Registration For New MPs : దిల్లీలోని పార్లమెంట్ హౌస్ కాంప్లెక్స్లో ఈ సార్వత్రిక ఎన్నికల్లో కొత్తగా గెలిచిన ఎంపీల రిజిస్ట్రేషన్ కోసం కౌంటర్లు ఏర్పాటయ్యాయి. ఈ రిజిస్ట్రేషన్ కౌంటర్లు జూన్ 5-14వ తేదీ వరకు ప్రతిరోజు ఉదయం 10 గంటల నుంచి రాత్రి 8 గంటల వరకు పనిచేస్తాయని లోక్సభ సెక్రటేరియట్ తెలిపింది. పేపర్ వినియోగాన్ని తగ్గించడం, ఎంపీలకు వసతులను అందించేందుకు ఆన్లైన్ ఇంటిగ్రేటెడ్ సాఫ్ట్వేర్ అప్లికేషన్ ద్వారా రిజిస్ట్రేషన్ ప్రక్రియ జరగనుంది. కొత్తగా ఎన్నికైన ఎంపీలు ఫిజికల్ ఫారంపై సంతకం చేయాల్సిన అవసరం లేదు. ఇలా డిజిటలైజ్డ్ రిజిస్ట్రేషన్ వల్ల సమయం ఆదా కానుంది.
గతంలో కొత్తగా ఎన్నికైన ఎంపీలు పాత పార్లమెంట్ భవనంలో రిజిస్ట్రేషన్లు పూర్తి చేసుకునేవారు. ఈ దఫా రిజిస్ట్రేషన్ ఏర్పాట్లను పార్లమెంట్ హౌస్ ఎనెక్స్లో ఏర్పాటు చేసింది లోక్సభ సెక్రటేరియట్. ఎన్నికల కమిషన్‌ వెబ్సైట్ను పరిశీలించి విజేతలైన అభ్యర్థుల వివరాలను సేకరించేందుకు ఓ బృందాన్ని ఏర్పాటు చేసింది. సాఫ్ట్వేర్ అప్లికేషన్ ద్వారా ఈ బృందం గెలిచిన ఎంపీ కొత్తగా ఎన్నికయ్యారా లేదంటే అంతకుముందు ఎన్నికల్లో విజయం సాధించారా అని చెక్ చేస్తుంది. ఈ సార్వత్రిక ఎన్నికల్లో కొత్తగా ఎన్నికైన ఎంపీలకు అధికారిక నివాసాలు కేటాయించే వరకు వెస్ట్రన్‌ కోర్టులో వసతి కల్పించనున్నారు. కొత్త ఎంపీల వసతి ఏర్పాట్లకు అవసరమైతే రాష్ట్ర భవనాలనూ కేటాయించే అవకాశం ఉంది.
ఎన్డీఏ వర్సెస్ ఇండియా కూటమి హోరాహోరీ
ఈ లోక్సభ ఎన్నికల్లో ఎన్డీఏకు ఇండియా కూటమి గట్టి పోటీ ఇచ్చింది. 2019తో పోలిస్తే ఎన్డీఏ సీట్లను తగ్గించగలిగింది. ఉత్తర్ప్రదేశ్, మహారాష్ట్రలో బీజేపీ భారీగా సీట్లను చేజార్చుకుంది. ఒడిశాలో మాత్రం బీజేపీ అధికార బీజేడీని తీవ్రంగా దెబ్బకొట్టి రాష్ట్రంలో అధిక ఎంపీ సీట్లను కైవసం చేసుకుంది. దిల్లీలో మరోసారి కమలం పార్టీ తన సత్తాను చాటింది. ఆప్ పంజాబ్లో మినహా మరెక్కడా పెద్దగా ప్రభావం చూపలేకపోయింది. అలాగే అఖిలేశ్ యాదవ్ నేతృత్వంలోని సమాజ్ వాదీ పార్టీ ఉత్తర్ప్రదేశ్ లో అదరగొట్టింది. అలాగే ఆంధ్రప్రదేశ్లో అధికార వైసీపీకి షాక్ ఇచ్చి టీడీపీ కూటమి భారీ విజయాన్ని సొంతం చేసుకుంది.
రాయల్ ఫ్యామిలీ కంచుకోట బద్దల్- మండిలో కంగనా రనౌత్ గ్రాండ్ విక్టరీ
కొత్తగా గెలిచిన ఎంపీలు వెంటనే ఆ పని చేయాలట! - lok sabha election results 2024
