & హిల్ డిసెంట్ కంట్రోల్, ట్రాక్షన్ కంట్రోల్, రోల్-ఓవర్ మిటిగేషన్ సహా ఎలక్ట్రానిక్ స్టెబిలిటీ కంట్రోల్ (ఈఎస్సీ) ఉంటుంది. కనుక కొండ ప్రాంతాల్లో కూడా ఈ కారును సులువుగా డ్రైవ్ చేయవచ్చు. పార్క్ చేయవచ్చు. ఈ కారులో 3-పాయింట్ సీట్బెల్ట్లు ఇచ్చారు. పైగా అన్ని సీట్లకు సీట్ బెల్ట్ రిమైండర్స్ ఉంటాయి. అన్ని వీల్స్కు డిస్క్ బ్రేక్లు ఉంటాయి. ఈ మహీంద్రా కారులో అడాప్టివ్ క్రూయిజ్ కంట్రోల్, అటానమస్ బ్రేకింగ్, లేన్ కీప్ అసిస్ట్ లాంటి అడ్వాన్స్డ్ డ్రైవర్ అసిస్టెంట్ సిస్టమ్ (ADAS) ఉంది.
Mahindra XUV 3X0 Price : మార్కెట్లో ఈ మహీంద్రా కారు ధర సుమారుగా రూ.7.79 లక్షల నుంచి రూ.15.49 లక్షల వరకు ఉంటుంది.
2. Tata Nexon : ఫ్యామిలీ కోసం మంచి కారు కొనాలని అనుకునేవారికి టాటా నెక్సాన్ మంచి ఛాయిస్ అవుతుంది. ఎందుకంటే టాటా కార్స్ అంటేనే సేఫ్టీకి పెట్టింది పేరు. ఈ టాటా కార్స్ భద్రతాపరంగా, బిల్డ్ క్వాలిటీ పరంగా అద్భుతంగా ఉంటాయి. వాస్తవానికి మహీంద్రా ఎక్స్యూవీ 3X0కు మార్కెట్లో ఉన్న ప్రధాన పోటీదారుగా టాటా నెక్సాన్ ఉంది. ఈ టాటా నెక్సాన్ పెద్దలు, పిల్లలు అందరూ ప్రయాణించడానికి అనువుగా ఉంటుంది. దీనికి కూడా భారత్ ఎన్సీఏపీ 5 స్టార్ రేటింగ్ ఉంది.
- అడల్ట్ ఆక్యుపెంట్ ప్రొటక్షన్ - 5 స్టార్ (29.41/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (43.83/49)
టాటా నెక్సాన్ కారులో 6 ఎయిర్బ్యాగ్స్, ఎలక్ట్రానిక్ స్టెబిలిటీ కంట్రోల్, ఏబీఎస్ విత్ ఈబీడీ, ఐసోఫిక్స్ ఛైల్డ్ సీట్ యాంకరేజ్, రియర్ పార్కింగ్ సెన్సార్స్ ఉంటాయి. ఇక హయ్యర్ ఎండ్ నెక్సాన్లో అయితే 360 డిగ్రీ కెమెరా, బ్లాండ్ వ్యూ మోనిటర్, ఫ్రంట్ పార్కింగ్ సెన్సార్స్, టైర్ ప్రెజర్ మానిటరింగ్ సిస్టమ్ (TPMS) ఉన్నాయి. అయితే ఈ టాటా నెక్సాన్ కారులో ADAS లేదు.
Tata Nexon Price : మార్కెట్లో ఈ టాటా నెక్సాన్ కారు ధర సుమారుగా రూ.8 లక్షల నుంచి రూ.15.50 లక్షల వరకు ఉంటుంది.
3. Tata Punch EV : 2024లో లాంఛ్ అయిన టాటా పంచ్ ఈవీలో రెగ్యులర్ పంచ్ కారులోని సేఫ్టీ కిట్ కంటే మెరుగైన ఎక్విప్మెంట్ను పొందుపరిచారు. వాస్తవానికి ఈ కారు 5 స్టార్ రేటింగ్తో పాటు, హయ్యెస్ట్ సేఫ్టీ స్కోర్ కూడా సాధించింది. కనుక ఇది పెద్దలు, చిన్న పిల్లలు అందరూ భద్రంగా ప్రయాణించడానికి అనువుగా ఉంటుంది.
- అడల్ట్ ఆక్యుపెంట్ ప్రొటక్షన్ - 5 స్టార్ (31.46/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (45/49)
ఈ కారులో 6 ఎయిర్బ్యాగ్స్, 360 డిగ్రీ కెమెరా, ఈఎస్సీ, ఎలక్ట్రానిక్ పార్కింగ్ బ్రేక్ విత్ ఆటో హోల్డ్, బ్లైండ్ స్పాట్ వ్యూ మోనిటర్, హిల్ హోల్డ్ కంట్రోల్, హిల్ డిసెంట్ కంట్రోల్ ఉన్నాయి.
