IRCTC Tirumala Tour Package : సాధారణ సమయంలోనే తిరుమలలో(Tirumala) రద్దీ ఎక్కువగా ఉంటుంది. ఇక సమ్మర్లో అంటారా.. పిల్లలకు సెలవులు ఉండడంతో ఆ శ్రీవారి దర్శనానికి భారీ సంఖ్యలో భక్తులు క్యూ కడతారు. ఇలాంటి టైమ్లో తిరుపతి వెళ్లాలంటే.. ప్రయాణ, దర్శన టికెట్లు దొరకడమూ కష్టమే. అందుకే, శ్రీవారి దర్శనం సులభతరం చేయడం కోసం.. IRCTC సరికొత్త ప్యాకేజీని తీసుకొచ్చింది. తక్కువ ధరలోనే.. విశ్రాంతి సదుపాయాలతో పాటు, ప్రత్యేక దర్శన టికెట్లూ ఈ టూర్ ప్యాకేజీలో లభిస్తాయి. ఇంతకీ ఈ టూర్ ఎప్పుడెప్పుడు అందుబాటులో ఉంటుంది? టికెట్ ధర ఎంత? వంటి వివరాలు ఈ స్టోరీలో తెలుసుకుందాం.
ఇండియన్‌ రైల్వే కేటరింగ్‌ అండ్‌ టూరిజం కార్పొరేషన్‌(IRCTC).. కాకినాడ నుంచి తిరుపతికి 'విజయ్ గోవిందం(Vijay Govindam)' పేరుతో ఈ స్పెషల్ టూర్ ప్యాకేజీని తీసుకొచ్చింది. ఈ టూర్ రెండు రాత్రులు, మూడు పగళ్లు సాగుతుంది. ఈ ప్యాకేజీలో భాగంగా తిరుమలతో పాటు తిరుచానూరు ఆలయాన్ని కూడా సందర్శించుకోవచ్చు. ప్రతీ శుక్రవారం ఈ టూర్ ప్యాకేజీకి సంబంధించిన రైలు అందుబాటులో ఉంటుంది. ఈ ప్యాకేజీని తీసుకున్న వారు.. సామర్లకోట, రాజమహేంద్రవరం, విజయవాడ, తెనాలి స్టేషన్లలో రైలు ఎక్కొచ్చు.
టూర్ కొనసాగనుందిలా..
- ఈ టూర్లో భాగంగా మొదటిరోజు కాకినాడ టౌన్‌ నుంచి బయల్దేరే శేషాద్రి ఎక్స్ప్రెస్ (ట్రైన్‌ నం- 17210) రాత్రి 10:50 గంటలకు విజయవాడ రీచ్ అవుతుంది.
- రెండో రోజు మార్నింగ్ 5:10 గంటలకు తిరుపతి చేరుకుంటారు. అక్కడ ముందుగా బుక్ చేసిన హోటల్‌కు తీసుకెళ్తారు. ఫ్రెషప్ అయ్యి బ్రేక్ఫాస్ట్ చేసి తిరుమలకు బయల్దేరుతారు. స్పెషల్ దర్శనం టికెట్లతో స్వామి వారిని దర్శించుకుంటారు.
- అనంతరం తిరుచానూరుకు పయనమవుతారు. అక్కడ పద్మావతీ అమ్మవారిని దర్శించుకుంటారు. అనంతరం తిరుపతి రైల్వే స్టేషన్కు చేరుకుంటారు.
- అదే రోజు రాత్రి 10:30 గంటలకు రైలు (తిరుమల ఎక్స్ప్రెస్ ట్రైన్‌ నం.17487)లో తిరుగు పయనమవుతారు. మూడో రోజు ఆయా స్టేషన్లు చేరుకోవడంతో ఈ టూర్ ప్యాకేజీ ముగుస్తుంది.
శ్రీవారి దర్శనానికి వెళ్తున్నారా? తిరుమల కొండపై ఈ 5 తప్పులు చేయకండి!
ప్యాకేజీ ధరల వివరాలు (ఒకరికి) :
- కంఫర్ట్‌లో(థర్డ్‌ ఏసీ బెర్త్‌) సింగిల్ షేరింగ్కు రూ.5,850, ట్విన్, ట్రిపుల్‌ షేరింగ్కు రూ.4,720 చెల్లించాల్సి ఉంటుంది. అదే.. 5-11 ఏళ్ల చిన్నారులకు విత్ బెడ్‌, విత్ అవుట్ బెడ్‌కు రూ.3,810 కట్టాలి.
- అదే.. స్టాండర్డ్‌లో(స్లీపర్‌ బెర్త్‌), రూమ్‌ సింగిల్ షేరింగ్కు అయితే రూ.4,690, ట్విన్, ట్రిపుల్‌ షేరింగ్కు రూ.3,560 చెల్లించాలి. 5-11 ఏళ్ల చిన్నారులకు విత్ బెడ్‌, విత్ అవుట్ బెడ్‌కు రూ.2,650 కట్టాలి.
- ఇక టూర్ ప్యాకేజీ బుక్ చేయడానికి పర్యాటకులు https://www.irctctourism.com/ వెబ్‌సైట్ ఓపెన్ చేసి.. అందులో Vijay Govindam లింక్ పైన క్లిక్ చేసి ముందుగా వివరాలన్నీ పూర్తిగా చదవాలి. ఆ తర్వాత మీరు ప్యాకేజీని బుక్ చేసుకోండి.
గుర్తుంచుకోవాల్సిన కొన్ని విషయాలు :
- పర్యాటక ప్రదేశంలో ఎక్కడైనా ప్రవేశ రుసుములు ఉంటే అవి భక్తులే చెల్లించుకోవాల్సి ఉంటుంది.
- ఒక రోజు బ్రేక్ఫాస్ట్ మాత్రమే ఐఆర్సీటీసీ చూసుకుంటుంది.
- టూర్ గైడ్, ట్రావెల్ ఇన్సూరెన్స్ సదుపాయం ఉంటుంది.
- ఇకపోతే తిరుమలలో శ్రీవారిని దర్శించుకోవాలంటే తప్పనిసరిగా సంప్రదాయ దుస్తులు ధరించాల్సి ఉంటుందని విషయాన్ని గుర్తుంచుకోవాలి.
అరుణాచల దర్శనానికి ప్లాన్ చేస్తున్నారా? - స్పెషల్ టూర్ ప్యాకేజీ ప్రకటించిన తెలంగాణ టూరిజం!
