ନାଗସାପକୁ ଚୁମ୍ବନ, ଚୋଟରେ ଚାଲିଗଲା ଜୀବନ

ମାଲକାନଗିରି: ନାଗସାପ ସହ ଖେଳିବା ପଡିଲା ମହଙ୍ଗା । ଚୁମ୍ବନ ଦେଉଥିବା ବେଳେ ଚୋଟ ମାରିଲା ସାପ । ଯାହାର ଭିଡିଓ ଏବେ ମୋବାଇଲରୁ ମୋବାଇଲ ଘୁରି ବୁଲିଛି । ସୂଚନା ଅନଯାୟୀ, ମାଲକାନଗିରି ଜିଲ୍ଲା ଗୋଙ୍ଗଲା ଗ୍ରାମର ଅଜୟ ଫଟକା ନାମକ ଯୁବକ ନାଗ ସାପକୁ ହାତରେ ଧରି ଖେଳୁଥିଲେ । ସେ ସାପକୁ ନିଜ ମୁହଁ ପାଖକୁ ନେଇ ଚୁମ୍ବନ ଦେବା ସମୟରେ ସାପ ତାଙ୍କୁ ଦୁଇରୁ ତିନି ଥର ଚୋଟ ମାରିଥିଲା । କିଛି ସମୟ ଭିତରେ ଯୁବକ ଜଣକ ଅସୁସ୍ଥ ହୋଇ ପଡ଼ିଥିଲେ । ହେଲେ ଅଜୟଙ୍କୁ ମେଡିକାଲ ନେବା ବଦଳରେ ଗୁଣିଆ ପାଖକୁ ନିଆଯାଇଥିଲା । ପରେ ସେ ଅଧିକ ଗୁରୁତର ହେବାରୁ ମେଡିକାଲ ନିଆଯାଇଥିଲା । ହେଲେ ସେତେବେଳକୁ ତାଙ୍କର ମୃତ୍ୟୁ ହୋଇସାରିଥିଲା । ତେବେ ଅଜୟ ନାଗସାପକୁ ଧରି ତାକୁ ଗେଲ କରୁଥିବାର ଭିଡିଓ ଏବେ ଖୁବ୍ ଭାଇରାଲ ହେବାରେ ଲାଗିଛି ।