Tata Punch EV Price : మార్కెట్లో ఈ టాటా పంచ్ ఈవీ కారు ధర సుమారుగా రూ. 9.99 లక్షల నుంచి రూ.14.29 లక్షల వరకు ఉంటుంది.
4. Tata Curvv : మంచి కాంపాక్ట్ ఎస్యూవీ కొనాలని అనుకునేవారికి టాటా కర్వ్ అద్భుతంగా ఉంటుంది. ఈ కారు యూనిక్ డిజైన్తో, 5 స్టార్ రేటింగ్తో వస్తుంది.
- అడల్ట్ ఆక్యుపెంట్ ప్రొటక్షన్ - 5 స్టార్ (29.50/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (43.66/49)
కారులో స్టాండర్డ్గా 6 ఎయిర్బ్యాగ్స్, రియర్ పార్కింగ్ సెన్సార్స్, ఐసోఫిక్స్ ఛైల్డ్ సీట్ మౌంట్స్, ఈఎస్సీ ఉంటాయి. ఇంకా హయ్యర్ వేరియంట్లలో అయితే, 360 డిగ్రీ కెమెరా విత్ బ్లైండ్ వ్యూ మోనిటర్, ఫ్రంట్ పార్కింగ్ సెన్సార్స్, టీపీఎంఎస్, లెవల్-2 ADAS, లేన్ కీపింగ్ అసిస్ట్, అడాప్టివ్ క్రూయిజర్ కంట్రోల్, కొలిసన్ అవైడెన్స్ అసిస్ట్ ఉంటాయి.
Tata Curvv Price : మార్కెట్లో ఈ టాటా కర్వ్ కారు ధర సుమారుగా రూ.10 లక్షలు - రూ.19 లక్షల వరకు ఉంటుంది.
5. Mahindra Thar Roxx : 2024లో లాంఛ్ అయిన బెస్ట్ కార్లలో మహీంద్రా థార్ రోక్స్ ఒకటి. ఇది ఒక 3-డోర్ వెర్షన్. ఎక్కడా కాంప్రమైజ్ కాకుండా ఈ కారులో అన్ని సేఫ్టీ ఫీచర్లను పొందుపరిచారు. సేఫ్టీ టెస్ట్లో ఈ కారు 5 స్టార్ రేటింగ్ పొందింది. కనుక పెద్దలు, పిల్లలు అందరూ కలిసి ఈ కారులో భద్రంగా, హాయిగా ప్రయాణించవచ్చు.
- అడల్ట్ ఆక్యుపెంట్ ప్రొటక్షన్ - 5 స్టార్ (31.09/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (45/49)
ఈ థార్ రోక్స్ కారులో 6 ఎయిర్బ్యాగ్లు, ఈఎస్సీ, హిల్-హోల్డ్ కంట్రోల్, హిల్ డిసెంట్ కంట్రోల్, 360 డిగ్రీ కెమెరా, ఎలక్ట్రానిక్ పార్కింగ్ బ్రేక్ విత్ ఆటో హోల్డ్, ఆల్-వీల్ డిస్క్ బ్రేక్స్, టీపీఎంఎస్ ఉంటాయి. అలాగే దీనిలో లేన్ కీప్ అసిస్ట్, అడాప్ట్ క్రూయిజ్ కంట్రోల్ లాంటి లెవల్ 2 ఏడీఏఎస్ ఫీచర్లు కూడా ఉన్నాయి.
Mahindra Thar Roxx Price : మార్కెట్లో ఈ మహీంద్రా థార్ రోక్స్ కారు ధర సుమారుగా రూ.12.99 లక్షల నుంచి రూ.22.49 లక్షల వరకు ఉంటుంది.
6. Tata Nexon EV : నెక్సాన్ ఐసీఈ (ఇంటర్నల్ కంబస్చన్ ఇంజిన్) లాగానే ఈ నెక్సాన్ ఈవీ కూడా సేఫ్టీ పరంగా 5 స్టార్ రేటింగ్ పొందింది. అంతేకాదు ఐసీఈతో పోల్చితే, ఈ ఈవీ కారు హయ్యర్ స్కోర్ సాధించింది. కనుక పిల్లలు ప్రయాణించడానికి ఈ నెక్సాన్ ఈవీ కారు మరింత అనువుగా ఉంటుంది.
- అడల్ట్ ఆక్యుపెంట్ ప్రొటక్షన్ - 5 స్టార్ (29.86/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (44.95/49)
ఈ టాటా నెక్సాన్ ఈవీలో 6 ఎయిర్బ్యాగ్లు, ఎలక్ట్రానిక్ స్టెబిలిటీ కంట్రోల్, ఫ్రంట్ అండ్ రియర్ పార్కింగ్ సెన్సార్స్, ఐసోఫిక్స్ ఛైల్డ్-సీట్ మౌంట్స్, హిల్ హోల్డ్ కంట్రోల్, హిల్ డిసెంట్ కంట్రోల్, ఎలక్ట్రానిక్ పార్కింగ్ బ్రేక్ విత్ ఆటో హోల్డ్ లాంటి సేఫ్టీ ఫీచర్లు ఉన్నాయి.
