କୋହଲିଙ୍କ 100ତମ ଟେଷ୍ଟ ମ୍ୟାଚ ଦେଖିବାକୁ ମୋହାଲି ଅଭିମୁଖେ ଖାସ୍‌ ଫ୍ୟାନ୍‌ ପିଣ୍ଟୁ ବେହେରା

କଟକ: ମୋହାଲିରେ ବିରାଟ ମାଇଲଷ୍ଟୋନ ହାସଲ କରିବାକୁ ଯାଉଛନ୍ତି କିଙ୍ଗ୍‌ କୋହଲି । ନିଜର ୧୦୦ତମ ଟେଷ୍ଟ ମ୍ୟାଚ୍‌ ଖେଳିବାକୁ ଯାଉଛନ୍ତି ପୂର୍ବତନ ଭାରତୀୟ ଅଧିନାୟକ । ଏଥିପାଇଁ କୋହଲିଙ୍କୁ ସବୁମହଲରୁ ଶୁଭେଚ୍ଛାର ସୁଅ ଛୁଟିଛି । ତେବେ ଷ୍ଟାଡିୟମରେ ଉପସ୍ଥିତ ରହି ଏହି ସ୍ସେଶାଲ ମ୍ୟାଚ୍‌ର ସାକ୍ଷୀ ପାଲଟିବାକୁ ମୋହାଲି ଅଭିମୁଖେ ବାହାରି ସାରିଛନ୍ତି କୋହଲିଙ୍କ ଓଡିଆ ଫ୍ୟାନ ପିଣ୍ଟୁ ବେହେରା । ଏପରି ମ୍ୟାଚ୍‌ ଲାଇଭ ଦେଖିବା ଭାଗ୍ୟରେ ଥିଲେ ମିଳେ ବୋଲି କହିଛନ୍ତି ପିଣ୍ଟୁ । ମୋହାଲିରେ ଶୁକ୍ରବାର ଠାରୁ ଆରମ୍ଭ ହେବାକୁ ଯାଉଛି ଭାରତ-ଶ୍ରୀଲଙ୍କା ପ୍ରଥମ ଟେଷ୍ଟ । ଏହି ମ୍ୟାଚ୍‌ ହେବ ବିରାଟ କୋହଲିଙ୍କ ୧୦୦ତମ ଟେଷ୍ଟ । କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