ଚଳନ୍ତା ବସ୍‌ରେ ଶିଶୁ କନ୍ୟାକୁ ଜନ୍ମଦେଲେ ମହିଳା, ମାଆ ଓ ଶିଶୁ ସୁସ୍ଥ

ଚଣ୍ଡିଗଡ଼: ଚଳନ୍ତା ବସ୍‌ରେ ପ୍ରସବ କଲେ ମହିଳା । ପଞ୍ଜାବର ଫାଗୱାରାରୁ ଏଭଳି ଏକ ଘଟଣା ସାମନାକୁ ଆସଛି । ଗର୍ଭବତୀ ମହିଳା ଜଣକ ଏକ ସରକାରୀ ବସ୍‌ରେ ଜଳନ୍ଧରରୁ ଲୁଧିଆନା ଅଭିମୁଖେ ଯାଉଥିଲେ । ବାଟରେ ଯନ୍ତ୍ରଣା ଅନୁଭବ କରିବାରୁ ବସ୍‌ରେ ହିଁ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ । ବସ୍‌ରେ ସ୍ବାସ୍ଥ୍ୟ ବିଭାଗର ଜଣେ ମହିଳା ଉପସ୍ଥିତ ଥିବାରୁ ସେ ତାଙ୍କର ପ୍ରସୂତି କରାଇଥିଲେ । ଏହପରେ ବସ୍‌ କଣ୍ଡକ୍ଟର ଏବଂ ଯାତ୍ରୀଙ୍କ ସହଯୋଗରେ ଆମ୍ବୁଲାନ୍ସ ଯୋଗେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ବର୍ତ୍ତମାନ ଉଭୟ ମାଆ ଏବଂ ଶିଶୁ ଦୁହେଁ ସୁସ୍ଥ ଥିବା ଡାକ୍ତରଖାନା କର୍ତ୍ତୃପକ୍ଷ ସୂଚନା ଦେଇଛନ୍ତି ।