బోరుబావిలో పడిన రెండేళ్ల చిన్నారి- 6గంటలపాటు రెస్క్యూ ఆపరేషన్​- సేఫ్​గా బయటకు

Child Fell In Borewell Gujarat : బోరుబావిలో పడిన రెండేళ్ల బాలుడిని 6గంటలపాటు శ్రమించి సురక్షితంగా బయటకు తీశారు అధికారులు. ఈ ఘటన గుజరాత్​లో జరిగింది.

Child Fell In Borewell Gujarat : గుజరాత్​లోని జామ్​నగర్​లో ప్రమాదవశాత్తు 15 అడుగుల లోతున్న బోరుబావిలో పడిన రెండేళ్ల బాలుడిని సురక్షితంగా కాపాడారు అధికారులు. దాదాపు 6 గంటల పాటు ఎన్​డీఆర్​ఎఫ్, ఎస్​డీఆర్​ఎఫ్ బృందాలు శ్రమించి బాలుడిని బోరుబావి నుంచి బయటకు తీశాయి. వెంటనే ఘటనాస్థలిలో ఏర్పాటు చేసిన అంబులెన్స్​లో చిన్నారిని జామ్​నగర్ ప్రభుత్వ ఆస్పత్రికి తరలించారు అధికారులు. కాగా, వ్యవసాయ భూమిలో ఆడుకుంటున్న చిన్నారి తెరిచి ఉన్న బోరుబావిలో ప్రమాదవశాత్తు పడిపోయాడని జామ్‌నగర్​ కలెక్టర్​ బీకే పాండ్య తెలిపారు.

అసలేం జరిగిందంటే?
మంగళవారం సాయంత్రం సాయంత్రం 6 గంటల ప్రాంతంలో గోవానా గ్రామానికి చెందిన రెండేళ్ల బాలుడు ప్రమాదవశాత్తు బోరుబావిలో పడిపోయాడు. ఈ విషయంపై బాలుడి తల్లిదండ్రులు, స్థానికులు అధికారులకు సమాచారం అందించారు. ఈ క్రమంలో జిల్లా అగ్నిమాపక సిబ్బంది, ఎన్​డీఆర్​ఎఫ్, ఎస్​డీఆర్​ఎఫ్ బృందాలు ఘటనాస్థలికి చేరుకుని మంగళవారం సాయంత్రం ఆరు గంటల ముప్పై నిమిషాలకు సహాయక చర్యలు ప్రారంభించాయి. దాదాపు 6 గంటలపాటు శ్రమించి బుధవారం అర్ధరాత్రి 12:30 గంటల ప్రాంతంలో చిన్నారిని బోరుబావి నుంచి సురక్షితంగా బయటకు తీశాయి.

• #UPDATE | Gujarat: A child who fell into a borewell in Jamnagar's Govana village, has been rescued safely. https://t.co/xqdtlbseNZ pic.twitter.com/6rZaXcmDMB

  — ANI (@ANI) February 7, 2024

'బోరుబావిలో పడిన చిన్నారికి సమయానికి ఆక్సిజన్​ను సరఫరా చేశాం. లోపల పడ్డ అతడిని చేరుకునేందుకు సమాంతరమైన గొయ్యిని తవ్వించాం. ప్రస్తుతం జామ్​నగర్​ ప్రభుత్వాస్పత్రిలో చికిత్స పొందుతున్న బాలుడి ఆరోగ్యం నిలకడగానే ఉంది' అని కలెక్టర్​ వివరించారు.

రక్షించిన గంటలోపే
Borewell Rescued Girl Died : గతనెల కూడా గుజరాత్‌లోని ద్వారకా జిల్లాలో మూడేళ్ల ఏంజెల్​ సఖ్రా అనే బాలిక బోరుబావిలో పడిపోయింది. ఎనిమిది గంటల పాటు రెస్క్యూ ఆపరేషన్​ చేపట్టిన అధికారులు ఆ చిన్నారిని ప్రాణాలతో బయటకు తీశారు. అయితే చికిత్స నిమిత్తం ఖంభాలియా పట్టణంలోని ప్రభుత్వ ఆసుపత్రికి తరలిస్తున్న తరుణంలో ఆ బాలిక మృతి చెందింది. రక్షించిన గంటలోపే చిన్నారి మరణించడం బాధిత తల్లిదండ్రులకు తీవ్ర గర్భశోకాన్ని మిగిల్చింది. ఈ వార్త పూర్తి వివరాల కోసం ఇక్కడ క్లిక్​ చేయండి.

బోరుబావి బాధిత చిన్నారుల కోసం కెమెరా!
Engineer Developed Camera For Borewell Rescue Operations : బోరుబావిలో పడిన వారిని కాపాడేందుకు ఒడిశాకు చెందిన ఓ ఇంజనీర్ ఇటీవలే ఓ కెమెరాను తయారు చేశారు. ఈ కెమెరాకు 50 అడుగుల లోతులో ఉన్న బావిలోకి వెళ్లి ఆడియో, వీడియోలను రికార్డు చేయగలగే సామర్థ్యం ఉంది. అతి తక్కువ ఖర్చుతో దీనిని అభివృద్ధి చేశానని, దీని తయారీకి కేవలం రెండు రోజుల సమయం మాత్రమే పట్టిందని కెమెరా రూపొందించిన ఇంజనీర్​ తెలిపారు. దీనికి రూ.10 వేల ఖర్చయిందని చెప్పారు. మరి దీనికి సంబంధించి ఫీచర్స్​తో పాటు ఈ కెమెరాను తయారు చేసిన వ్యక్తికి సంబంధించిన ప్రత్యేక కథనం కోసం ఇక్కడ క్లిక్​ చేయండి.