How To Make Green Chutney : చాలా మందికి సాయంత్రం కాగానే ఏదైనా స్నాక్ ఐటమ్ తినాలనిపిస్తుంది. అలాగే పిల్లలు కూడా స్కూల్ నుంచి ఇంటికి తిరిగి వచ్చిన తర్వాత.. ఏదైనా స్నాక్ ఐటమ్ చేసి పెట్టమని మమ్మీ కోరుతుంటారు. పిల్లల మాటలు కాదనలేక పకోడీలు, శాండ్‌విచ్‌లు, బజ్జీల వంటివి ఏదో ఒకటి ప్రిపేర్ చేస్తుంటారు. అయితే.. స్నాక్ ఐటమ్స్ ఏవైనా కూడా గ్రీన్ చట్నీ కాంబినేషన్తో తింటే టేస్ట్ అద్దిరిపోతుంది. కానీ.. చాలా మందికి ఈ గ్రీన్ చట్నీ చేయడం రాదు. ఇది చేయడానికి ఏ పదార్థాలు వాడతారోనని అనుకుంటుంటారు. అయితే.. సింపుల్గా గ్రీన్ చట్నీ రెసిపీని ఎలా చేయాలి? దీనికి కావాల్సిన పదార్థాలు ఏంటి? అనేది ఇప్పుడు చూద్దాం.
గ్రీన్ చట్నీ తయారీకి కావాల్సిన పదార్థాలు :
- పాలకూర - కట్ట
- పుదీనా - 5 కట్టలు
- కొత్తిమీర - 5 కట్టలు
- పెరుగు- కప్పు
- చాట్ మసాలా - టేబుల్స్పూన్
- ఉప్పు- రుచికి సరిపడా
- నిమ్మరసం - 2 టేబుల్స్పూన్లు
- పచ్చిమిర్చి-3
గ్రీన్ చట్నీని ఎలా తయారు చేయాలో ఇప్పుడు చూద్దాం :
- ముందుగా కొత్తిమీర, పుదీనా ఆకులను తెంపి.. రెండు లేదా మూడు సార్లు శుభ్రంగా కడగాలి.
- అలాగే పాలకూరను కూడా శుభ్రం చేసుకోవాలి.
- తర్వాత ఒక గిన్నెలో నీటిని వేడిచేసి అందులో పాలకూరను వేసి రెండు నిమిషాల సేపు అలా ఉంచాలి. తర్వాత పాలకూరను తీసి చల్లటి నీళ్లలో ముంచి పక్కన పెట్టుకోవాలి.
- పుదీనా, కొత్తిమీర ఆకులను కూడా అదే విధంగా చేసి పక్కన పెట్టుకోవాలి.
- తర్వాత ఒక మిక్సీ జార్లో పాలకూర, పుదీనా, కొత్తిమీర ఆకులను వేయాలి. రుచికి సరిపడా ఉప్పు, పచ్చిమిర్చిలు, కొద్దిగా చాట్ మాసాలా, నిమ్మరసం యాడ్ చేసి మెత్తగా గ్రైండ్ చేయాలి.
- తర్వాత పెరుగు వేసి మరొకసారి గ్రైండ్ చేసుకోవాలి. ఇలా పెరుగు యాడ్ చేసుకోవడం వల్ల గ్రీన్ చట్నీ చిక్కగా, ఫ్రెష్గా ఎంతో రుచిగా ఉంటుంది.
- ఇంతే.. ఈ చట్నీని ఒక గిన్నెలోకి తీసుకుని పకోడీలు, శాండ్‌విచ్‌లతో కలిపి తింటే రుచి ఎంతో అద్భుతంగా ఉంటుంది.
- ఈ గ్రీన్ చట్నీ టేస్ట్ బాగుండడంతోపాటు, ఆరోగ్యానికి కూడా ఎంతో మంచిది. మీరు కూడా గ్రీన్ చట్నీ రెసిపీని ఇంట్లో ట్రై చేయండి!
ఇవి కూడా చదవండి :
టిఫెన్ సెంటర్ రుచిలో "అల్లం చట్నీ" - పదే పది నిమిషాల్లో ఇలా ప్రిపేర్ చేసుకోండి!
టిఫిన్ సెంటర్ రుచిలో 'టమాట పుదీనా' చట్నీ - ఇలా చేస్తే నిమిషాల్లో రెడీ!
