చదువుకోవాలనే బలమైన సంకల్పం ఉండాలే కానీ వయసుతో సంబంధం లేదని నిరూపించారు కేరళకు చెందిన ఓ వ్యక్తి. మూడు దశాబ్దాలుగా లాయర్ వద్ద గుమస్తాగా పని చేస్తూనే తన చదువును పూర్తి చేశారు. 52 ఏళ్ల వయసులో అనుకున్న లక్ష్యాన్ని సాధించి అడ్వకేట్గా మారారు. ఇప్పుడు క్లర్క్గా పనిచేసిన న్యాయస్థానంలోనే న్యాయవాదిగా ప్రాక్టీస్ చేస్తున్నారు. ఆయనే కాసర్గోడ్కు చెందిన గంగాధరన్.
Advocate Gangadharan Inspirational Story : కాసర్‌గోడ్‌లోని కోజువల్ పల్లియానికి చెందిన గంగాధరన్ 1992లో కోర్టులో గుమస్తాగా పనిలో చేరారు. అప్పటి నుంచి పలు లాయర్ల వద్ద క్లర్క్ పనిచేస్తూ వచ్చారు. అప్పుడే తాను కూడా ఓ లాయర్ కావాలని అనుకున్నారు. కానీ కొన్ని పరిస్థితులు కారణంగా గంగాధరన్ చదువుకోవడానికి కుదరలేదు. ఆ కోరిక అలాగే ఉండిపోయింది.
అయితే 2019లో కన్నూర్ యూనివర్సిటీ నుంచి మలయాళంలో బీఏ పూర్తి చేశారు. ఆ తర్వాత 2020లో ఎల్ఎల్బీ చేసేందుకు సుల్యాలోని కేవీజీ లా కాలేజీలో చేరారు. ఆ సమయంలో ఓ వైపు క్లర్క్గా పనిచేస్తూ, మరోవైపు చాలా దూరం ప్రయాణించి కాలేజ్కు వెళ్లేవారు. అలా ఎల్ఎల్బీని కూడా పూర్తి చేశారు. ఇటీవలే అడ్వకేట్గా నమోదు చేసుకున్నారు. ప్రస్తుతం క్లర్క్గా పని చేసిన న్యాయస్థానంలోనే లాయర్గా ప్రాక్టీస్ చేస్తున్నారు.
మరోవైపు, కొందరి జీవితంలో జరిగిన చెడు విషయాలు కూడా వారి జీవితాన్ని మార్చేస్తాయి. అచ్చం అలాగే తమిళనాడులోని కోయంబత్తూరుకు చెందిన రాజ్ కుమార్ జీవితంలో జరిగింది. ఓ కేసులో అరెస్టై జైలు జీవితం గడిపి మంచి ఆర్టిస్ట్గా మారారు. ప్రస్తుతం అద్భుతాలు సృష్టిస్తున్నారు. మరెందుకు ఆలస్యం రాజ్ కుమార్ విజయ గాథ ఏంటో తెలుసుకుందాం.
చిన్న తప్పు- మారిన జీవితం!
కోయంబత్తూరు జిల్లా కరమడైకి చెందిన రాజ్ కుమార్ కూలీగా పనిచేసేవారు. 2009లో తనకు తెలిసిన వారి వద్ద బైక్ను కొన్నారు. అయితే ఆ వాహనానికి సరైన పత్రాలు లేవు. నకిలీ రిజిస్ట్రేషన్ పత్రాలు మాత్రమే ఉన్నాయి. ఈ విషయం రాజ్ కుమార్కు బైక్ కొనుగోలు సమయంలో తెలియదు. తన కుటుంబ ఆర్థిక పరిస్థితి బాగాలేక బైక్ అమ్మేందుకు సిద్ధమయ్యారు రాజ్ కుమార్. అప్పుడు బైక్కు నకిలీ రిజిస్ట్రేషన్ పత్రాలు ఉన్నట్లు తెలిసింది. అయినా పరిస్థితుల కారణంగా వేరొక వ్యక్తికి ఆ బైక్ను అమ్మేశారు. ఆ తర్వాత ఏం జరిగిందో తెలియాలంటే ఇక్కడ క్లిక్ చేయండి.
