FIR Against National Hockey Player : భారత హాకీ జట్టు ఆటగాడు, అర్జున అవార్డు గ్రహీత వరుణ్ కుమార్ చిక్కుల్లో పడ్డాడు. వివాహం చేసుకుంటానని నమ్మించి మోసం చేశాడంటూ హైదరాబాద్కు చెందిన ఓ యువ క్రీడాకారిణి కేసు పెట్టింది. కర్ణాటక బెంగళూరులోని జ్ఞానభారతి పోలీస్ స్టేషన్లో అతడిపై కేసు నమోదైంది.
ఇదీ జరిగింది
హైదరాబాద్కు చెందిన ఓ యువతి వాలీబాల్ క్రీడాకారిణి. ఆమె 2016-17 సమయంలో స్పోర్ట్స్ అథారిటీ ఆఫ్ ఇండియా సౌత్ డివిజన్ ఇచ్చే శిక్షణకు ఎంపిక అయ్యింది. ఆ సమయంలో హాకీ ఆటగాడు వరుణ్ కుమార్ సోషల్ మీడియాలో పరిచయం అయ్యాడు. ఈ క్రమంలోనే వారి మధ్య స్నేహం పెరిగి ప్రేమగా మారింది. 2019లో జయనగర్కు రాత్రి డిన్నర్కు తీసుకెళ్లి లైంగికంగా సంబంధం పెట్టుకున్నాడంటూ ఫిర్యాదులో పేర్కొంది. ఆ తర్వాత కూడా పెళ్లి చేసుకుంటానని నమ్మిస్తూ దాదాపు ఐదేళ్ల పాటు సంబంధాన్ని కొనసాగించాడని తెలిపింది. గతేడాది తన తండ్రి మరణించినప్పుడు వచ్చి వెళ్లాడని, ఆ తర్వాత తప్పించుకుని తిరుగుతున్నాడంటూ పోలీసులకు ఫిర్యాదు చేసింది. దీనిపై కేసు నమోదు చేసుకున్న పోలీసులు దర్యాప్తు చేపట్టారు.
హిమాచల్ ప్రదేశ్కు చెందిన వరుణ్ కుమార్, ప్రస్తుతం భారత హాకీ జట్టులో డిఫెండర్గా కొనసాగుతున్నాడు. 2017లో ఇండియన్ టీమ్లోకి ఎంట్రీ ఇచ్చిన అతడు, 2022లో జరిగిన బర్మింగ్హమ్ కామన్వెల్త్ గేమ్స్లో రజతం గెలిచిన జట్టులో సభ్యుడు. 2020 టొక్యో ఒలింపిక్స్లో కాంస్యం, ఆ తర్వాత 2022 ఆసియా గేమ్స్లో స్వర్ణ పతకాన్ని సాధించిన జట్టులో ఉన్నాడు. ఇతడికి హిమాచల్ ప్రదేశ్ ప్రభుత్వం రూ. కోటి రివార్డు సైతం ప్రకటించింది. క్రీడా రంగంలో అతడి సేవలకు గాను కేంద్రం 2021లో అర్జున అవార్డును ఇచ్చింది.
రేప్ కేసులో నేపాల్ క్రికెట్ టీమ్ మాజీ కెప్టెన్
ఇటీవలె నేపాల్ క్రికెట్ టీమ్ మాజీ కెప్టెన్ సందీప్ లామిచ్చెన్‌ సైతం ఓ మైనర్పై అత్యాచారం కేసులో దోషిగా తేలాడు. గతేడాది ఆగస్టులో కాఠ్ మాండూలోని ఓ హోటల్లో సందీప్ తనపై అత్యాచారానికి పాల్పడ్డాడంటూ ఓ మైనర్ బాలిక కోర్టును ఆశ్రయించింది. దీంతో కొన్నాళ్ల కేసు నమోదు చేసుకున్న పోలీసులు దర్యాప్తు చేపట్టి కోర్టులో హాజరుపరిచారు. గతేడాది నవంబర్లో అతడ్ని జైలుకు తరలించాలని కోర్టు ఆదేశించింది. అయితే హై కోర్టుకు వెళ్లి సందీప్ బెయిల్ తెచ్చుకున్నాడు. కాగా, తాజాగా కోర్టు అతడ్ని దోషిగా నిర్ధరించింది. పూర్తి వార్త కోసం ఇక్కడ క్లిక్ చేయండి
