Easy Tips To Clean Greasy Utensils : మనం రకరకాల కూరలు చేసినప్పుడు గిన్నెలు, కడాయిలు ఎక్కువ జిడ్డు పట్టేస్తుంటాయి. ఆ పాత్రలకు పట్టిన జిడ్డును వదిలించలేక నానా అవస్థలు పడుతుంటారు మహిళలు. కారణం.. జిడ్డు మరకలు ఎంత తోమినా ఓ పట్టాన వదలవు! మరి మీరూ ఇలాంటి ప్రాబ్లమ్ను ఫేస్ చేస్తున్నారా? అయితే నో టెన్షన్. ఈ నేచురల్ టిప్స్తో ఈజీగా గిన్నెల(Utensils)కు పట్టిన జిడ్డును వదిలించుకోవచ్చంటున్నారు నిపుణులు. మరి, అవేంటో ఈ స్టోరీలో తెలుసుకుందాం.
బ్లీచింగ్ పౌడర్ : వంట చేసేటప్పుడు పాత్రలు, కుక్కర్లు మాడి అడుగు పట్టేస్తుంటాయి. ఇలాంటి టైమ్లో వాటిని క్లీన్ చేయడం అంత సులభమైన పనికాదు! కానీ, అలాంటి వాటినీ ఈజీగా క్లీన్ చేసుకోవచ్చంటున్నారు నిపుణులు. ఇందుకోసం టబ్ నీళ్లల్లో కప్పు బ్లీచింగ్ పౌడర్ కలిపి.. అందులో అడుగంటిన పాత్రల్ని అరగంట సేపు నానబెట్టాలి. ఆపై స్క్రబ్బర్‌తో తోముకుంటే సరిపోతుందంటున్నారు నిపుణులు.
నిమ్మరసం : నిమ్మరసం ఆరోగ్యానికే కాదు.. పాత్రల జిడ్డు వదిలించడంలో చాలా బాగా పనిచేస్తుందంటున్నారు నిపుణులు. ఇందుకోసం ముందుగా కొద్దిగా నిమ్మరసం లేదా నిమ్మ చెక్కల పేస్టు తీసుకొని జిడ్డు ఎక్కువ ఉన్న గిన్నెలపై అప్లై చేయాలి. పావుగంట అలాగే ఉంచి ఆపై మెత్తని పీచు లేదా బ్రష్తో స్క్రబ్ చేసి కడిగితే సరిపోతుంది. నిమ్మలోని ఆమ్ల గుణాల కారణంగా పాత్రలపై ఉన్న జిడ్డు మరకలు ఈజీగా తొలగిపోతాయంటున్నారు.
2019లో 'జర్నల్ ఆఫ్ ఫంక్షనల్ ఫుడ్'లో ప్రచురితమైన ఒక నివేదిక ప్రకారం.. నిమ్మరసంలోని సిట్రిక్ ఆమ్లం పాత్రల జిడ్డును తొలగించడంలో సమర్థవంతంగా పనిచేస్తుందని కనుగొన్నారు. ఈ పరిశోధనలో స్పెయిన్‌లోని ముర్సియా విశ్వవిద్యాలయంలో పోషకాహార విభాగంలో ప్రొఫెసర్ "డాక్టర్ మారియా డి లాస్ డాల్లోస్ కాసి" పాల్గొన్నారు. నిమ్మలోని ఆమ్ల గుణాలు గిన్నెల జిడ్డు వదిలించడంలో చాలా బాగా సహాయపడతాయని వారు పేర్కొన్నారు.
వెనిగర్‌ : గిన్నెల జిడ్డును తొలగించడంలో వెనిగర్‌ సహజ క్లెన్సర్‌గా పనిచేస్తుందంటున్నారు నిపుణులు. ఒక స్ప్రే బాటిల్లో వెనిగర్‌నీ, నీటినీ సమాన పరిమాణాల్లో తీసుకోవాలి. ఆపై వాటిని బాగా కలిపి జిడ్డుపాత్రలపై స్ప్రే చేసుకోవాలి. అలా కాసేపు ఉంచి ఆపై స్క్రబ్బర్‌తో రుద్ది క్లీన్ చేసుకుంటే జిడ్డు మాయమవుతుందంట.
గ్యాస్ స్టౌ నుంచి మంట సరిగా రావట్లేదా? - ఇలా ఈజీగా సెట్ చేయండి!
బియ్యం కడిగిన నీళ్లు : ముందుగా ఒక టబ్లో బియ్యం కడిగిన నీళ్లు తీసుకొని.. దానిలో రెండు స్పూన్ల బేకింగ్‌సోడా, కాస్త నిమ్మరసం పిండుకోవాలి. ఆపై అందులో మురికిగా ఉన్న పాత్రలను పదినిమిషాలు ఉంచాలి. ఆ తర్వాత వేడినీటితో క్లీన్ చేసుకుంటే చాలు పాత్రలు తళతళా మెరుస్తాయంటున్నారు. అయితే, ఇక్కడ చన్నీళ్లు వాడితే జిడ్డు ఇంకా బలపడుతుందనే విషయాన్ని మీరు గుర్తుంచుకోవాలి.
బేకింగ్ సోడా : వంటపాత్రల జిడ్డు, మురికిని పోగొట్టడంలో బేకింగ్ సోడా చాలా బాగా సబాయపడుతాయంటున్నారు నిపుణులు. ఇందుకోసం మీరు చేయాల్సిందల్లా.. కాస్త వంటసోడా తీసుకొని జిడ్డు పాత్రలపై చల్లాలి. కాసేపు అలాగే ఉంచి ఆపై బ్రష్ లేదా స్పాంజ్‌తో రుద్ది కడిగితే చాలు.. జిడ్డు మరకలు ఇట్టే తొలగిపోతాయంటున్నారు.
వేడినీళ్లు : ఇవి పాత్రల జిడ్డుని వదిలించడంలో చాలా బాగా యూజ్ అవుతాయంటున్నారు నిపుణులు. ఇందుకోసం ముందుగా ఒక పెద్ద టబ్లో వేడినీటిని తీసుకోవాలి. ఆపై అందులో కాస్త సోప్ లిక్విడ్ వేసుకొని.. జిడ్డు పేరుకుపోయిన పాత్రలను నానబెట్టాలి. అలా ఇరవై నిమిషాలు ఉంచాక పీచుతో రుద్ది కడుక్కోవాలి.
NOTE : పైన పేర్కొన్న అంశాలు పలువురు నిపుణులు, పరిశోధనల ప్రకారం అందించినవే. వీటిని పాటించడం, పాటించకపోవడం మీ వ్యక్తిగత విషయం.
ఐరన్‌ పాత్రల జిడ్డు ఓ పట్టాన వదలట్లేదా? - ఇలా క్లీన్ చేస్తే కొత్త వాటిలా మెరిసిపోతాయి!
