ఝార్ఖండ్​ ముఖ్యమంత్రిగా హేమంత్​ సోరెన్​ ప్రమాణ స్వీకారం - Hemant Soren Sworn As Jharkhand CM

Hemant Soren Sworn In As Jharkhand CM : ఝార్ఖండ్​ 13వ ముఖ్యమంత్రిగా హేమంత్​ సోరెన్ గురువారం ప్రమాణస్వీకారం చేశారు. చంపయీ సోరెన్ సీఎంగా రాజీనామా చేసిన నేపథ్యంలో హేమంత్​ సోరెన్​ను సభాపక్ష నేతగా కూటమి నేతలు ఏకగ్రీవంగా ఎన్నుకున్నారు.

Hemant Soren Sworn In As Jharkhand CM : ఝార్ఖండ్​ 13వ ముఖ్యమంత్రిగా హేమంత్​ సోరెన్ గురువారం ప్రమాణస్వీకారం చేశారు. రాష్ట్ర గవర్నర్ సీపీ రాధాకృష్ణన్ సోరెన్ చేత ప్రమాణం చేయించారు.
అంతకుముందు గవర్నర్​, ప్రభుత్వ ఏర్పాటుకు హేమంత్​ సోరెన్​ను ఆహ్వానించారు. తేదీ, సమయం చెప్పాలని కోరారు. అయితే ముందుగా జులై 7న హేమంత్​ సోరెన్​ ప్రమాణ స్వీకారం చేస్తారని ఓ జేఎమ్​ఎమ్​ నేత తెలిపారు. అనంతరం గురువారమే హేమంత్ ప్రమాణ స్వీకారం చేస్తారని కాంగ్రెస్​ రాష్ట్ర అధ్యక్షుడు రాజేశ్​ ఠాకూర్ చెప్పారు.

JMM executive president and former CM Hemant Soren takes oath as the Chief Minister of Jharkhand, at Raj Bhavan in Ranchi.

Governor CP Radhakrishnan administers him the oath to office. pic.twitter.com/EIvBn2eMTk

— ANI (@ANI) July 4, 2024

హేమంత్​ సోరెన్​ జైలు నుంచి విడుదలైన నేపథ్యంలో, బుధవారం ఉదయం జేఎమ్​ఎమ్​ సారథ్యంలోని కూటమి ఎమ్మెల్యేలంతా చంపయీ సోరెన్‌ నివాసంలో సమావేశమయ్యారు. హేమంత్‌ సోరెన్‌ను సభాపక్ష నేతగా ఏకగ్రీవంగా ఎన్నుకున్నారు. హేమంత్​ కొత్త ముఖ్యమంత్రిగా పగ్గాలు చేపట్టేందుకు వీలుగా ప్రస్తుత సీఎం చంపయీ సోరెన్, గవర్నర్​ను కలిసి రాజీనామా లేఖ అందజేశారు. అనంతరం హేమంత్​ సోరెన్​,​ ప్రభుత్వ ఏర్పాటుకు తమను ఆహ్వానించాలని గవర్నర్​ను కోరారు.