Tata Nexon EV Price : మార్కెట్లో ఈ టాటా నెక్సాన్ ఈవీ కారు ధర సుమారుగా రూ.12.49 లక్షల నుంచి రూ.17.49 లక్షల వరకు ఉంటుంది.
7. Mahindra XUV 400 EV : మహీంద్రా కంపెనీ విడుదల చేసిన మరో సేఫెస్ట్ కారు ఇది. ఈ ఎలక్ట్రిక్ కారు కూడా 5 స్టార్ రేటింగ్ పొందింది. ఈ కారులో 6 ఎయిర్బ్యాగ్లు, ఎలక్ట్రానిక్ స్టెబిలిటీ ప్రోగ్రామ్ (ఈఎస్పీ), టైర్ ప్రెజర్ మోనిటరింగ్ సిస్టమ్ (టీపీఎంఎస్), హిల్ హోల్డ్ అసిస్ట్, రియర్ పార్కింగ్ కెమెరా ఉన్నాయి. బడ్జెట్ కాస్త ఎక్కువైనా, మంచి కారు కొనాలని అనుకునేవారికి ఈ మహీంద్రా కారు మంచి ఆప్షన్ అవుతుంది.
- అడల్ట్ ఆక్యుపెంట్ ప్రొటక్షన్ - 5 స్టార్ (30.38/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (43/49)
Mahindra XUV 400 EV Price : మార్కెట్లో ఈ మహీంద్రా కారు ధర సుమారుగా రూ.15.49 లక్షల నుంచి రూ.19.39 లక్షల వరకు ఉంటుంది.
8. Tata Curvv EV : ప్రస్తుతం మార్కెట్లో ఉన్న ఈవీ కార్లలో టాటా కర్వ్ ఈవీ భద్రతాపరంగా చాలా బాగుంటుందని చెప్పవచ్చు. 5 స్టార్ రేటింగ్ పొందిన ఈ కారులో 6 ఎయిర్బ్యాగ్లు, రియర్ పార్కింగ్ సెన్సార్స్, ఐసోఫిక్స్ సీట్ మౌంట్స్, ఈఎస్సీ ఉంటాయి. ఇక హయ్యర్ వేరియంట్స్లో అయితే 360 డిగ్రీ కెమెరా, ఫ్రంట్ పార్కింగ్ సెన్సార్స్, టైర్ ప్రజెర్ మోనిటరింగ్ సిస్టమ్ ఉంటాయి. అలాగే లేన్ కీపింగ్ అసిస్ట్, అడాప్టివ్ క్రూయిజ్ కంట్రోల్, కొలిజన్ అవైజెన్స్ అసిస్ట్ లాంటి లెవల్2 ఏడీఏఎస్ ఫీచర్లు కూడా దీనిలో ఉన్నాయి.
- అడల్ట్ ఆక్యుపెంట్ ప్రొటక్షన్ - 5 స్టార్ (30.81/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (44.83/49)
Tata Curvv EV Price : మార్కెట్లో ఈ టాటా కర్వ్ ఈవీ ధర సుమారుగా రూ.17.49 లక్షల నుంచి రూ.21.99 లక్షల వరకు ఉంటుంది.
9. Tata Harrier/ Safari : రేటు ఎంతైనా ఫర్వాలేదు కానీ సేఫ్టీ కచ్చితంగా ఉండాలని అనుకునేవారికి టాటా హారియర్, టాటా సఫారీ రెండూ మంచి ఆప్షన్స్ అవుతాయి. క్రాష్ టెస్ట్లో ఈ రెండు ఎస్యూవీ కార్లు భారత్ ఎస్సీఏపీతో పాటు గ్లోబల్ ఎన్సీఏపీ 5 స్టార్ రేటింగ్ పొందాయి. ఈ కార్లలో 7 ఎయిర్బ్యాగ్లు, ఎలక్ట్రానిక్ స్టెబిలిటీ కంట్రోల్ (ఈఎస్సీ), హిల్ అసిస్ట్, 360 డిగ్రీ కెమెరా, టీపీఎంఎస్, ఏడీఏఎస్ సహా బోలెడు సేఫ్టీ ఫీచర్లు ఉన్నాయి.
- అడల్ట్ ఆక్యుపెంట్ ప్రొటక్షన్ - 5 స్టార్ (30.08/32)
- ఛైల్డ్ ఆక్యుపెంట్ ప్రొటక్షన్ - 5 స్టార్ (44.54/49)
Tata Harrier Price : మార్కెట్లో ఈ టాటా హారియర్ కారు ధర సుమారుగా రూ.14.99 లక్షల - రూ.25.89 లక్షలు ఉంటుంది.
Tata Safari Price : మార్కెట్లో ఈ టాటా సఫారీ కారు ధర సుమారుగా రూ. 15.49 లక్షల - రూ.26.79 లక్షలు ఉంటుంది.
