ఒకే కుటుంబం- 1200 మంది ఓటర్లు- అభ్యర్థులందరి చూపు ఆయనపైనే! - 1200 Voters In One Family In Assam

1200 Voters In One Family In Assam : ఒక కుటుంబంలో ఇద్దరు, ముగ్గురు లేదంటే మహా అయితే పది మంది ఓటర్లు ఉంటారు. అంతే కదా కానీ ఒకే కుటుంబంలో 1200 మంది ఓటర్లు ఉన్నారంటే నమ్ముతారా? నిజమే ఒక గ్రామమంతా ఆ కుటుంబ సభ్యులే ఉంటారు. వారిలోనే 1200మంది ఈ లోక్​ సభ ఎన్నికల్లో ఓటు హక్కును వినియోగించకోనున్నారు. దీంతో ప్రస్తుతానికి అభ్యర్థుల దృష్టింతా ఆ ఓటర్లపై ఉంది. ఇంతకీ ఆ గ్రామం ఎక్కడుందంటే?

1200 Voters In One Family In Assam : లోక్​సభ ఎన్నికల సమరం మొదలైంది. బరిలో నిలిచే అభ్యర్థులు ఓటర్లను ఆకర్షించే విధంగా వ్యూహాలు రచిస్తున్నారు. ప్రచారాలతో అన్ని రకాల ప్రయత్నాలు చేస్తున్నారు. ఈ క్రమంలోనే అసోంలోని ఓ కుటుంబంపై పార్టీ నేతలు దృష్టి పడింది. ఒక కుటుంబమే కదా ఏముందని అనుకుంటున్నారా? ఆ ఒక్క కుటుంబంలోనే 1200 మంది ఓటర్లు ఉన్నారు. ఆ కుటుంబం మొత్తమే ఒక గ్రామంగా ఉంది. అదే అసోంలోని తేజ్​పుర్ నియోజకవర్గం పరిధిలోని నేపాలీ పామ్ గ్రామం. లోక్​సభ ఎన్నికల వల్ల ఈ గ్రామం ప్రస్తుతం వార్తల్లో నిలిచింది.

కుటుంబమే గ్రామంగా
రాన్​ బహదూర్ అనే గోర్ఖా బ్రిటిష్​ కాలంలోనే వచ్చి సోనిత్​పుర్ జిల్లాలో స్థిరపడ్డారు. వ్యవసాయం చేసుకుంటూ జీవించేవారు. అతడికి ఐదుగురు భార్యలు ఉండేవారు. వారికి మొత్తం 12 మంది కుమారులు, 10 మంది కుమార్తెలు. 1997లో రాన్​ బహదూర్ మరణించారు. ఇలా విస్తరించిన ఆ కుటుంబ విస్తరించి ప్రస్తుత నేపాలీ పామ్​ గ్రామంగా మారింది. మొత్తం 300 కుటుంబాలు ఉన్నాయి. ఈ గ్రామంలో దాదాపు 2,500 మంది సభ్యులు ఉన్నాయి. వీరిలో 1200 మంది ఓటర్లు ఉన్నారు.

రాన్​ బహదూర్ కుటుంబం

అందరి దృష్టి ఆ ఒక్కరి పైనే
అయితే వీరంతా కుటుంబ పెద్దలు ఎంచుకున్న అభ్యర్థికే ఓటు వేస్తారు. దీంతో తేజ్​పుర్​ నియోజవర్గంలో పోటీ చేసే ప్రతి అభ్యర్థి ఈ గ్రామ పెద్దలతో సత్సంబంధాలు కొనసాగించడానికి ప్రయత్నిస్తుంటారు. ప్రస్తుతానికి ఆ కుటుంబ పెద్దగా, గ్రామ అధిపతిగా టిల్ బహదూర్ థాపా ఉన్నారు. దీంతో అభ్యర్థులు టిల్​ బహదూర్​తో మంచి సంబంధాలు కొనసాగిస్తుంటారు. 'మా నాన్న ఐదుసార్లు పెళ్లి చేసుకున్నారు. మేం 22 మంది పిల్లలం. ఒకే ఇంట్లో ఉండటం కష్టంగా ఉండటం వల్ల విడిగా జీవిస్తున్నాం. ఇప్పుడు 300 కుటుంబాలు ఉన్నాయి. మాకు 65 మంది మనవళ్లు, 70 మంది మనవరాళ్లు ఉన్నారు' అని గ్రామాధిపతి టిల్ బహదూర్ తెలిపారు.