బోరుబావిలో పడ్డ మూడేళ్ల చిన్నారి - ముమ్మరంగా సహాయక చర్యలు - GIRL FELL IN BOREWELL RAJASTHAN

సోమవారం మధ్యాహ్నం కిరాత్‌పురలోని ధని బడియాలి గ్రామంలో బోర్‌వెల్‌లో పడిపోయిన 3 ఏళ్ల చిన్నారి చెత్నాను బయటకు తీసుకొచ్చేందుకు సహాయక బృందాలు తీవ్రంగా ప్రయత్నిస్తున్నాయి. సీసీ కెమెరా ఫుటేజ్‌ ద్వారా చిన్నారి చేతుల కదలికలు స్పష్టంగా కనిపిస్తున్నాయని సహాయక బృందాలు తెలిపాయి.

సోమవారం రాత్రి బాలికను బయటకు తీసుకొచ్చేందుకు బోర్‌వెల్‌లో రింగ్ రాడ్‌ను అమర్చారు. అయితే ఆ రాడ్ బాలిక దుస్తులకు ఇరుక్కుపోడం వల్ల ఆ ప్రయత్నం విఫలమైంది. అయితే పాపలో ఇంకా కదలికలు ఉన్న రీత్యా, ఆమెను రక్షించేందుకు ఎన్‌డీఆర్‌ఎఫ్‌, ఎస్‌డీఆర్‌ఎఫ్‌ బృందాలు అన్ని విధాల ప్రయత్నాలు చేస్తున్నాయి.

సోమవారం మధ్యాహ్నం పాప బోర్‌వెల్‌లో పడిపోగా, సహాయక బృందాలు సాయంత్రానికల్లా అక్కడకు చేరుకుని రెస్క్యూ ఆపరేషన్ ప్రారంభించాయి. తరువాత చిన్నారి పరిస్థితి తెలుసుకునేందుకు బోర్‌వెల్‌లోకి ఆక్సిజన్‌, కెమెరాలను పంపించారు. పాప సుమారు 150 అడుగుల లోతులో తలకిందులుగా చిక్కుకుపోయిందని గుర్తించినట్లు రెస్క్యూ సిబ్బంది తెలిపారు. ఆ అమ్మాయి ఏడుపు శబ్దం అడపాదడపా వినిపిస్తోందని అన్నారు.

రాజస్థాన్​లో బోరుబావులు చిన్నారులను మింగేస్తున్నాయి!. ఇటీవల 175 అడుగుల లోతు ఉన్న బోరుబావిలో పడిన 5 ఏళ్ల బాలుడు మృతి చెందిన ఘటన మరవకముందే, అలాంటి మరో ఘటన జరిగింది. కౌట్​పూతలో-బహ్​రోడ్ జిల్లాలో మూడేళ్ల చిన్నారి తన తండ్రి పొలంలో ఆడుకుంటూ వెళ్లి ప్రమాదవశాత్తు 150 అడుగుల లోతు ఉన్న బోరుబావిలో పడింది. దీనిపై బాలిక తల్లిదండ్రులు పోలీసులకు సమాచారం అందించారు. సమాచారం అందుకున్న ఎన్​డీఆర్​ఎఫ్, ఎస్​డిఆర్​ఎఫ్ బృందాలు ఘటనాస్థలికి హుటాహుటిన చేరుకుని సహాయక చర్యలు ప్రారంభించారు.

ఈ ఘటనపై సమాచారం అందుకున్న వెంటనే అంబులెన్స్, జేసీబీలతో ఘటనాస్థలికి చేరుకున్నట్లు డీఎస్పీ రాజేంద్ర బుర్దకు తెలిపారు. ప్రస్తుతం బాలికకు ఆక్సిజన్​ను అందిస్తున్నట్లు పేర్కొన్నారు. ఇక బాలిక కదలికలను కెమెరా ద్వారా పరిశీలిస్తున్నట్లు అధికారులు తెలిపారు. అయితే, ఆ బోరుబావిని బాలికి తండ్రి భూప్​సింగ్ జాట్ కొద్ది రోజుల క్రితమే తవ్వించినట్లు స్థానికులు తెలిపారు. అంతకుముందు పరిశ్రమల శాఖ మంత్రి రాజ్యవర్ధన్ సింగ్ రాథోడ్ అధికారులతో మాట్లాడారు. బాలికను త్వరగా రక్షించేలా చర్యలు చేపట్టాలని అధికారులను ఆదేశించారు.

బోరుబావుల విషయంలో జాగ్రత్తగా ఉండాలని రాజస్థాన్ పోలీసులు ఎక్స్ వేదికగా ప్రజలకు విజ్ఞప్తి చేశారు. రాష్ట్రంలోని పలు ప్రాంతాల్లో ఉన్న ఎండిపోయిన బావులు, బోరుబావులు ప్రజలకు ప్రమాదకరమని తెలిపారు. ఎక్కడైనా ఓపెన్ బోర్‌వెల్ లేదా ఎండిపోయిన బావిని చూస్తే ఎస్​డీఆర్​ఎఫ్ హెల్ప్‌లైన్ 0141-2759903 లేదా 8764873114కు తెలియజేయాలని తెలిపారు.

