How To Make Meal Maker Kurma : ఇంట్లో కూరగాయలు ఏం లేకపోతే చాలా మంది మీల్మేకర్లతో కర్రీ వండుకుంటారు. ముఖ్యంగా బ్యాచిలర్స్కు ఫేవరెట్. కారణం.. దీనితో ఏది చేసినా నిమిషాల్లో రెడీ అవుతుంది. అంతేనా టేస్ట్ కూడా అద్దిరిపోతుంది. అయితే మీల్మేకర్లతో ఎప్పుడూ ఒకటే రకం కాకుండా.. ఈసారి కాస్త కొత్తగా కుర్మా ట్రై చేయండి. టేస్ట్ సూపర్గా ఉంటుంది. ఈ మీల్మేకర్ కుర్మా వేడివేడి అన్నంలోకి, పూరీ, చపాతీ, పరోటాల్లాంటివాటికి సూపర్గా ఉంటుంది. మరి లేట్ లేకుండా ఈ రెసిపీ ఎలా తయారు చేయాల్లో చూసేద్దాం..
మీల్మేకర్ కుర్మా తయారు చేయడానికి కావాల్సిన పదార్థాలు :
- మీల్మేకర్ -కప్పు
- ఉప్పు- (రుచికి సరిపడా)
- యాలకులు -4
- లవంగాలు -4
- మిరియాలు -అర టీస్పూన్
- వెల్లులి -5
- దాల్చిన చెక్క - చిన్నది
- చిన్న ముక్క -అల్లం
- ఉల్లిపాయలు- 2
- పచ్చిమిర్చి -2
కుర్మా కోసం :
- నూనె- 4 టేబుల్స్పూన్లు
- పసుపు -అర టీస్పూన్
- బిర్యానీ ఆకు - 2
- యాలకులు 2
- లవంగాలు -2
- దాల్చిన చెక్క- చిన్నది
- పచ్చిమిర్చి- 2
- కరివేపాకు రెమ్మలు- 2
- కారం-టేబుల్స్పూన్
- టమాట పేస్ట్- కప్పు
- ధనియాల పొడి -టీస్పూన్
- వేయించిన జీలకర్ర పొడి -టీస్పూన్
- గరం మసాలా- పావు టీస్పూన్
- నీళ్లు -కొద్దిగా
- చిలికిన పెరుగు -అరకప్పు
- కొత్తిమీర- కొద్దిగా
- నిమ్మరసం -టేబుల్స్పూన్
- కసూరీ మేథీ -టేబుల్స్పూన్
మీల్మేకర్ కుర్మా తయారీ విధానం :
- ముందుగా ఒక గిన్నెలో మీల్ మేకర్ వేసి.. అందులో వేడి నీళ్లు, కొద్దిగా ఉప్పు వేసి కలిపి 15 నిమిషాలు అలాగే ఉంచాలి.
- తర్వాత మిక్సీ జార్లో యాలకులు, లవంగాలు, దాల్చినచెక్క, మిరియాలు, వెల్లుల్లి రెబ్బలు, అల్లం ముక్క, బిర్యానీ ఆకు, ఉల్లిపాయ ముక్కలు, పచ్చిమిర్చి వేసి మెత్తగా గ్రైండ్ చేసుకోవాలి.
- ఇప్పుడు వేడి నీళ్లలో నానబెట్టుకున్న మీల్మేకర్లలోని గట్టిగా పిండి.. వాటిని ఒక ప్లేట్లో పక్కన పెట్టుకోవాలి.
- ఇప్పుడు స్టౌపై పాన్ పెట్టుకుని అందులో ఆయిల్ వేసి.. నీరు పిండుకున్న మీల్ మేకర్ వేసి, కొద్దిగా పసుపు వేసి.. ఒక నిమిషం పాటు వేయించుకుని పక్కన పెట్టుకోండి.
- అదే పాన్లో కొద్దిగా ఆయిల్ పోసుకుని బిర్యానీ ఆకు, దాల్చినచెక్క, యాలకులు, పచ్చిమిర్చి చీలికలు, కరివేపాకు వేసి ఫ్రై చేయండి. అలాగే గ్రైండ్ చేసుకున్న ఉల్లిపాయ మిశ్రమం వేసి సన్నని మంట మీద నూనె పైకి తేలేెంతవరకు ఫ్రై చేసుకోవాలి.
- తర్వాత టమాట పేస్ట్ వేసి కలపండి. టమాటా పేస్ట్ మగ్గిన తర్వాత ఇందులో రుచికి సరిపడా ఉప్పు, పసుపు, కారం, గరం మసాలా, ధనియాల పొడి, వేయించిన జీలకర్ర పొడి వేసి, కొన్ని నీళ్లు పోసి మసాలాలు మగ్గేంతవరకు కలుపుకోవాలి.
- తర్వాత ఫ్రైడ్ మీల్ మేకర్ వేసి.. ఒ కప్పు నీళ్లు పోసి 10 నిమిషాలు ఉడికించుకోండి.
- తర్వాత చిలికిన పెరుగు వేసి కలపండి. తర్వాత మూత పెట్టి మరో 5 నిమిషాలు ఉడికించుకుంటే సరిపోతుంది.
- తర్వాత కొద్దిగా కొత్తిమీర, నిమ్మరసం, కసూరీ మేథి వేసుకుంటే సరిపోతుంది.
- నోరూరించే మీల్ మేకర్ కుర్మా రెడీ. మరి మీరు కూడా ఇంట్లో ఒకసారి ట్రై చేయండి!
ఇవి కూడా చదవండి :
నిమిషాల్లో ప్రిపేర్ అయ్యే 'పెసరపప్పు చారు'- ఇలా చేస్తే టేస్ట్ నెక్ట్స్ లెవల్ అంతే!
మన పెద్దలు తిన్న 'చల్ది అన్నం' - అనేక రోగాలకు దివ్య ఔషధం - ఇలా ప్రిపేర్ చేసుకోండి!
