కుళాయి రిపేర్..
మనందరి ఇళ్లలో కుళాయిలు ఉంటాయి. ఇవి కొంత కాలానికి పాడైపోతుంటాయి. వాటర్‌ లీక్‌ అవుతూ ఉంటుంది. అందువల్ల కుళాయి రిపేర్ నేర్చుకోవాలి. దీనికి కంటింగ్ ప్లేయర్ అవసరం పడొచ్చు.. ఒకటి కొని ఉంచండి. అది చాలా పనులకు అవసరమవుతుంది.
డోర్‌నాబ్‌ను టైట్‌ చేయడం..
ఒక్కోసారి గది తలుపులకు ఉండే డోర్‌నాబ్‌ లూజ్‌ అవుతుంటుంది. ఇంత చిన్న విషయానికి ఎవరినీ పిలవలేము. ఇంట్లో స్కూడ్రైవర్‌ ఉంటే మనమే టైట్‌గా ఫిట్‌ చేసుకోవచ్చు. కాబట్టి.. ఒక స్క్రూడ్రైవర్ కొనుగోలు చేయండి.
సింక్‌ క్లీన్ చేయడం..
కొన్నిసార్లు ఆహార పదార్థాలు సింక్‌ పైపులో ఇరుక్కుపోవడం వల్ల నీళ్లు వెళ్లకుండా ఉంటాయి. అలాంటప్పుడు సింక్‌ శుభ్రం చేయడం రావాలి.
సీలింగ్ ఫ్యాన్ బిగించడం..
ఇంట్లో ఉండే సీలింగ్ ఫ్యాన్‌లు ఎప్పుడో ఒకప్పుడు రిపేర్కు వస్తూనే ఉంటాయి. లేదంటే.. కొత్త ఇంట్లోకి కిరాయికి వెళ్లినప్పుడో, కొత్త ఫ్యాన్ కొనుగోలు చేసినప్పుడో.. ఫ్యాన్ బిగించాల్సి ఉంటుంది. కండెన్సర్ పవర్ పోవడం వల్ల కూడా ఫ్యాన్ సరిగా తిరగదు.. దానికి మెకానిక్ అవసరం లేదు. షాపులోంచి తెచ్చి మనమే సెట్ చేయొచ్చు. ఈ పని అందరికీ తెలిసి ఉండాలి.
పగిలిన టైల్స్‌ను రిపేర్ చేయడం..
కొన్ని సార్లు ఏదైన బలమైన వస్తువు టైల్స్‌పై పడటం వల్ల అవి దెబ్బతింటాయి. అవి మరింత డ్యామేజ్‌ కాకుండా ఫిక్స్ చేయగలగాలి.
సీలింగ్ మరకలు తొలగించడం..
ఇళ్లకు కొత్తగా పెయింట్‌ వేసే ముందు సీలింగ్‌కు ఉన్న మరకలను తొలగించడం చాలా ముఖ్యం. కొంత బ్లీచింగ్ పౌడర్‌ను ఉపయోగించి వాటిని తొలగించ వచ్చు.
స్వెట్టర్ కుట్టడం..
చలికాలంలో మనల్ని చలి నుంచి రక్షించే స్వెట్టర్లు.. వివిధ కారణాల వల్ల కుట్లు ఊడిపోతుంటాయి. సూది సహాయంతో స్వెట్టర్ కుట్టుకోవచ్చు. దానికోసం టైలర్ వద్దకు వెళ్లాల్సిన అవసరం లేదు. అలాగని వదిలేస్తే మరింతగా చిరిగిపోతుంది.
కిటికీలు, తలుపులు..
రెడీమెడ్‌ కిటికీలు, తలుపులకు ఉండే రబ్బర్‌ స్ట్రిప్‌లు ఎక్కువ కాలం ఉండవు. వీటిని అప్పుడప్పడూ మార్చాల్సి ఉంటుంది. దీన్ని చేయడం నేర్చుకుంటే మనమే ప్లంబర్‌ సహాయం లేకుండా మార్కెట్లో దొరికే రబ్బర్‌ స్ట్పిప్‌లను ఫిక్స్ చేసుకోవచ్చు. అదేవిధంగా.. తలుపులు, కుర్చీల మేకులు ఊడిపోవడం వంటివి జరుగుతుంటాయి. వాటిని ఫిక్స్ చేయడం నేర్చుకోవాలి.
కరెంట్‌ రిపేర్లు..
ఇంట్లో స్విచ్ బోర్డుకు కొత్త స్విచ్చులు ఏర్పాటు చేయడం.. పవర్ కనెక్షన్ ఇవ్వడం వంటివి నేర్చుకోవాలి. లేదంటే.. ప్రతి చిన్న విషయానికీ ఎలక్ట్రీషియన్‌ను పిలవాల్సి ఉంటుంది. అనవసరంగా డబ్బులు ఖర్చు చేయాల్సి ఉంటుంది.
షర్ట్ బటన్..
మనకు ఇష్టమైన కొత్త షర్ట్ బటన్స్ ఊడిపోయినా.. ఏదైనా చిరుగుపడినా.. చాలా బాధగా ఉంటుంది. అందువల్ల బటన్ పెట్టడం, చిరిగిపోయిన దగ్గర చక్కగా స్టిచ్ చేయడం నేర్చుకోవాలి. ఈ పని తరచూ ఉపయోగపడుతూనే ఉంటుంది.
టాయిలెట్ క్లీనింగ్..
చాలామంది టాయిలెట్ను క్లీన్ చేయడానికి సిగ్గు పడుతుంటారు. అది మన పనికాదని, ఇంట్లో పెద్దవాళ్లపనే.. అది కూడా ఆడవాళ్ల పనే అనుకుంటారు. కానీ.. అది సరికాదు. టాయిలెట్ను మురికి చేయడంలో మన పాత్ర ఉన్నప్పుడు.. దాన్ని క్లీన్ చేయడంలో కూడా తప్పకుండా ఉండాలి.
పైన చెప్పిన పనులు నేర్చుకోవడానికి ప్రత్యేకంగా ఎక్కడికి వెళ్లాల్సిన పనిలేదు. మన ఇంట్లో పెద్దలకు చాలా పనులు తెలిసి ఉంటాయి. వాళ్లను అడిగితే సరిపోతుంది. లేదంటే.. యూట్యూబ్ వంటి ప్లాట్ ఫామ్స్ ద్వారా కూడా నేర్చుకోవచ్చు.
బాత్‌రూమ్‌ టైల్స్‌ మురికిగా మారాయా ? ఈ నేచురల్ క్లీనర్స్తో మెరుపు గ్యారంటీ!
మెట్ల కింద వీటిని ఉంచుతున్నారా? ఈ నష్టాలు తప్పవట!
టూర్ వెళ్తే ఈ టిప్స్ పాటించాల్సిందే - లేదంటే జేబు ఖాళీ అయిపోతుంది!
