పెళ్లిలో 'భౌ భౌ పార్టీ'- హల్దీ, బరాత్​లోనూ కుక్కల హంగామా- వెడ్డింగ్​ కార్డుపై శునకాల పేర్లు ముద్రించిన యువకుడు - Dogs Name Print Wedding Card

Dogs Name Printed on Wedding Card : ఓ జంతు ప్రేమికుడు తన ఇంట్లో ఉన్న శునకాలపై వినూత్న రీతిలో ప్రేమను చాటుకున్నాడు. తన వివాహ ఆహ్వాన పత్రికపై వాటి పేర్లను ప్రింట్​ చేయించాడు. ఈ ఘటన మధ్యప్రదేశ్​లోని సాగర్​ జిల్లాలో జరిగింది.

Dogs Name Printed on Wedding Card : విశ్వాసానికి మారుపేరు శునకాలు అని చెబుతుంటారు. అలాంటి వాటిని చాలా మంది తమ కుటుంబంలోని సభ్యులుగా చూస్తారు. వాటికి మనుషులకు చేసే సపర్యలు చేస్తుంటారు. మరి ఇంటి సభ్యులని మాటల్లో చెబితే సరిపోదు, చేతల్లో చేసి చూపించాలి అని అనుకున్నాడు ఓ యువకుడు. తన వివాహానికి అతిథులను ఆహ్వానించేందుకు ముద్రించిన పెళ్లి పత్రికపై, నాలుగు పెంపుడు శునకాల పేర్లను ముద్రించాడు మధ్యప్రదేశ్ సాగర్​ జిల్లా​లోని ఓ యువకుడు. ఈ ఘటన స్థానికంగా చర్చనీయాంశమైంది.

సాగర్​ జిల్లాలోని రాణిపుర నివాసి యశ్వంత్​ రైక్వార్​. సుమారు ఐదేళ్ల క్రితం యశ్వంత్​ తన స్నేహితుడిని డ్రాప్​ చేయడానికి వెళ్లాడు. అనంతరం తిరిగి వస్తుండగా అతడి స్కూటర్ టైర్​ కింద ఓ కుక్క పిల్ల పడింది. అయితే అదృష్టవశాత్తు ఆ దానికి ఏం కాలేదు. దీంతో ఆ కుక్కను యశ్వంత్​ తన ఇంటికి తీసుకెళ్లి పెంచుకున్నాడు. క్రమంగా శునకాలపై యశ్వంత్​కు ఇష్టం ఏర్పడింది. అలా మరో మూడు కుక్కలను ఇంటికి తీసుకువచ్చి పెంచుకుంటున్నాడు.

వెడ్డింగ్ కార్డుపై శునకాల పేరు

భౌ-భౌ పార్టీ!
ఇదిలా ఉండగా యశ్వంత్​కు ఉత్తర్​ప్రదేశ్​ మెహ్రానీకి చెందిన చంచల్​ రైక్వార్​తో వివాహం నిశ్చయమైంది. అనంతరం తన పెళ్లి ఏర్పాట్లలో యశ్వంత్​ నిమగ్నమయ్యాడు. వివాహ ఆహ్వాన పత్రికలు సిద్ధం చేయిస్తున్న తరుణంలో, యశ్వంత్​​కు ఓ ఆలోచన వచ్చింది. తాను అమితంగా ప్రేమిస్తూ, కుటుంబ సభ్యులుగా చూసుకుంటున్న శునకాల పేర్లు కూడా ఆహ్వాన పత్రికలో చేర్చాలనుకున్నాడు. అనుకున్నట్లే పెళ్లి కార్డులో 'భౌ భౌ' పార్టీ పేరుతో నాలుగు కుక్కలు రాకీ, జోజో, కాలు, లాలూ పేర్లు ప్రింట్​ చేయించాడు.

ఏప్రిల్​ 21న యశ్వంత్​ వివాహం జరిగింది. అయితే పెళ్లికి సంబంధించి హల్దీ వేడుక, సంగీత్​, పెళ్లి ఊరేగింపు లాంటి ప్రతి కార్యక్రమంలో ఈ శునకాలను భాగం చేశాడు యశ్వంత్. వాటిని పెళ్లికి వచ్చిన అతిథుల మాదిరిగానే స్వాగతించాడు. అంతేకాకుండా ఊరేగింపునకు బయలుదేరే సమయంలో కుక్కలకు పసుపు కూడా ఇచ్చారు. కుక్కలపై యశ్వంత్​కు ఉన్న ప్రేమ చూసి వధువు కుటుంబ సభ్యులు, బంధువులు ఆశ్చర్యానికి గురయ్యారు. ఈ ఘటన స్థానికంగా చర్యనీయాంశమైంది.