Poland Girl Marry Tamil Boy : తమిళనాడుకు చెందిన ఓ యువకుడు పోలాండ్ యువతిని భారతీయ సంప్రదాయం ప్రకారం వివాహం చేసుకున్నాడు. ఉన్నత చదువుల కోసం తమిళనాడు నుంచి పోలాండ్కు వెళ్లిన ఆ యువకుడు స్థానిక యువతితో ప్రేమలో పడ్డాడు. మూడేళ్లుగా ప్రేమలో ఉన్న ఈ జంట తాజాగా పెద్ద అంగీకరంతో పెళ్లి చేసుకున్నారు. వీరి వాహనాన్ని చూసేందుకు చుట్టుపక్కల గ్రామాల నుంచి స్థానికులు భారీగా తరలివచ్చారు.
కృష్ణగిరి జిల్లాలోని కురియానపల్లి గ్రామానికి చెందిన రమశన్(33) ఉన్నత చదువుల కోసం కొన్నేళ్ల క్రితం పోలాండ్కు వెళ్లాడు. విద్యను పూర్తి చేసిన తర్వాత అక్కడే ఉన్న విల్లనోవా విశ్వవిద్యాలయంలో రీసెర్చ్ అసోసియేట్గా చేరాడు. అయితే చదువుకునే సమయంలోనే స్థానిక యువతి ఎవాలినా మెత్రా(30)తో ప్రేమలో పడ్డాడు. గత మూడేళ్లు నుంచి వీరిద్దరు ప్రేమించుకుంటున్నారు. మొదట్లో రమశన్ తన ప్రేమ విషయం తల్లిదండ్రులకు చెప్పగా వారు నిరాకరించారు. చివరకు ఇరు కుటుంబాలు వీరి పెళ్లికి అంగీకరచాయి. దీంతో భారత్లోనే వివాహం చేసుకోవాలని నిర్ణయించుకున్నారు. అందుకోసం ఇద్దరు ఇక్కడకు వచ్చి, వేప్పనపల్లిలోని ఓ ఫంక్షన్ హాలులో శనివారం నిశ్చితార్ధం చేసుకున్నారు. ఆదివారం(మే 5) తమిళ సంప్రదాయం ప్రకారం వివాహం చేసుకున్నారు. వధూవరులను చూసేందుకు చుట్టుపక్కల గ్రామాల నుంచి స్థానికులు పెద్ద సంఖ్యలో తరలివచ్చారు.
ఇన్స్టాలో పరిచయం - ప్రియుడి కోసం భారత్ వచ్చిన పోలాండ్ మహిళ
ఇలాంటి ఘటన ఇంతకుముందు కూడా జరిగింది. భారత్కు చెందిన యువకుడితో ప్రేమలో పడింది ఓ పోలాండ్ మహిళ. ప్రియుడి కోసం ఆరేళ్ల కుమార్తెతో కలిసి పోలాండ్ నుంచి గతేడాదిలో ఝార్ఖండ్ వచ్చింది. పోలాండ్కు చెందిన పోలాక్ బార్బరా(45) అనే మహిళకు, ఝార్ఖండ్లోని హజారీబాగ్ జిల్లాలోని ఖుత్రా గ్రామానికి చెందిన మహ్మద్ షాదాబ్ (35) 2021లో ఇన్స్టాగ్రామ్లో పరిచయమయ్యాడు. ఈ పరిచయం కాస్త ప్రేమగా మారింది. దీంతో వీరిద్దరూ వివాహం చేసుకోవాలని నిశ్చయించుకున్నారు. అయితే పోలాక్కు ఇప్పటికే వివాహమై ఆరేళ్ల కుమార్తె కూడా ఉంది. ఆ తర్వాత ఏం జరిగిందో తెలుసుకోవాలంటే ఈ లింక్పై క్లిక్ చేయండి.