సోమవారం మధ్యాహ్నం కిరాత్‌పురలోని ధని బడియాలి గ్రామంలో బోర్‌వెల్‌లో పడిపోయిన 3 ఏళ్ల చిన్నారి చెత్నాను బయటకు తీసుకొచ్చేందుకు సహాయక బృందాలు తీవ్రంగా ప్రయత్నిస్తున్నాయి. సీసీ కెమెరా ఫుటేజ్‌ ద్వారా చిన్నారి చేతుల కదలికలు స్పష్టంగా కనిపిస్తున్నాయని సహాయక బృందాలు తెలిపాయి.

సోమవారం రాత్రి బాలికను బయటకు తీసుకొచ్చేందుకు బోర్‌వెల్‌లో రింగ్ రాడ్‌ను అమర్చారు. అయితే ఆ రాడ్ బాలిక దుస్తులకు ఇరుక్కుపోడం వల్ల ఆ ప్రయత్నం విఫలమైంది. అయితే పాపలో ఇంకా కదలికలు ఉన్న రీత్యా, ఆమెను రక్షించేందుకు ఎన్‌డీఆర్‌ఎఫ్‌, ఎస్‌డీఆర్‌ఎఫ్‌ బృందాలు అన్ని విధాల ప్రయత్నాలు చేస్తున్నాయి.

సోమవారం మధ్యాహ్నం పాప బోర్‌వెల్‌లో పడిపోగా, సహాయక బృందాలు సాయంత్రానికల్లా అక్కడకు చేరుకుని రెస్క్యూ ఆపరేషన్ ప్రారంభించాయి. తరువాత చిన్నారి పరిస్థితి తెలుసుకునేందుకు బోర్‌వెల్‌లోకి ఆక్సిజన్‌, కెమెరాలను పంపించారు. పాప సుమారు 150 అడుగుల లోతులో తలకిందులుగా చిక్కుకుపోయిందని గుర్తించినట్లు రెస్క్యూ సిబ్బంది తెలిపారు. ఆ అమ్మాయి ఏడుపు శబ్దం అడపాదడపా వినిపిస్తోందని అన్నారు.

రాజస్థాన్​లో బోరుబావులు చిన్నారులను మింగేస్తున్నాయి!. ఇటీవల 175 అడుగుల లోతు ఉన్న బోరుబావిలో పడిన 5 ఏళ్ల బాలుడు మృతి చెందిన ఘటన మరవకముందే, అలాంటి మరో ఘటన జరిగింది. కౌట్​పూతలో-బహ్​రోడ్ జిల్లాలో మూడేళ్ల చిన్నారి తన తండ్రి పొలంలో ఆడుకుంటూ వెళ్లి ప్రమాదవశాత్తు 150 అడుగుల లోతు ఉన్న బోరుబావిలో పడింది. దీనిపై బాలిక తల్లిదండ్రులు పోలీసులకు సమాచారం అందించారు. సమాచారం అందుకున్న ఎన్​డీఆర్​ఎఫ్, ఎస్​డిఆర్​ఎఫ్ బృందాలు ఘటనాస్థలికి హుటాహుటిన చేరుకుని సహాయక చర్యలు ప్రారంభించారు.

ఈ ఘటనపై సమాచారం అందుకున్న వెంటనే అంబులెన్స్, జేసీబీలతో ఘటనాస్థలికి చేరుకున్నట్లు డీఎస్పీ రాజేంద్ర బుర్దకు తెలిపారు. ప్రస్తుతం బాలికకు ఆక్సిజన్​ను అందిస్తున్నట్లు పేర్కొన్నారు. ఇక బాలిక కదలికలను కెమెరా ద్వారా పరిశీలిస్తున్నట్లు అధికారులు తెలిపారు. అయితే, ఆ బోరుబావిని బాలికి తండ్రి భూప్​సింగ్ జాట్ కొద్ది రోజుల క్రితమే తవ్వించినట్లు స్థానికులు తెలిపారు. అంతకుముందు పరిశ్రమల శాఖ మంత్రి రాజ్యవర్ధన్ సింగ్ రాథోడ్ అధికారులతో మాట్లాడారు. బాలికను త్వరగా రక్షించేలా చర్యలు చేపట్టాలని అధికారులను ఆదేశించారు.

బోరుబావుల విషయంలో జాగ్రత్తగా ఉండాలని రాజస్థాన్ పోలీసులు ఎక్స్ వేదికగా ప్రజలకు విజ్ఞప్తి చేశారు. రాష్ట్రంలోని పలు ప్రాంతాల్లో ఉన్న ఎండిపోయిన బావులు, బోరుబావులు ప్రజలకు ప్రమాదకరమని తెలిపారు. ఎక్కడైనా ఓపెన్ బోర్‌వెల్ లేదా ఎండిపోయిన బావిని చూస్తే ఎస్​డీఆర్​ఎఫ్ హెల్ప్‌లైన్ 0141-2759903 లేదా 8764873114కు తెలియజేయాలని తెలిపారు.